تازه خبرونه
ملامحمد رسول: داعش او القاعده ته اجازه نه ورکوو چې افغانستان کې جګړه وکړي.
د وسله والو طالبانو د تازه اعلام شوې رهبرۍ شورا، سرپرست ملا محمد رسول د طالبانو په بل رهبر ملا اختر محمد منصور تور لګوي چې له اسلامي امارت سره یې خیانت کړی دی.
د محمد رسول په وینا ملا اختر محمد منصور له کفارو سره پټې معاهدې لاسلیک کړې دي. ملا محمد رسول په خپلو خبرو کې چې وېډیو یې اریانا نیوز ترلاسه کړې وايي چې ګاونډيو هېوادونو ته به د دوی له خوا هېڅ ډول ګواښ پېښ نه شي.
ویل کېږي چې د وسله والو طالبانو د تازه جوړې شوې شورا سرپرست ملا محمد رسول د هرات د شینډنډ ولسوالۍ په زیرکوه سیمه کې یوې غونډې ته په خبرو کې د طالبانو د بلې ډلې د مشر ملا اختر محمد منصور په خلاف خپل دریځ روښانه کړ.
اریانا نیوز ته رسېدلي وېډیو کې ملا محمد رسول په ملا اختر محمد منصور تور لګوي چې په وینا یې په امارت او جهاد معامله کړې او له کفارو سره یې تړونونه لاسلیک کړي دي.
د طالبانو د نوې ډلې مشر ملا محمد رسول وايي:
((موږ هېڅکله هم غلامي نه منو، اړ شوو چې له منصور بېل شو، ځکه چې هغه هم امارت، جهاد او اسلام پلورلي دي او له کفارو سره يې معاهدې لاسليک کړې دي.))
د طالبانو د دغې ډلې د شورا سرپرست د افغانستان ګاونډیو هېوادونو له پاره هم پیغام لري.
ملا محمد رسول وايي:
((خپلو ګاونډيو هېوادونو ته اعلان کوو، دا چې موږ له هېچا سره شخړه نه لرو او هېڅ هېواد ته به هم زموږ له لوري ضرر ونه رسېږي. ټولو اسلامي هېوادونو او مسلمانانو ته وايو چې زموږ مبارزه يوازې له امريکا سره ده.))
نوموړی القاعده او داعش وروڼه ګڼي، خو وايي چې دغو ډلو ته به اجازه ورنه کړي چې په افغانستان کې فعالیت وکړي.
ملا محمد رسول زياتوي:
((ټول مجاهدين که هغه داعش دي که القاعده زموږ وروڼه دي، په هر هېواد کې چې جګړه کړي ويې دې کړي، موږ اجازه نه ورکوو چې زموږ په هېواد کې جګړه وکړي.))
وسله وال طالبان هغه وخت په دوو برخو ووېشل شول چې د ملا محمد عمر د مړینې رپوټونه تايید شول. د طالبانو د نوې اعلام شوې شورا د سرپرست ملا محمد رسول له پاره، ملا باز محمد عارض، ملا منصور داد الله، ملا شیر محمد اخند او ملا عبدالمنان نیازی د مرستیالانو په توګه ټاکل شوي دي. په دغه وېډیو کې ملا راز محمد ننګیال د سویل لویدیځي حوزې د قومندان په توګه اعلانېږي.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه3 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ5 days ago
د جاپان دوه پوځي چورلکې بحر ته وغورځېدې
-
تازه خبرونه5 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
نړۍ3 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی4 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه3 days ago
راشد خان د افغان بیسیم سوداګریز سفیر شو
-
نړۍ23 hours ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی3 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ