تازه خبرونه
زمونږ بنسټیزه موخه د ثبات ټینګښت دی- غني
افغان ولسمشروایي، افغانستان له اووه نوي کلونو وروسته له آزادي نه د دفاع له پاره د ژمنې تازه کولو اړتیا لري.
ولسمشر غني د هېواد د خپلواکۍ د بېرته اخیستو د اووه نویمې کلیزې په نمانځغونډه کې وویل، افغانستان به خپل بهرنی سیاست هیچا ته تسلیم نه کړي.
هغه زیاتوي، افغان ځواکونه یوې تحمیلي جګړه کې دفاع کوي.
د نوموړي د څرګندونو له مخې، د امنیتي ځواکونو له سرښندنې پرته په وارسا کې شوې ژمنې ناشونې وې.
افغان ولسمشر په دې اړه وایي، نړيوالو له افغانستان سره خپله ژمنتيا ثابته كړې ده.
هغه همدا راز وایي، چې له نړيوالو سره د متقابلو ګټو پربنسټ همكاري كوو.
ولسمشرزیاته کړه؛ اړتیا ده، چې د اسلام له نړۍ سره په یوخای کیدو د اسلام مبارک دین نوم ونښان خوندي او ستاتو.
امنیتي ځواکونو ته د ولسمشر پیام دا و؛ امنیتي ځواکونو ته نه ښایي، چې له ملي سیاست پرته نور سیاستونه د ملاتړ وړ وګڼي.
ولسمشر د ملي خوزښتونو غوښتونکی شو او وایي، چې په افغانستان کې زمونږ اصلي موخه د ملي ثبات ټینګښت دی.
بلخوا لوی درستیز قدم شاه شهیم وايي،بهرنۍ کړۍ د خپل هېواد پر ملاتړ د افغانستان د پرځولو نیت لري.
د زمري اته ويشتمه، چي د افغانانو د خپلواکۍ د بېرته اخستلو ملي ورځ ده؛ په کندهار کي هم په پوځي مراسمو ونمانځل شوه. په دغو مراسمو کي د کندهار والي او يوشمېر نورو چارواکو دامنيتي ځواکونو هغه هڅي وستايلې، چي په امنيتي برخه کي يي کړي دي.
دوي ډاډ ورکوي، چي نه يوازي دملي ورځو د نمانځلو امينت به ساتي، بلکي ټول امنيتي ځواکونه په هر وخت کې چمتو دي، چي دهېواد ساتنه وکړي.
له بلې خوا په ننګرهار کې د خپلواکۍ ورځ په شندارو مراسمو په ټول ښار کې ونمانځل شوه او خلکو ورسره په بېلابېلو بڼو خپله خوښي په ډاګه کړه.
دا په داسې حال کې ده، چې نهه اويا كاله وړاندې د افغانستان اصلاح غوښتونكي پادشاه غازي امان الله خان له انګريزانو څخه د هيواد خپلواكي ترلاسه کړه اوله خپلواکۍ سره خیانت یې نه بښونکی جرم وګاڼه.
دا ورځ اوس په هيواد كې په ځانګړو مراسمو نمانځل كيږي.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه4 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ2 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ4 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی5 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه4 days ago
راشد خان د افغان بیسیم سوداګریز سفیر شو
-
لوبی2 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
لوبی4 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه5 days ago
د ایران ولسمشر پر درې ورځني سفر پاکستان ته ولاړ