تازه خبرونه
د فرخندې د تورنو لومړنۍ محکمه ترسره شوه
په کابل کې د فرخندې د وژنې د قضیې د تورنو کسانو لومړنۍ محکمه په علني توګه تر سره شوه.
دغه ناسته د نولسو پولیسو په ګډون د نهه څلویښتو تورنو کسانو په حضور کې تر سره شوه.
په دیرشو کسانو تور وو چې فرخنده یې وهلې، وژلې او سوځولې ده.
دغه راز د دوهمې امنیتي حوزې نولس پولیس هم په دندو کې د غفلت له تور سره مخامخ دي.
ذین العابدین چې د شاه دوشمشیره زیات متولي او د دغې پیښې اصلي محرک ګڼل کیږي، پر ځان لګیدلی تور ردوي؛ خو ځینې تورن کسان په خپلو جرمونو اعتراف کوي.
د دوهمې امنیتي حوزې آمر حسیب الله چې په دغې ناسته کې په دنده کې د ناغیړي په تور حضور درلود ټینګار کوي، چې د پیښې په ورځ یې د مامورینو د مخابرې دستګاوې د پیښې له لومړیو تر پایه د یوې مشخصې فریکونسي په ذریعه غیر فعالې شوې وې او دوي ونه شوای کړی چې له یو بل سره په ښه توګه اړیکه ونیسي.
د دوهمې امنیتي حوزې مامورین همدا راز ادعا کوي چې یو شکمن عرب یې د پیښې په ځای کې نیولی و؛ خو د کابل امنیه قومندان دغه کس بېرته خوشې کړ.
د دغې محکمې رییس د دوهمې حوزې د کشف د آمر د نیولو حکم وکړ او دغه راز یې امر وکړ چې د کورنیو چارو وزارت د جنایي څیړنو رییس، د کابل امنیه قومندان، د کابل د امنیه قومندانۍ د جنایي څیړنو رییس او ځینې نور مامورین هم د یکشنبې د ورځې ناستې ته ورشي.
د دغې قضیې د حقیقت موندنې کمیسیون په دې باوردی چې ښایي د پیښې تر شا سیاسي او تروریستي انګیزې نغښتې وي.
تورن کسان او هغه پولیس چې نیول شوي تاییدوي چې د شاه دوشمشیره زیات په خونو کې د جنسي اړیکو د پیاوړتیا درمل او کانډوم هم موندل شوي دي.
ویل کیږي چې د لومړنۍ محکمې په لومړنۍ ناسته کې د فرخندې د کورنۍ کوم غړی نه و حاضر.
د محکمې د وروستي حکم لپاره هم په دوو راتلونکو ورځو کې ناستې تر سره کیږي.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه3 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ1 day ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ3 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی4 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه3 days ago
راشد خان د افغان بیسیم سوداګریز سفیر شو
-
لوبی3 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
لوبی1 day ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه4 days ago
د ایران ولسمشر پر درې ورځني سفر پاکستان ته ولاړ