تازه خبرونه
د نفتي توکو تصدۍ له دوه کلونو را هیسې مالیه نه ده ورکړې
دمالیې وزارت د مسوولینو په وینا؛ د نفتي توکو تصدۍ ته اجازه ورکړشوې، چې له خپلو عوایدو د نفتي توکو د ذخایرو په جوړښت کې گټه واخلي.
دوي وایي، مالیه؛ ځکه نه ورکول کیږي، چې دغه بنسټ ته د ظرفیتونو د لوړولو لپاره اجازه ورکړ شوې، چې خلکو ته ښه خدمتونه وړاندې او په مارکیت کې د سالم رقابت لپاره جوگه شي.
عبدالقادر جیلاني د ماليي وزارت ویاند وایي:
دوه کاله کیږی مونږه ته يي مالیه نه ده راکړی؛ مونږه يي هم نه غواړو، چې دغه تصدې خپل ظرفیتونه لوړ کړي او خلکو ته ښه خد متونه وړاندې کړی. ټاکل شوې وه، چي مونږه دوې ته ۴۵ میلیون دالر ورکړو، چې نه مو درلودي؛ نو، څکه مو دوی ته دا چانس ورکړ، چې دوی له خپلو عوایدو کار واخلي.
د سوداگرۍ او صنایعو وزارت دا خبرې ردوي او وایي:
د نفتي توکو تصدۍ هر کال د مالیې وزارت ته د شاوخوا سل ملیون افغانیو په کچه مالیه ورکوي او د دې تر څنگ یې د ۱۶۸۰۰ ټنه نفتو د ذخیرې لپاره د هېواد په کچه ذخایر جوړ کړي دي.
مسافر قوقندي د سوداگرۍ او صنایعو وزارت ویاند وایي:
دولسمشر د فرمان له مخي باید دنفتی توکوتصدي خپل عواید د زخایرو په جوړښت کې ولگوي؛ خو له دې ټولو سره بیا هم د نفتی توکو تصدې خپله مالیه ورکړېده.
د مالیې وزارت باوري دی، چې دولتي تصدۍ د اقتصاد په وده کې زیات رول لري، له همدې کبله د دوي په وینا؛ دولت هڅه کوي، چې د تصدیو ظرفیتونه لوړ کړي، چې په راتلونکي کې له تصدیو زیات عواید تر لاسه کړي.
خبریال: اسلم حجاب.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه4 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ2 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ3 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی5 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه3 days ago
راشد خان د افغان بیسیم سوداګریز سفیر شو
-
لوبی4 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
لوبی1 day ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه4 days ago
د ایران ولسمشر پر درې ورځني سفر پاکستان ته ولاړ