تازه خبرونه
راتلونکي لمریز کال به په افغانستان کې اقتصادي معاملې پراخې شي- غني
د منځۍ آسیا هېوادونو ته د افغان ولسمشر د وروستیو سفرونو موخه دا وه، چې افغانستان د دغو هېوادونو له لارې اروپا ته لار پیدا کړي.
داپه داسې حال کې ده،چې په وروستیو کلونو کې افغانستان د وارداتو او صادراتو له پاره پرپاکستان اتکا کړې؛خو ولسمشر غني، چې د پنجشنبې په ورځ یوې خبري ناستې ته څرگند شو،دا د حل لار نه گڼي او وایِ، چې افغانستان باید په سیمه کې خپل موقعیت ته په پام له گاونډ هېوادونو سره پراخې اقتصادي اړیکې ولري.
هغه وایِ، چې د منځنۍ آسیا څو هېوادونو ته د ده وروستي سفرونه د همدې هدف له پاره ول.
ولسمشر محمد اشرف غني وایي، د راتلونکي لمریز کال په لومړیو کې به د ترکمنستان له خاورې افغانستان ته د اورگاډي غزیدلې پټلۍ د فاریاب آقینې بندر ته را ورسیږي، چې له دې لارې مونږ کولی شو اروپایی بازارونو ته لاسرسی پیدا کړو.
ولسمشر زیاتوي، د راتلونکي کال په لومړیو کې به له ترکمنستان څخه د وارداتي تیلو پایپ لاین هم آقینې ته را ورسیږي، چې په دې به افغانستان له آسانۍ سره د خپلې اړتیا وړ تېل تر لاسه کړي.
ولسمشر وایِ، د خلیج عربي هېوادونو ته یې هم د هند په مرسته د لاسرسي هڅې پیل کړي دي.
د هغه په وینا؛ د هند په مرسته د ایران په چابهار بندر هم کار روان دی، چې په بشپړېدو به یې افغانستان د بهرنیو هېوادونو بازارونو ته لاسرسی پیدا کړي او هم به یې سوداگریزه راکړه ورکړه زیاته شي.
مخکې له دې د افغانستان د سوداگرۍ او صنایعو خونې په ځلونو له حکومت غوښتي، چې په سوداگریزو راکړو ورکړو کې یوازې پر پاکستان اتکا ونه کړي.
خبریال: اسلم حجاب.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه3 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ3 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
نړۍ1 day ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی4 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه3 days ago
راشد خان د افغان بیسیم سوداګریز سفیر شو
-
لوبی1 day ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
لوبی3 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه4 days ago
د ایران ولسمشر پر درې ورځني سفر پاکستان ته ولاړ