تازه خبرونه
عبدالله عبدالله د مسکو ناستې په اړه خپل دریځ په ډاګه کړ
اجرائیه رییس په مسکو کې د افغانانو خپلمنځي ناستې په اړه ویلي، چې د طالبانو دریځ ندی بدل شوی او په وینا یې دا ډله اوس هم جګړه غواړي.
د دوه یم ځل لپاره طالب مرکچیان او ځینې سیاسي څېرې په مسکو کې د یوه میز تر شا کیناستل؛ خو خبرو یې څرګندې پایله نلرله.
اجرائیه رییس، چې د سالم ایزدیار په دوه یم تلین کې خبرې کولې؛ دغې ناستې ته په غبرګون کې یې څرګنده کړه، چې طالبان اوس هم د جګړې دوام غواړي او دریځ یې ندی بدل شوی.
اجرائیه رییس عبدالله عبدالله وایي، حکومت او خلک به د خپلو حقونو د دفاع لپاره ودریږي. هغه چا، چې په دې ناسته کې د افغانستان د خلکو غږ د وروستیو پېښو په اړه راپورته کړ او ښکاره وغږیدل؛ له هغو مننه کوم. د دې بل لوري دریځ هم څرګند و او په نیتونو کې یې کوم بدلون ندی راغلی او معنا یې هم دا ده، چې پر افغانانو بیا هم مصیبت تپل کیږي.
د جنبش ملي ګوند مرستیال عبدالله قرلق وایي؛ هغوی، چې سولې شعارونه راپورته کوي په داسې حال کې، چې مونږ ورته ژمن یو. هغو د سولې هڅې د وسیلې په توګه کاروي او غواړي استبداد حاکم کړي.
د مشرانو جرګې رییس فضل هادي مسلمیار وایي؛ له امریکا او نړیوالو همکارانو غواړو، چې د افغانستان د خلکو سرښندنې په دې اده په نظر کې ونیسي او رښتینې هڅې وکړي. طالبان د پاکستان خبرې مني او دا پر سوله اغېز کوي.
دغه راز پاکستانيو رسنیو ویلي، چې زلمی خلیلزاد به د افغان سولې په ټپه ولاړ حالت د بدلولو لپاره د یکشنبې پر ورځ اسلام آباد ته ولاړ شي. خلیلزاد که څه هم په دې اړه څه ندي ویلي؛ خو په یوه تویت کې یې د غني او عمران خان له کتنې هر کلی کړی.
هغه ویلي د پاکستان او افغانستان تر منځ ښې اړیکې به د دواړو هېوادونو له ټیکاو او سولې سره مرسته وکړي.
د طالبانو مشر په خپل اختریز پیغام کې ویلي؛ تر هغې، چې دوی خپلې موخې ته نه وي رسیدلي، جګړه به روانه ساتي.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه3 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ1 day ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ3 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی4 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه3 days ago
راشد خان د افغان بیسیم سوداګریز سفیر شو
-
لوبی3 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
لوبی1 day ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه4 days ago
د ایران ولسمشر پر درې ورځني سفر پاکستان ته ولاړ