تازه خبرونه
هلمند کې د يوه ښوونځي د ودانۍ د بنسټ ډبره کېښودل شوه
د هلمند په مرکز لښکرګاه کې د يو داسې ښوونځي د بنسټ ډبره کېښودل شوه چې اوس يې ماشومان په خېمو کې ژوند کوي.
ياد شوی ښوونځی د بست کلا په سيمه کې جوړېږي،که څه هم چارواکي وايي چې د پوهنې په برخه کې به نورې پروژې هم پلې کړي خو د دې سيمې اوسېدونکي وايي چې د ودانيو پر ځای بايد مسلکي ښوونکي د دوی ښوونځيو ته ولېږي.
د دې ښوونځي د بنسټ ډبره د دوشنبې په ورځ د هلمند والي او نورو ځايي مسؤلينو له خوا کېښودل شوه.
د هلمند د پوهنې رييس عبدالمتين جعفر وويل: “دا ودانۍ په يوه كال كې د څلورنيم مليونه افغانيوپه لګښت جوړېږي، ودانۍ به درسي خونې او نورې آسانتياوې ولري چې پر يوه وخت به په کې۷۵۰ زده کوونکي زده کړې کوي.”
د هلمند والي حیات الله حیات هم وايي: “د سيمې له مخورو او مشرانو هيله کوم چې خپل اولادونه زده کړو ته ولېږي، دا ويجاړ له زده کړو پرته نه شو جوړوی، که موږ خپل ماشومان زده کړو ته ولېږو، په راتلونکي کې به همدا ماشومان زموږ مشران او خادمان وي.”
دوی که څه هم وايي چې د دې ولايت د پوهنې د بهير په برخه کې به بېلابېلو اړخونو ته پوره پاملرنه کوي خو د بست د سيمې ځينې اوسېدونکي بیا د ښوونځيو ټيټ کيفيت ته په اندېښنه کې دي.
د سيمې اوسېدونکی احمدجان وايي: “د ودانيو پر ځای دې زموږ ښوونځيو ته مسلکي ښوونکي راولېږي، دلته زموږ ښوونځي مسلکي ښوونکي نه لري، له همدې کبله مو ډېری فارغين بې سواده فارغېږي.”
دوى زياتوي چې کلونه کلونه يې ماشومان ښوونځي ته لېږلي خو تر اوسه پورې خپل نوم نه شي ليکلی په داسې حال کې چې په هره برخه کې دوی د دولت ملاتړ کړی او په خپله يې د سيمې امنيت ساتلی دی، خو په دې ولايت کې د پوهنې مسؤلين د کتابونو او مسلکي ښوونکو د کموالي ستونزې نه ردوي دوی وايي چې د چمتو کولو له پاره يې هڅې کوي.
خبريال: نعمتالله زهير
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه3 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ1 day ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ3 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی4 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه3 days ago
راشد خان د افغان بیسیم سوداګریز سفیر شو
-
لوبی3 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
لوبی1 day ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه4 days ago
د ایران ولسمشر پر درې ورځني سفر پاکستان ته ولاړ