تازه خبرونه
طالبانو فتح نومي پسرلني عملیات اعلام کړل
د جګړې ښکېلې خواوې له یوې خوا د سولې خبرو په لټه کې دي او له بلې خوا په روان کال کې د یو او بل ځپلو ته چمتووالی نیسي. طالبانو فتح نومي پسرلني عملیات اعلام کړل؛ خو حکومت پخپلو خالد نومو عملیاتو د هغوی د ځپلو ډاډ ورکوي.
طالبانو ویلي، په فتح نومو عملیاتو کې بریدونه پر ښارونو او د ولایتونو پر مرکزونو ور ټول دي؛ خو ملي دفاع وزارت وایي، د خالد عملیاتو له لارې غواړي، چې د طالبانو فتح نومي عملیاتو موخې له خاورو سره خاورې کړي.
د ملي دفاع وزارت لومړی مرستیال یاسین ضیا وایي، امنیتي ځواکونه پوره همغږي لري او د دښمن هڅې به شنډې کړي. دولتي ځواکونه سږکال له دفاعي حالت څخه یرغلیز حالت ته راغلي دي.
طالبانو د اته نویم کال په پیل کې وکړای شول، چې د څو ولسوالیو ځینې سیمې لاندې کړي او جګړه هم چټکه وساتي؛ خو دولتي ځواکونو د ناتو ځواکونو پر ملاتړ د طالبانو د پراخو بریدونو ځواب ورکړی دی.
د ناتو پرېکنده ملاتړ ماموریت قومندان ډاډ ورکوي، چې په جګړه کې به د دولتي ځواکونو تر څنګ ودریږي او د سولې خبرو اترو لپاره به د زمینې برابرولو هڅې هم روانې وساتي.
په افغانستان کې د ناتو پرېکنده ملاتړ ماموریت قومندان سکات میلر وایي؛ زه د ناتو ځواکونو د قومندان په توګه د سولې راوستو ته ژمن یم او له افغان ځواکونو پراخ ملاتړ کوو. یوه موضوع، چې هره ورځ مونږ ته را رسیږي هغه د ملکي افرادو تلفات دي؛ څه، چې غواړم ووایم دا دي، چې د ملکي تلفاتو مخنیوی اړین دی.
د ناتو د روزنیزې څانګې مسوول سلویتر انگلیاتو وایي؛ مونږ نن دلته، ځکه حضور لرو، چې وښیو تر کومه بریده د ناتو پرېکنده ملاتړ ماموریت په افغانستان کې سولې او د دې هېواد خلکو ته ژمن دی. مونږ له افغان ځواکونو ملاتړ کوو او هغوی د دې ملاتړ ارزښت لري.
دا مهال د هېواد په څه باندې لس ولایتونو کې د دولتي ځواکونو او طالبانو تر منځ جګړه روانه ده، په ځانګړي توګه په بادغیس، بدخشان او سرپل کې؛ کومه جګړه، چې ویل کیږي دواړه لوري غواړي لدې لارې د سولې معادلې پایله د ځان په ګټه راوڅرخوي.
په فراه کې د ملي اردو د دوه یمې لوا قومندان ذکریا میرزاده وایي، چې وسلوالو مخالفانو ته زمونږ پیغام دادي، چې یا دې د سولې له بهیر سره یوځای شي یا به یې ځالو ته ورشو او د امنیت خرابولو اجازه به ورنکړو.
د یادونې ده، چې طالبان د فتح او دولت د خالد عملیاتو له لارې غواړي سږ کال ځینې سیمې تر خپلې ولکې لاندې راولي.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه4 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ2 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ4 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی5 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه3 days ago
راشد خان د افغان بیسیم سوداګریز سفیر شو
-
لوبی1 day ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
لوبی4 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه4 days ago
د ایران ولسمشر پر درې ورځني سفر پاکستان ته ولاړ