تازه خبرونه
د ملي امنیت له سرتېرو سره ښځې هم په شپنیو عملیاتو کې برخه اخلي
د کابل ښار په څنډو کې د ملي امنیت ځانګړیو ځواکونو د داعش او طالبانو د ځپلو لپاره شپني عملیاتو پیل کړي، چې په کې یوې افغان میرمنې هم برخه اخیستې ده.
د ملي امنیت ځانګړي ځواکونه په کابل ښار کې د امنیت د ټینګښت لپاره د دولت وسلوال مخالفین ځپي او اوړمه شپه(د زمري ۱۹) یې د کابل ښار د کمپنۍ په اړوند سیمه کې شپني عملیات پیل او د یو وسلوال طالب کور ته د هغه د نیولو په موخه ورغلل، چې د میدان وردګ اصلي اوسیدونکی دی.
د اختر د لومړۍ شپې عملیاتو اته ساعته وخت نیولی دی.
په عملیاتو کې امنیتي ځواکونو څلور میله کلاشینکوفونه او څو شاجورونه ترلاسه کړي دي.
خلک وايي، د کابل ښار او په ځانګړې توګه د کمپنۍ په سیمه کې ډېر وسلوال مخالفان پراخ شتون لري؛
وسلوال طالبان په دې سیمه کې پر موترسایکلونو ګرځي او حکومتي سرتېري پر نښه کوي.
په دې عملیاتو کې څلور کورونه د طالبانو او داعشیانو د نیولو په موخه پلټل شوي دي.
د تېرې شپې په تر سره شویو شپنیو عملیاتو کې یوې میرمن شجاع نومې هم پراخه ونډه درلوده. دې میرمنې د هېواد په بېلا بېلو برخو کې د تلاشۍ، کشف او د تورنو کسانو د نیولو دنده ترسره کړې او د داعش څو ښځینه غړې یې نیولې دي.
نوموړې دېرش کاله مخکې د داکتر نجیب په حکومت کې دنده پیل کړې او بیا د طالبانو د واکمنۍ له ځپلو راپدیخوا په دې اداره کې کار کوي.
ملي امنیت ځانګړي ځواکونه د ښځو په ګډون په پام کې لري؛ دا ډول عملیات د کابل په بېلابېلو سیمو کې ترسره کړي، چې د ترهګرو ډلو د فعالیت مخه ونیول شي.
د ملي امنیت کارکوونکې میرمن شجاع، چې په دې عملیاتو کې له خپلو ملګرو سره د وسلوالو طالبانو په نیولو پسې راوتلې؛ هیله لرې، چې لور یې هم په ملي امنیت کې دنده دنده تر سره کړي.
په دې وروستیو کلونو کې افغان امنیتي ځواکونه د ښځو له ونډې برخمن شوي؛ خو د دندې پر مهال د هغوی د ځورولو د راپورونو له کبله اوس هم ډېرې ښځې زړه نه ښه کوي، چې په امنیتي بنسټونو کې دندې تر سره کړي.
خبریال: سیمع جهیش
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه4 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ1 day ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ3 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی4 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه3 days ago
راشد خان د افغان بیسیم سوداګریز سفیر شو
-
لوبی3 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
لوبی1 day ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه4 days ago
د ایران ولسمشر پر درې ورځني سفر پاکستان ته ولاړ