تازه خبرونه
ملګرو ملتونو په افغانستان کې د ماشومانو په ناوړه وضعیت اندېښنه ښودلې
د ملګرو ملتونو سازمان وايي چې پوهنې او روغتیايي خدمتونو ته د ماشومانو لاسرسی له ګواښونو سره مخامخ شوی دی.
دوی وايي چې په ۲۰۱۵ میلادی کال کې ۳۶۹ ښوونځي تړل شوي چې له کبله یې ۱۳۹۰۰۰ ماشومان له زده کړو محروم شوي دي. ډېره ستونزه نجونو ته مخامخ بلل شوې ده او د دوی په وينا چې۶۰۰ ښوونکو خپلې دندې له لاسه ورکړې دي.
روغتیايي خدمتونو نه لاسرسی بله هغه ستونزه ده چې ماشومان ورسره لاس او ګرېوان ګڼل شوي دي. دغه راز ملګري ملتونه وايي چې د دوه زره څوارلسم میلادي کال په پرتله روغتیايي او پوهنیز بهیر ته ګواښونه یو سل او څلور اتیا په سلو کې لوړ شوي دي.
په مرګ ګواښل، ښوونځيو کې د خبرداریو پاڼو خپرېدل، ښوونځیو ته نږدې د ماینونو چاودنې او په زور د ښوونځيو تړل مهم موارد ګڼل شوي دي.
د ماشومانو د ملاتړ اداره اندېښنه ښيي چې په افغانستان کې د کارګرو ماشومانو شمېره هم مخ په لوړېدو ده. د راپور له مخې پنځه شپېته په سلو کې کورنۍ خپل ماشومان اړباسي چې سخت کارونه وکړي.
په نړيوالو ارګانونو کې د افغان ماشومانو د ملاتړ ادارې مدیره زبیده اکبر وايي: “له بده مرغه داسې هېڅ قانون نشته چې په ماشومانو د سختو کارونو د کړلو مخه ونيسی، د راپورونو له مخې ۶۵ په سلو کې کورنۍ خپل ماشومان سختو کارونو ته اړ باسي.”
دا په داسې حال کې ده چې په افغانستان کې ماشومان له دغو ستونزو سربېره له فزیکي او جنسي تاوتریخوالي سره هم لاس او ګرېوان دي او په ځينو سیمو کې په جګړو کې ور څخه کار اخیستل کېږي. په کابل کې له ماشومانو سره د تاوتریخوالي تازه پېښه د الیاس په نوم د ماشوم د زندۍ کولو پېښه یادولی شو.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه3 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ5 days ago
د جاپان دوه پوځي چورلکې بحر ته وغورځېدې
-
تازه خبرونه5 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
نړۍ3 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی4 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه3 days ago
راشد خان د افغان بیسیم سوداګریز سفیر شو
-
نړۍ21 hours ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی3 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ