Connect with us

تازه خبرونه

د کابل ښار په قلعه فتح الله سیمه کې یوه پاکستانۍ استراليايي میرمن تښتول شوې

خپور شوی

د

(Last Updated On: لړم ۲, ۱۴۰۱)

qalaifatullah-300x168

د کابل ښار د لسمې امنیتي حوزې د قلعه فتح الله په اړوند سیمه کې یوه  پاکستانۍ اسټراليايي میرمن تښتول شوې ده.

یوه امنیتي سرچینه، چې نه یې غوښتل نوم یې واخستل شي وایي؛تښتول شوې میرمن د اکبرموسسې کارکوونکی ده.

د سرچینې د وینا له مخې؛ دغه میرمن تېر ماښام د دوه وسلوالو له خوا، چې ملکي جامې یې پر ځان وې تښتول شوې ده.

که څه هم دغې سرچینې په دې اړه زیات جزئیات ورنه کړل؛خو زیاته یې کړه، چې پولیسو په دې اړه څېړنې پیل کړې دي.

له دې مخکې نوموړې افغانه استرالیایي ښودل شوې وه

تر دې دمه د دغې پېښې مسوولیت کومې وسلوالې ډلې نه دی منلی.

د کابل د پولیسو قومندان عبدالرحمن رحیمي وایي، چې د دغې پاکستانۍ استرالیایي میرمنې لټون پیل شوی او ډې ژر به یې څېرې د رسنیو له لارې خلکو ته وښودل شي.

هغه زیاتوي، چې په تېرو ۱۵ ورځو کې ۲۰۰ کسان د بېلابېلو جرمونو په تور نیول شوي دي. 

تېر کال هم له همدې سیمې یوه استرالیایي میرمن د ناڅرګندو کسانو لخوا تښتول شوې وه، چې بیا له څو میاشتو وروسته خوشې او د هغه هېواد په غوښتنه خپل هېواد ته ولیږدول شوه.

د استرالیا هېواد تر دې دمه په دې اړه رسنیو ته څه نه دي ویلي.

خبریال نصیر احمد دستگیرزاده

Advertisement

تازه خبرونه

په بدخشان ولایت کې ماین چاودنې ۸ کسانو ته مرګ او ژوبله اړولې

Published

on

(Last Updated On: غویی ۱۹, ۱۴۰۳)

کورنیو چارو وزارت تائید کړې، چې په بدخشان ولایت کې د یوه نښلېدونکي ماین په چاودنه کې ۳ امنیتي سرتېري وژل شوي او ۵ نور ټپیان دي.

د کورنیو چارو وزارت ویاند عبدالمتین قانع وايي: له بده مرغه نن له غرمې مخکې شاوخوا ۱۱ بجې د بدخشان ولایت د فیض‌آباد ښار د جوزون په اړوند سیمه کې پر موټرسایکل نښلول شوي ماین چاودنه کړې ده.

د عبدالمتین قانع زیاته کړې؛ دغه ماين هغه مهال چاودنه وکړه، چې د پوليسو د موټرو یو کاروان له ياد سړک څخه د کوکنارو د کښت د له منځه وړلو لپاره له سیمې څخه د تېرېدو په حال کې و.

ده زياته کړې، چې دغه پېښه د پوليسو تر څېړنې لاندې ده.

تر اوسه کومې ډلې یا شخص د دې پېښې مسوولیت پر غاړه ندی اخیستی.

Continue Reading

تازه خبرونه

د سې شنبې پر ورځ خراسان او سرخ پوشان لوبډلو لوبه وګټله

Published

on

(Last Updated On: غویی ۱۹, ۱۴۰۳)

د سې شنبې پر ورځ ( د غویي اتلسمه) د افغانستان فوټبال اتلانو لیګ د سیالیو په پېنځه دېرشمه لوبه کې د خراسان فاریاب لوبډلې کابل استقلال لوبډلې ته ۱ د صفر پر توپیر ماتې ورکړه.

د خراسان فارياب لوبډلې لوبغاړي فريد احمد يو ګول وواهه او د ميدان غوره لوبغاړی ونومول شو.

دغه راز په شپږدېرشمه لوبه کې سرخ پوشان خوافې لوبغاړو سرسبز یاشلر لوبډلې ته ۴ پر۱ ماتې ورکړه.

حبيب الله هوتک او اميد رجبي د سرخپوشانو لوبغاړو ګولونه وکړل او حبيب الله هوتک هم وتوانېد، چې د ډګر د غوره لوبغاړي نوم خپل کړي.

د نن چارشنبه د ثور نولسمه د غرمې ۱:۳۰ ابو مسلم فراه او عدالت فراه او له غرمې وروسته ۳:۳۰ بجې  میوند او جوانان واحدي لوبډلې سره مخ کېږي.

د يادونې ده، چې دغه سيالۍ له آريانا ټلويزيون څخه پر ژوندۍ بڼه خپرېږي.

Continue Reading

تازه خبرونه

د پاکستان خاوره د افغانستان پر ضد کارول کیږي

Published

on

(Last Updated On: غویی ۱۹, ۱۴۰۳)

د افغانستان ملي دفاع وزارت د پاکستان د پوځ د ویاند وروستۍ ادعا، چې په پاکستان کې پر چینايي اتباعو وروستی برید د افغانستان له خاورې پلان شوی و، له حقیقته لرې بولي او پر کلکه یې ردوي.

عنایت الله خوارزمي وایي، چې داعش له پاکستان څخه د افغانستان خاورې ته را اوښتي او موخې یې له هغه ځایه تنظیم شوې دي.

د دفاع وزارت ویاند دا هم په ډاګه کړې، چې پاکستان باید دغو کړنو ته پخپله ځواب ورکړي.

د ملي دفاع وزارت وياند عنايت الله خوارزمي ويلي، د خيبر پښتونخوا په يوه سيمه کې، چې د پاکستان د پوځ تر امنيتي پوښښ لاندې ده؛ د چينايي وګړو وژل کېدل د امنیتي بنسټونو خپله کمزوري ده او یا هم له بریدګرو د دوی د همکارۍ ښکارندویي کوي.

ویل کیږي، چې اسلامي امارت په دې اړه چین ته ډاډ ورکړی او دوی هم په دې خبره پوه شوي، چې افغانان په داسې مسایلو کې ښکېل ندي.

Continue Reading

Trending

Copyright © 2022 Ariana News. All rights reserved!