تازه خبرونه
ولسمشر بریتانیا ته سفر کوي
په پام کي ده چې ولسمشر محمد اشرف غني له اداري فساد سره د مبارزې په کنفرانس کې د ګډون له پاره بریتانیا ته سفر وکړي.
د بریتانیا لومړی وزیر ډوید کامرون ویلي چې فساد د نړي په کچه ډېرې ستونزې را منځته کړي دي او د پرمختګ مخه یې نیولې ده. د هغه په وینا اداري فساد خلک اړ کړي چې په ځينو مواردو کې له ترهګرو ډلو سره یو ځای شي. د افغانستان د شفافیت د څار بنسټ په لندن کې جوړېدونکی کنفرانس د افغانستان له پاره مهم ګڼي.
ټاکل شوې ولسمشر محمد اشرف غني به په نږدېورځو کې د اداري فساد پر وړاندې د مبارزې په کنفرانس کې چې په لندن کې جوړېږي، سفر وکړي.
د بریتانیا لومړي وزیر ډیوید کامرون ویلي چې په کنفرانس کې به د فساد د لاملونو او له مجازات څخه د معافیت په ستونزو خبرې وشي.
د بریتانیا لومړي وزیر دیوید کامرون وايي: “فساد د نړۍ د ډېرو ستونزو زېږنده دی، د اقصاديودې مخه نیسي او خلک د ترهګرۍ خواته را کاږی.”
د افغانستان د رونټیا یا شفافیت څار بنسټ،دغه کنفرانس د افغانستان له پاره ډېر مهم بولي او د نړیوالي ټولنې د ملاتړ غوښتنه کوي.
د افغانستان د روڼتیا د څار بنسټ رییس سید اکرام افضلی وايي: “دا کنفرانس د اهمیت وړ دي او تېرې ژمنې عملي اقداماتوته اړتیا لري. د دغو ژمنو د عملی کېدو له پاره د نړیوالو ملاتړ اړین دی. موږ د لندن له کنفرانس تمه لرو چې زموږ ملاتړ وکړي او افغان حکومت هم د معافیت له فرهنګ څخه ډډه وکړي.”
د اداری فساد پر وړاندې د مبارزې عالي شورا وايي چې حکومت خپلې هڅې کوي او په دې برخه کې د نړیوالو ملاتړ ته جدي اړتیا ده.
له اداری فساد سره د مبارزې د عالي شورا د اطلاعاتو او عامه اړیکو رییس عبدالقهار فرخ سیر وايي: “دفساد موجودیت تر امنیتی ګواښونو هم خطرناک دی نړیواله ټولنه باید چې د افغانستان له پروګرامونو څخه ملاتړ وکړي او له عدلی قضايی او کشفي ادارو سره خپلې تخنیکي او مالي مشورې شریکې کړي.”
خو د روڼتیا د څار بنسټ وايي چې افغان حکومت تر اوسه لهاداري فساد سره د مبارزې په برخه کې د نړیوالې ټولنې او مدني ټولنې قناعت نه دی تر لاسه کړی.
د رونټیا د څار د بنسټ رییس سید اکرام افضلی وايي: “تر هغه چې سیاسي مداخلې موجودې وي موږ نشو کولای چې لاسته راوړنه ولرو او تر هغې چې زورواکو ته جزا ورنه کړل شي نو فساد به هم په خپل ځای پاتې شي.”
دا په داسي حال کې ده چې تر اوسه د اداري فساد په اړه پنځه زره قضيې څېړل شوې دي او ۶زره شکایتونه درج شوي دي. د اداري فساد پر وړاندې د مبارزې عالي شورا وايي چې له دې ډلې څخه ۴۵۰دوسيې د څېړنې له پاره لويې څارنوالۍ ته لېږلشوېدي.
خبریال: عبدالعزیز کریمي
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه3 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ5 days ago
د جاپان دوه پوځي چورلکې بحر ته وغورځېدې
-
تازه خبرونه5 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
نړۍ3 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
نړۍ1 day ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی4 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه3 days ago
راشد خان د افغان بیسیم سوداګریز سفیر شو
-
لوبی3 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ