سیمه ییز خبرونه
د شهيدانو د اوونۍ په مراسمو كې جهادي رهبرانو او كوماندانانو گډون كړى
د افغان ولسمشر حامد كرزي لومړى مرستيال مارشال محمد قسيم فهيم د شهيدانو د اوونۍ په اړه په جوړو شويو مراسمو كې وويل، چې:
كه په اوسنيو شرايطو كې نړيواله ټولنه له افغانستان څخه ووځي؛ نو يو ځل بيا به په افغانستان كې كورنۍ جگړې پيل شي.
هغه د دولتي ادارو ترمنځ اختلافات د روانو كړكېچونو زېږنده وبلل او زياته يې كړه، چې:
افغانان بايد سره يو شي.
په دغو مراسمو كې د ملي دفاع وزير د هغو گواښونو يادونه هم وكړه، چې له بهر افغانستان ته متوجه دي.
د وږي اتلسمه د شهيد احمد شاه مسعود د وژنې له لسم تلين سره برابره منل شوې، چې له څو كلونو راهيسې دغه ورځ د افغانستان د دولت او ځينو بنسټونو لخوا نمانځل كيږي.
دا ځل هم دغه ورځ د لوړ پوړيو دولتي قوماندانانو او جهادي رهبرانو په گډون ونمانځل شوه.
مارشال محمد قسيم فهيم په دغو مراسمو كې له سياسي ډگر څخه د مجاهدينو پرگوښه كولو نيوكه وكړه.
د ولسمشر لومړي مرستيال مارشال محمد قسيم فهيم اوسني شرايط ډېرحساس وبلل او زياته يې كړه، چې:
سليقوي كړنې او د دولتي ادارو ترمنځ اختلافات د كړكېچونو لامل دى.
د ولسمشر لومړى مرستيال مارشال محمد قسيم فهيم
كليپ:
په دغو مراسمو كې ملي دفاع وزير جنرال عبدالرحيم وردگ، د سولې د عالي شورى رييس برهان الدن رباني، د ولسي جرگې غړي محمد محقق او د ولسي جرگې غړي عبدالرب رسول سياف د جهادي شخصيت احمد شاه مسعود د اتلوليو او سرښندنو يادونه وكړه.
دوى ويلي، چې:
په افغانستان كې د تپل شوي جنگ د دوام لپاره له بهره او په كور كې د ننه هڅې روانې دي.
د شهيد احمد شاه مسعود د بنياد رييس احمد ولي مسعود له حكومت څخه غواړي، چې د يوه ځانگړي كميسيون په جوړولو سره دې د احمد شاه مسعود او نورو جهادي څېرو د ترورعاملان و پېژني او د قانون پنجو ته دې وسپارل شي.
احمد شاه مسعود د نيويارك د آسمان څكو برجونو له نړيدو دوه ورځې وړاندې ووژل شو، خو اوس هم د سپتمبر د يوولسمې او د هغه د وژنې د پېښو ترمنځ د تړاو په باب پوښتنې موجودې دي.
كه څه هم، چې په لومړي سر كې د احمد شاه مسعود د وژنې مسوولين طالبان وبلل شول، خو طالبان د هغه د وژنې مسووليت نه دى منلى
سیمه ییز خبرونه
په هر حال پر رفح برید شونی دی – نتانیاهو
د رویټرز خبري آژانس د راپور له مخې؛ که د اوبند او یرغمل خوشې کولو هوکړه وشی او که نه، اسرائیل به د غزې په جنوبي ښار رفح کې د حماس پر ضد خپل عملیات ترسره کوي.
نتانیاهو د خپل دفتر په خبرپاڼه کې څرګنده کړې: دا نظر، چې مونږ به د ټولو اهدافو ترلاسه کولو مخکې جګړه دروو؛ پر بحث او خبرو نه ارزي.
سیمه ییز خبرونه
د دوبۍ واکمن د هوایي ډګر د نوي ټرمینل جوړولو لپاره ۳۵ میلیارډ ډالر تصویب کړل
د دوبۍ واکمن شیخ محمد بن راشد آل مکتوم د یکشنبې پر ورځ په ایکس پاڼه کې لیکلي؛ د آل مکتوم نړیوال هوایي ډګر د مسافرینو د نوي ترمینل جوړولو لپاره ۱۲۸ میلیارډ درهم ( ۳۴ اعشاریه ۸۵ میلیارډ ډالر) تصویب شوي دي.
د رویټرز د راپور له مخې؛ د آل مکتوم نړیوال هوایي ډګر په نړۍ کې ترټولو لوی دی، چې د ۲۶۰ میلیون مسافرینو وړتیا لري او له دوبۍ نړیوال هوایي ډګر څخه به پېنځه چنده لوی وي.
دغه راز څرګنده شوې، چې په راتلونکیو کلونو کې به د دوبۍ هوایي ډګر ټول عملیات آل مکتوم ته ولیږدول شي.
د آل مکتوم هوايي ډګر به د ټرمینل ۴۰۰ دروازې او پېنځه ځغاستلیکې هم ولري.
د دوبۍ د اماراتو دولتي هوايي شرکت رییس شیخ احمد بن سعید آل مکتوم ویلي: دا هوايي ډګر به د اماراتو او د هغه د خور د لږ لګښت لرونکي هوايي شرکت فلای دوبۍ نوی کور وي او د ټولو هوايي شرکتونو له شریکانو سره، چې نړۍ له دوبۍ سره نښلوي؛ مل پاتې شي.
د دوبۍ د میډیا دفتر او د دوبۍ د هوایي ډګرونو اجرائیوي رییس پاول ګریفیټس څرګنده کړې؛ دا هڅه په نړۍ کې د هوایي چلند د مخکښ مرکز په توګه د دوبۍ موقعیت نور هم پیاوړی کوي.
سیمه ییز خبرونه
په عراق کې به همجنسبازان پر۱۵ کاله بند شي –پارلمان
د عراق پارلمان د شنبې پر ورځ د دیني ارزښتونو د ساتلو لپاره یو داسې قانون تصویب کړ، چې د همجنسبازانو اړیکې په کې جرم یاد شوی، چې سرغړوونکیي به یې پر ۱۵ کلونو بند محکوم شي.
رویټرز خبري آژانس د دې قانون د یوې کاپي له مخې راپور ورکړی، چې د دې قانون موخه د همجنسپالنې د اخلاقي ضعف پر وړاندې د عراقي ټولنې ژغورنه ده.
له دې پرېکړې څخه په ټولیزه توګه شیعه مسلمانو ګوندونو ملاتړ کړی، چې د عراق په پارلمان کې ترټولو لوی ائتلاف دی.
له زنا او همجنسبازۍ سره د مبارزې قانون همجنسبازي جرم اعهلانوي او ورته له ۱۰ کلونو څخه تر ۱۵ کلونو پورې د بند موده ټاکل شوې ده؛ خو د هغو لپاره، چې همجنسبازي یا فحشا ته وده ورکوي پر لږ تر لږه اووه کاله بند به محکومیږي.
دغه راز هغو کسانو ته، چې خپل بیولوژیکي جنسیت بدلوي یا قصداً ښځینه جامې اغوندي له یو څخه تر درې کلونو بند په نظر کې نیول شوی دی.
په پیل کې د همجنسبازانو لپاره د مرګ سزا د پام وړ وه؛ خو د امریکا او اروپايي هېوادونو له سخت مخالفت وروسته ورته د بند سزا په پام کې ونیول شوه.
په عراق کې تر شنبه ورځې پورې په ښکاره ډول همجنسبازي جرم نهو. که څه هم د جزا په کوډ کې نرم تعریف شوي قوانین د جنسي اړیکو د جزا لپاره کارېدل؛ خو د ټولنې غړي به د وسلهوالو ډلو او اشخاصو لخوا وژل کېدل.
رویټرز د بشري حقونو په څار ټولنه کې د همجنسبازانو د پروګرام د مدیر مرستیال راشا یونس د څرګندونو له مخې څرګنده کړې: د عراق د پارلمان لخوا د همجنسبازانو ضد قانون تصويب د عراق د همجنسبازانو له حقونو سرغړونه او پر بشري حقونو یو جدي ګوزار دی.
عراقي چارواکي، چې د بشري حقونو څارنه کوي؛ تر دې دمه په دې اړه له څه ویلو ډډه کړې ده.
د یو لړ څرګندونو له مخې؛ له ۶۰ څخه په ډېرو هېوادونو کې د همجنسپالانو جنسي اړیکې جرم ګڼل کیږي. په داسې حال کې، چې د همجنسبازانو جنسي اړیکې په ۱۳۰ هېوادونو کې قانوني دي.
-
تازه خبرونه3 days ago
د بغلان ولایت د غوري سمنټو تولید زیات شوی
-
تازه خبرونه4 days ago
ترکمنستان د ټاپي پروژې بشپړولو ته ژمن دی – امانوف
-
سیمه ییز خبرونه3 days ago
د دوبۍ واکمن د هوایي ډګر د نوي ټرمینل جوړولو لپاره ۳۵ میلیارډ ډالر تصویب کړل
-
سیمه ییز خبرونه4 days ago
په عراق کې به همجنسبازان پر۱۵ کاله بند شي –پارلمان
-
لوبی4 days ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل
-
تازه خبرونه2 days ago
تېر کال د ۳۵ میلیون ډالرو پر ارزښت پراختیايي او بشري پروژې ترسره شوي
-
تازه خبرونه4 days ago
له پاکستان څخه دې د افغان کډوالو د جبري ایستلو چټکتیا راکمه شي
-
لوبی18 hours ago
افغانستان د ۲۰۲۴ کال ۲۰ اوریز نړیوال جام ته لوبډله اعلان کړه