سیمه ییز خبرونه
د وسله والو مخالفينو په بريدونو كې پنځوس سلنه كمښت راغلى دى
په ختیځ کې د ملي اردو اوسرحدي پولیسو چارواکي وايي، د تېرو شپږو میاشتو په موده کې یې د بېلا بېلوعملیاتو او نښتو په ترڅ کې پنځه سوه او اویا تنو وسله والومخالیفینو ته مرگ ژوبله اوړولې .
د۲۰۱سیلاب قولې اردو كرارگاه، چې د لغمان ولایت په قرغیو ولسوالیو کې استوگنه لري.
د دغې قولې اردو سرتېري د ننگرهار، کنړ، نورستان او لغمان سربېره په پنجشېر، پروان او کاپیسا لایتونو کې هم پردندو بوخت دي.
د نوموړې قولې اردو قومندان تورن جنرال محمد زمان وزیري د چهارشنبې په ورځ ( د لړم ۱۷ ) په یوې خبرې ناسته کې وویل:
سرتېرو یې په یادو ولایتونو کې د تېرو اتو میاشتو په موده کې د بېلا بېلو نښتو اوعملیاتو په ترڅ کې۲۳۷وسله وال مخالیفین وژلي،۲۶یې ټپیان کړي او۶۳ تنه یې ژوندي نیولي.
نوموړی وايي، د دې سربېره یې سرتېرو له وسله والو مخالیفینو څخه گڼ شمېر وسلې او چاودېدونکي توکي هم نیولي.
وزیري زياتوي، چې ملي اردو دمگړۍ د وسله والو مخالیفینو د ځپلو تر څنگ د تېري کوونکو هېوادونو او بل هر ډول دوښمن په وړاندې مبارزې ته چمتو ده، خو شرط دا دی، چې نړیو اله ټولنه یې پر درنو وسلو او هوايي ځواک سمبال کړي.
جنرال وزیزي دا ومنله، چې په تېرو اتو میاشتو کې دوسله والو په بریدونو کې لسگونه سرتېري مړه او ژوبل شوي، خو کره شمېره یې په ډاگه نه کړه.
نوموړی همدارنگه وايي، د تېر په پرتله د وسله والو په بریدونو کې کموالی راغلی.
د یو بل خبر له مخې په خیتځ کې د سرحدي پولیسو د لومړۍ لیوا مطبوعاتي مسئول ادریس مومند هم په یوې جلا خبرې ناسته کې وویل:
سرحدي پولیسو په تېرو شپږو مياشتو کې٢٢٢ وسله وا ل مخالفين وژلي او ٨٤ نور يې ټپيان کړي دي.
مومند هم ادعا کوي، چې د پخوا په پرتله په تېرو شپږو مياشتو کې په سرحدي ولسواليو کې د وسله والو مخالفينو په بريدونو کې پنځوس سلنه کمښت راغلى دى.
نوموړى همدارنگه وايي، وسله والو مخالفينو په تېرو شپږو مياشتو کې پرسرحدي پوليسو ٢٤٦ بريدونه کړي او د دوى په وسايطو ١٨چاودنې کړي، چې اتلس سرحدي پوليس په کې وژل شوي او دولس نور ټپیان شوي دي.
امنیتي چارواکي دا څرگندو نې وروسته له هغې کوي، چې په دې وروسیتو کې د افغان امنیتي ځواکونو د ناغښتلتیا اوازې پورته شوې.
سیمه ییز خبرونه
په هر حال پر رفح برید شونی دی – نتانیاهو
د رویټرز خبري آژانس د راپور له مخې؛ که د اوبند او یرغمل خوشې کولو هوکړه وشی او که نه، اسرائیل به د غزې په جنوبي ښار رفح کې د حماس پر ضد خپل عملیات ترسره کوي.
نتانیاهو د خپل دفتر په خبرپاڼه کې څرګنده کړې: دا نظر، چې مونږ به د ټولو اهدافو ترلاسه کولو مخکې جګړه دروو؛ پر بحث او خبرو نه ارزي.
سیمه ییز خبرونه
د دوبۍ واکمن د هوایي ډګر د نوي ټرمینل جوړولو لپاره ۳۵ میلیارډ ډالر تصویب کړل
د دوبۍ واکمن شیخ محمد بن راشد آل مکتوم د یکشنبې پر ورځ په ایکس پاڼه کې لیکلي؛ د آل مکتوم نړیوال هوایي ډګر د مسافرینو د نوي ترمینل جوړولو لپاره ۱۲۸ میلیارډ درهم ( ۳۴ اعشاریه ۸۵ میلیارډ ډالر) تصویب شوي دي.
د رویټرز د راپور له مخې؛ د آل مکتوم نړیوال هوایي ډګر په نړۍ کې ترټولو لوی دی، چې د ۲۶۰ میلیون مسافرینو وړتیا لري او له دوبۍ نړیوال هوایي ډګر څخه به پېنځه چنده لوی وي.
دغه راز څرګنده شوې، چې په راتلونکیو کلونو کې به د دوبۍ هوایي ډګر ټول عملیات آل مکتوم ته ولیږدول شي.
د آل مکتوم هوايي ډګر به د ټرمینل ۴۰۰ دروازې او پېنځه ځغاستلیکې هم ولري.
د دوبۍ د اماراتو دولتي هوايي شرکت رییس شیخ احمد بن سعید آل مکتوم ویلي: دا هوايي ډګر به د اماراتو او د هغه د خور د لږ لګښت لرونکي هوايي شرکت فلای دوبۍ نوی کور وي او د ټولو هوايي شرکتونو له شریکانو سره، چې نړۍ له دوبۍ سره نښلوي؛ مل پاتې شي.
د دوبۍ د میډیا دفتر او د دوبۍ د هوایي ډګرونو اجرائیوي رییس پاول ګریفیټس څرګنده کړې؛ دا هڅه په نړۍ کې د هوایي چلند د مخکښ مرکز په توګه د دوبۍ موقعیت نور هم پیاوړی کوي.
سیمه ییز خبرونه
په عراق کې به همجنسبازان پر۱۵ کاله بند شي –پارلمان
د عراق پارلمان د شنبې پر ورځ د دیني ارزښتونو د ساتلو لپاره یو داسې قانون تصویب کړ، چې د همجنسبازانو اړیکې په کې جرم یاد شوی، چې سرغړوونکیي به یې پر ۱۵ کلونو بند محکوم شي.
رویټرز خبري آژانس د دې قانون د یوې کاپي له مخې راپور ورکړی، چې د دې قانون موخه د همجنسپالنې د اخلاقي ضعف پر وړاندې د عراقي ټولنې ژغورنه ده.
له دې پرېکړې څخه په ټولیزه توګه شیعه مسلمانو ګوندونو ملاتړ کړی، چې د عراق په پارلمان کې ترټولو لوی ائتلاف دی.
له زنا او همجنسبازۍ سره د مبارزې قانون همجنسبازي جرم اعهلانوي او ورته له ۱۰ کلونو څخه تر ۱۵ کلونو پورې د بند موده ټاکل شوې ده؛ خو د هغو لپاره، چې همجنسبازي یا فحشا ته وده ورکوي پر لږ تر لږه اووه کاله بند به محکومیږي.
دغه راز هغو کسانو ته، چې خپل بیولوژیکي جنسیت بدلوي یا قصداً ښځینه جامې اغوندي له یو څخه تر درې کلونو بند په نظر کې نیول شوی دی.
په پیل کې د همجنسبازانو لپاره د مرګ سزا د پام وړ وه؛ خو د امریکا او اروپايي هېوادونو له سخت مخالفت وروسته ورته د بند سزا په پام کې ونیول شوه.
په عراق کې تر شنبه ورځې پورې په ښکاره ډول همجنسبازي جرم نهو. که څه هم د جزا په کوډ کې نرم تعریف شوي قوانین د جنسي اړیکو د جزا لپاره کارېدل؛ خو د ټولنې غړي به د وسلهوالو ډلو او اشخاصو لخوا وژل کېدل.
رویټرز د بشري حقونو په څار ټولنه کې د همجنسبازانو د پروګرام د مدیر مرستیال راشا یونس د څرګندونو له مخې څرګنده کړې: د عراق د پارلمان لخوا د همجنسبازانو ضد قانون تصويب د عراق د همجنسبازانو له حقونو سرغړونه او پر بشري حقونو یو جدي ګوزار دی.
عراقي چارواکي، چې د بشري حقونو څارنه کوي؛ تر دې دمه په دې اړه له څه ویلو ډډه کړې ده.
د یو لړ څرګندونو له مخې؛ له ۶۰ څخه په ډېرو هېوادونو کې د همجنسپالانو جنسي اړیکې جرم ګڼل کیږي. په داسې حال کې، چې د همجنسبازانو جنسي اړیکې په ۱۳۰ هېوادونو کې قانوني دي.
-
تازه خبرونه3 days ago
د بغلان ولایت د غوري سمنټو تولید زیات شوی
-
تازه خبرونه4 days ago
ترکمنستان د ټاپي پروژې بشپړولو ته ژمن دی – امانوف
-
سیمه ییز خبرونه3 days ago
د دوبۍ واکمن د هوایي ډګر د نوي ټرمینل جوړولو لپاره ۳۵ میلیارډ ډالر تصویب کړل
-
سیمه ییز خبرونه4 days ago
په عراق کې به همجنسبازان پر۱۵ کاله بند شي –پارلمان
-
لوبی4 days ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل
-
تازه خبرونه2 days ago
تېر کال د ۳۵ میلیون ډالرو پر ارزښت پراختیايي او بشري پروژې ترسره شوي
-
تازه خبرونه4 days ago
له پاکستان څخه دې د افغان کډوالو د جبري ایستلو چټکتیا راکمه شي
-
لوبی18 hours ago
افغانستان د ۲۰۲۴ کال ۲۰ اوریز نړیوال جام ته لوبډله اعلان کړه