تازه خبرونه
سیاسي ډلو له وسلوالو طالبانو سره د خبرو هڅې پیل کړې
د افغانستان د خلکو د لوی ملي ائتلاف غړي، حکومت له وسلوالو طالبانو سره په خبرو کې ناکام ګڼي او ټينګار کوي، چې اوس سیاسي ډلې له وسلوالو طالبانو سره د خبرو هڅې کوي.
د احمد شاه مسعود د ترور په مناسبت جوړو شویو مراسمو کې یو ځل بیا د هېواد پر سیاسي مسایلو تمرکز رامنځته شو او جهادي رهبر عبدرب رسول سیاف څرګنده کړې، چې له وسلوالو طالبانو سره د خبرو پر تګلاره کار کوي.
اجرائيه رييس عبدالله عبدالله د سولې له هر ګام هرکلی وکړ او وايي؛ د هېواد هر وګړی حق لري، چې د سولې لپاره هڅې وکړي، خو په دې شرط، چې د نظام مشروعیت ته زیان پېښ نکړي.
له وسلوالو طالبانو سره د سولې خبرې د سیاسي ډلو او ګوندونو لپاره مهمې بريښي؛ نو، ځکه یې د سولې لپاره د کمیسیون په جوړولو کار پیل کړی دی.
د افغانستان د خلکو د لوی ائتلاف غړی احمد ضیا مسعود وایي، چې دلته هیڅوک له امنیته راضي ندي او هغه ډلې، چې د حکومت پر وړاندې جنګیږي هم پر حکومت باور نلري؛ ځکه، چې ژمن ندی. همدا لامل دی، چې مونږ د سولې کمیسیون رامنځته کړ.
له ناامنیو اندېښنې مخ پې ډېریدو دي او د امنیت د ټينګښت لپاره د ځينو خلکو هیلې پر ناهیلۍ اوښتي دي.
د افغانستان د حراست او ثبات شورا غړی محمد یونس قانوني وایي، چې تاسې د وسلوالو مخالفانو ولکه د هېواد د یوې برخې پر جفرافیه او د پردې تر شاه لوبه احساسوئ. دا هغه ویښوونکی غږ دی، چې مونږ یې درې کاله مخکې وړاندوینه کړې وه.
په ټوله کې حکومت، سیاسي ډلي او خلک راتلونکیو ټاکنو ته په تمه دي، چې ګواکي شفافې ټاکنې به اوسنیو ګډوډيو ته د پای ټکی کیږدي.
خبریال: علی اصغري
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه4 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ2 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ4 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی5 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه3 days ago
راشد خان د افغان بیسیم سوداګریز سفیر شو
-
لوبی2 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
لوبی4 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه4 days ago
د ایران ولسمشر پر درې ورځني سفر پاکستان ته ولاړ