تازه خبرونه
طالبانو مولوي هیبت الله خپل مشر وټاکه
وسله والو طالبانو د ملا منصور له وژل کېدو وروسته د مولوی هيبت الله په نوم يو کس د خپل نوي رهبر په توګه ټاکلی دی.
وسله والو طالبانو د یوې اعلامیې په خپرولو سره دا خبر تايید کړی دی. ولسمشرۍ ماڼۍ وايي چې که وسله وال طالبان سوله ونه کړي، د خپلو مشرانو په څېر به په پردۍ خاوره کې ووژل شي. یو شمېر شنونکي وايي چې مولوي هيبتالله له سختو مخالفتونو سره مخامخ دی.
د وسله والو طالبانو تازه ټاکل شوی رهبر مولوي هيبتالله د ملا عبدالستار زوی د کندهار ولایت د سپین بولدک ولسوالۍ اوسېدونکی او اووه څلوېښت کلن دی. نوموړی د یونس خالص د اسلامي حزب سره کاري مخینه لري. نوموړي په کندهار او پاکستان کې په دیني مدرسو کې د مدرس په توګه هم دنده ترسره کړې ده، د طالبانو په دوران کې يې د ټولو محاکمو د ريیس په توګه دنده لرله، نوموړي په اوس وخت کې هم د وسله والو طالبانو په لیکو کې د محکمو د رییس په توګه دنده پر مخ وړله. نوموړي د وسله والو طالبانو د رهبري په شورا کې غړیتوب درلود او له ملا منصور سره یې ښې اړیکې درلودې. سراج الدین حقاني او د ملا محمدعمر زوی ملا یعقوب د هغه مرستیالان ټاکل شوي دي.
د ولسمشر د ویاند مرستیال دواخان مینه پال وايي: “زه له طالبانو غواړم چې د سولې له بهير سره يو ځای شي، پرته له دې به يې د خپل وژل شوي رهبر په څېر په پردۍ خاوره کې ووژل شي. د دې وطن سرتېري به له دې هېواد څخه دفاع کوي او د دوی په وړاندې به مبارزه کړي.”
یو شمېر شنونکي په دې باور دي چې له دې وروسته به وسله وال طالبان په څو ډلو ووېشل شي.
د ولسي جرګې غړی داوود کلکاني وايي: “دا ټاکنه به د طالبانو د غړو په منځ کې ډېره ګډوډي پېښه کړي چې دا د افغانستان له پاره تر ټولو ښه موکه ده.”
ځينې نور بیا وايي چې هيبتالله د پوست مزاج خاوند دی او ښايي سولې ته میلان وښيي. د نوې ملي جبهې ویاند وحیدالله غازي خېل وايي: “هيله لرم چې د دې کس په ټاکلو سره د سولې بهير بېرته پيل شي.”
له بلې خوا داسې انګېرنې موجودې دي چې که د سیمې استخبارات او په ځانګړې توګه پاکستان د افغانستان د جګړې د پای ته رسولو هوډ ونه کړي، په افغانستان کې به د سولې خبرې د پام وړ او مثبته پایله ورنه کړي.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه3 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ5 days ago
د جاپان دوه پوځي چورلکې بحر ته وغورځېدې
-
نړۍ3 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه5 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی4 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه3 days ago
راشد خان د افغان بیسیم سوداګریز سفیر شو
-
لوبی3 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
نړۍ21 hours ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ