تازه خبرونه
طالبان دې له پاکستان سره د اړیکو پرې کولو پوره ژمنه وکړي- حکومت
حکومت وایي، که طالبان غواړي، چې له افغانستان نړیوال ځواکونه ووځي؛ نو له پاکستان سره دې د اړیکو پرې کولو پوره ژمنه وکړي.
د امریکا او طالب استازیو د خبرو په پېنځم پړاو کې دواړو لوریو له افغانستان څخه د نړیوالو ځواکونو د وتلو پر مسوده هوکړه وکړه؛ خو اوس افغان حکومت په یوه سیمه ییزه رابلل شوې ناسته کې له افغانستان څخه د نړیوالو ځواکونو د وتلو لپاره یو لړ شرایطونه وړاندې کوي.
د کانونو او پترولیم وزارت سرپرسته نرګس نهان وایي؛ مونږ ته ویل کیږي، چې خپلې اړیکې له بهرنیو ځواکونو سره پرې کړئ؛ مونږ یې منو، خو طالبان دې هم له هغو هېوادونو سره اړیکې پرې کړي، چې مرسته ترې تر لاسه کوي او ګزارشونه هم باید یو ښکاره میکانیزم ولري.
د طالبانو او امریکایانو د خبرو په بهیر کې اوازې خورې شوې، چې لنډمهاله اداره جوړیږي؛ خو حکومت وایي، د اوسني نظام بدلون به د سولې په خبرو کې د بحث موضوع نه وي او دولت پدې بهیر کې پر ارزښتونو معامله نکوي.
د لغمان والي آصف ننګ وایي، چې د امریکایانو او طالبانو تر منځ خبرې آیا د سولې خبرې دي؟ طالبانو هیڅکله ندي ویلي، چې سوله کوي!
که څه هم طالبان تر دې دمه له حکومت سره د سولې خبرو ته ندي تیار شوي؛ خو په کابل کې د سلا مشورو لړۍ پیل شوې، چې له طالبانو سره خبرو ته یو لړ شرایط رامنځته کړي. موخه دا ده، چې د سولې په خبرو کې تېرې اووه لس کلنې لاسته راوړنې خوندي او پرمختګونه قرباني نشي.
د طالبانو او امریکایانو تر منځ په خبرو کې د پام وړ پرمختګ شوی؛ تمه کیږي، چې دا خبرې د افغانانو خپلمنځي خبرو ته لار اواره کړي.
د سولې عالي شورا غړی لیلا جعفري وایي، چې د سیمې او نړۍ د هېوادونو هڅې د سولې لپاره په دوه یمې او درېیمې کړۍ کې ګټورې دي؛ اړینه ده، چې دا بهیر به هرو مرو د افغانانو تر منځ پر خبرو راڅرخي.
خبریال: باعث حیات
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه3 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ1 day ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ3 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی4 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه3 days ago
راشد خان د افغان بیسیم سوداګریز سفیر شو
-
لوبی3 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
لوبی1 day ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه4 days ago
د ایران ولسمشر پر درې ورځني سفر پاکستان ته ولاړ