Connect with us

سیمه ییز خبرونه

د هېواد په ټولو ولايتونو كې به پوهنتونونه جوړشي- برى صديقي

خپور شوی

د

(Last Updated On: لړم ۳, ۱۴۰۱)

د لوړزو زړده كړو وزارت د مسوولينو په وينا:

په روان كال كې به يو سلو شپيته زره كسان د كانكور په ازموينه كې گډون وكړي، چې يوازې پېنځه دېرش زره به لوړو تحصيلي موسسو ته جذب شي.

په تېرو كلونو كې لوړو تحصيلي موسسو ته د ځوانانو له لاسرسي سره سره اوس هم يو شمېر ځوانان د لوړو تحصيلي موسسو د ټيټې وړتيا له كبله نه شي كولى خپلو لوړو زده كړو ته دوام وركړي.

د لوړو زده كړو وزارت مسوولين وايي، چې:

د تحصيلي موسسو د وړتياوو د لوړولو لپاره په پام كې لري، چې په ټولو ولايتونو كې به ترڅلور كلونو  پوهنتونونه او لوړې تحصيلي موسسې جوړې كړي.

د هغه په وينا:

ماليي وزارت هم منلې، چې:

د دغو تحصيلي موسسو د تشكيل او ښوونكيو معاشونه به هم برابر كړي.

د بري صديقي په وينا:

طمع كيږي، چې د روان كال د كانكور په ازموينه كې به يوسلو شپېته زره كسان گډون وكړي، چې پېنځه دېرش زره په لوړو تحصيلي موسسو او د اوياوو زرو په شا وخوا كې نيمه عالي موسسو ته جذب شي.

د لوړو زد كړو وزارت د مسوولينو په وينا:

د سږكال كانكور به په روانه اوونۍ كې د شپې پوهنتون د كانكور له ازموينې سره پيل شي.

د دوى په وينا:

له شرايطو سره سم به په هر ولايت كې د كانكور د ازمويني يوه حوزه جوړه كړي.

Advertisement
Click to comment

Leave a Reply

Your email address will not be published. Required fields are marked *

سیمه ییز خبرونه

یو هندي پیلوټ د جیټ الوتکې له نسکورېدو روغ ووت

Published

on

(Last Updated On: کب ۲۳, ۱۴۰۲)

د سې شنبې پر ورځ ( د کب دوه‌ویشتمه) د هند هوايي ځواک تجاس نومې جیټ الوتکه د راجستان ایالت د جیسلمیر اړوند سیمې ته نږدې د روزنیزې الوتنې پر مهال نسکوره شوه.

د هند هوايي ځواک د څرګندونو له مخې؛ د الوتکې پیلوټ له غورځېدو وروسته ژوندی پاتې شو.

تجاس یو سپک سوپرسونیک جنګي الوتکه ده، چې د هند لخوا جوړه شوې او د هند هوایي ځواک او سمندري ځواکونه یې کاروي.

دې جیټ الوتکې په لومړي ځل په ۲۰۰۱ ز. کال کې الوتنه وکړه او په ۲۰۱۶ کې په بشپړه توګه د ماموریت لپاره وکارول شوه.

دا لومړی ځل ندی، چې دا ډول الوتکه نسکوریږي؛ په ۲۰۱۵ کې، تجاس الوتکه د روزنیزې الوتنې پر مهال وغورځېده، چې دوه پیلوټانو په کې خپل خوږ ژوند له لاسه ورکړ.

د هند هوايي ځواک څرګنده کړې، چې د وروستۍ الوتکې د لوېدو د علت په اړه به هر اړخیزه څېړنه وکړي.

Continue Reading

سیمه ییز خبرونه

د پاکستان د مالیې پخوانی وزیر اسحاق ډار د بهرنیو چارو وزیر شو

Published

on

(Last Updated On: کب ۲۲, ۱۴۰۲)

د پاکستان مالیې پخوانی وزیر اسحاق ډار د دوشنبې پر ورځ په داسې حال کې د بهرنیو چارو د وزیر په توګه وګمارل شو، چې مخ پر زیاتېدونکي اقتصادي او امنیتي ننګونې به د پاکستان د بهرنۍ پالیسۍ لومړیتوب وي.

۷۳ کلن ډار یو محاسب او تجربه لرونکی سیاستوال او د پاکستان مسلم لیګ نواز غړی دی.

نوموړی د دغه ګوند د مشر نواز شریف نږدې خپل او د هغه یو له نږدې سلاکارانو څخه هم دی او څلور ځله یې د مالیې د وزیر په توګه کار کړی دی.

اسحاق ډار رویټرز ته ویلي: اقتصادي ډیپلوماسۍ په رښتیا هم د وخت اړتیا ده؛ خو د ډار سیاسي متحدینو تل د هغه د مالي واک په بهیر کې د اقتصاد پر اداره کولو نیوکې کړي دي.  

د نوموړي د ۱۶ میاشتني کار په بهیر کې ۳۸ سلنه انفلاسیون و او د سود کچه ۲۲ سلنې ته لوړه شوې وه، چې پړه یې تر ډېره د نړیوال وجهي صندوق د پالیسو پر اړتیاوو اچول کیږي.

ډار له خپلو کړنو دفاع کړې او څرګندوي، چې هغه باید د پیسو د نړیوال صندوق پروګرام ته د لاسرسي له لارې د حکومت د پورونو د نه ورکولو لپاره سخت ګامونه پورته کړي؛ ځکه، چې عمران خان د دندې له پرېښودو څو ورځې مخکې له منځه یوړل، خو دا تور عمران خان ردوي.

Continue Reading

سیمه ییز خبرونه

اصف علي زرداري بیا د پاکستان ولسمشر شو

Published

on

(Last Updated On: کب ۲۰, ۱۴۰۲)

د پاکستان پخوانی ولسمشر اصف علي زرداري د شنبې پر ورځ د پارلمان او ایالتونو په رای اچونه کې د واکمن ائتلاف پر ملاتړ بیا‌ځلې ټاکنې وګټلې.

په پاکستان کې د ولسمشر رول تر ډېره حده تشریفاتي دی؛ خو زرداري د پخلاینې د مشر په توګه پېژندل کیږي او کولی شي د حکومت له ائتلافي ملګرو سره اجماع ته ورسیږي او د مات شوي اقتصاد د ثبات په لار کې د نړیوال وجهي صندوق د هوکړې په ترلاسه کولو کې مرسته وکړي.

زرداري به د ولسمشرۍ ترڅنګ د هېواد د وسله‌والو ځواکونو عالی قومندان هم وي، چې د حکومتونو په جوړولو یا ماتولو کې پراخ رول لوبوي.

د قضائیه قوې رییس عامر فاروق نوموړی پر ژوندۍ بڼه په ټلویزیوني خپرونه کې ګټونکی اعلان کړ.

د پارلمان د یوې اعلامیې له مخې؛ زرداري ۴۱۱ رایې ترلاسه کړي او ملتپاله مشر محمود خان اڅکزي ته یې، چې ۱۸۱ رایې اخیستې وې؛ مات ورکړه.

ولسمشر د ولسي جرګې او مشرانو جرګې او څلورو ایالتي اسمبلیو د رایو له لارې ټاکل کېږي.

اصف علي زرداري د پخوانۍ لومړۍ وزيرې بې‌نظير بوټو مړه دی، چې د ۲۰۰۷ کال په ډسمبر کې د خپلې میرمنې له وژل کېدو وروسته سياسي دریځ ترلاسه کړ او د پيپلز ګوند واک يې د خپلې خوښې له مخې څرګند کړ. بې‌نظیر بوټو په یو ځانګرګي برید کې وژل شوې ده.

زرداري په ۲۰۰۸ کې ولسمشر شو او تر ۲۰۱۳ پورې یې دنده ترسره کړه. دا هغه پېر و، چې امریکایي ځانګړو ځواکونو د ده تر چتر لاندې په ۲۰۱۱ کې اسامه بن لادن وموند او وواژه.

د زرداري ستره لاسته راوړنه د خپلې لومړۍ دورې په اوږدو کې د واک د غیرمرکزي کولو او د پخوانیو پوځي مشرانو له‌خوا د ولسمشریزو واکونو د مخنیوي لپاره د نوي قانوني او سیاسي چوکاټ د تصویب لپاره نادره سیاسي اجماع رامنځته کول ول.

د رویټرز د څرګندونو له مخې؛ د ۱۹۹۰ لسیزې له پیل څخه تر ۲۰۰۴ پورې هغه د فساد په تورونو کې ۱۱ کاله زندان تېر کړ، چې هیڅکله پرې ثابت نه‌شول، خو هغه او د هغه ګوند یې د پوځ پر ملاتړ سیاسي قرباني بولي. دا هغه تور دی، چې پوځ یې ردوي.

Continue Reading

Trending

Copyright © 2022 Ariana News. All rights reserved!