تازه خبرونه
ناامني د ټاکنو د ترسره کولو لپاره ستر ګواښ دی- صیاد
د ټاکنو خپلواک کمیسیون ویلي، چې د تلې اته ویشتمه د ولسي جرګې او ولسوالیو شوراګانو د ټاکنو ورځ اعلان شوې؛ خو ناامني د ټاکنو د تر سره کولو لپاره ستره ګواښ دی.
د ټاکنو خپلواک کمیسیون مسوولینو څرګنده کړې، چې ناامنیو اندېښمن کړي؛ نو، ځکه یې پر امنیتي ارګانونو غږ کړی، چې د ټاکنو لپاره امنیت خوندي کړي.
د ټاکنو خپلواک کمیسیون رييس ګلاجان عبدالبدیع صیاد وایي: هغه ټاکنې، چې د ترسره کیدو نېټه یې د چنګاښ(سرطان) ۱۶ ښودل شوې وه؛ د ۱۳۹۷ کال د تلې(میزان) پر ۲۸ تر سره کیږي.
د ټاکنو خپلواک کمیسیون د څرګندونو له مخې؛ دا ځل به ټاکنې د تذکرو له مخې تر سره او د رایه ورکوونکیو د نوملړ ثبتولو بهیر به هم د وري پر پېنځه ویشتمه د ولایتونو په مرکزونو کې پیل شي.
ښاغلی صیاد زیاتوي، د وګړیو د ثبت او احوال اداره به هم لس میلیون کاغذي تذکرې پر خلکو ووېشي.
نوموړي دا هم په ډاګه کړې، چې د ۳۲ ولسوالیو د رای مرکزونه په نښه شوي نه دي.
امنیتي ځواکونو ژمنه کړې، چې د ناامنو سیمو امنیت به خوندي کوي.
د پوځ لوی درستیز شریف یفتلي ویلي، چې د ټاکنو د امنیت خوندي کول مونږ پخپلو لومړیتوبونو کې راوستی دی.
د نوموړي په وینا؛ د ټاکنو د امنیت خوندي کولو پلان جوړ شوی؛ ۲۳ ولایتونو ته یو شمېر توکي رسیدلي او پاتې سیمو ته د توکو رسول روان دي.
د ټاکنیزو شکایتونو کمیسیون مسوولین وايي، چې یوولس میاشتې مخکې د دارالانشا رياست لپاره د وړ کسانو نوملړ ولسمشر ته استول شوی؛ خو تر اوسه یې په اړه څه ندي ویل شوي.
د ټاکنیزو شکایتونو کمیسیون ريیس عبدالعزیز اریايي زیاتوي: ولسمشر باید د دارالانشا د مشرانو په ورپېژندنه کې له بیړې کارواخلي او په اړه یې ژر پرېکړه وکړي.
د ټاکنو څارونکي بنسټونه په دې اړه نیوکه کوي او وایي؛ د ټاکنیزو کمیسیونونو کار په هغه کچه نه دی، چې د خلکو او څارونکیو بنسټونو باور تر لاسه کړي.
دا په داسې حال کې ده، چې د پسرلي په رارسیدو جګړو زور اخیستی او د ټاکنو خپلواک کمیسیون هم د ولسي جرګې او ولسوالیو شوراګانو د ټاکنو مهالوېش اعلان کړی دی.
خبریال: فواد ناصري
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه3 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ3 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
نړۍ1 day ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی4 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه3 days ago
راشد خان د افغان بیسیم سوداګریز سفیر شو
-
لوبی1 day ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
لوبی3 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه4 days ago
د ایران ولسمشر پر درې ورځني سفر پاکستان ته ولاړ