Connect with us

تازه خبرونه

د رای ورکوونکیو د تقویتي نوملیکنې بهیر په ټول هېواد کې پیل شو

خپور شوی

د

(Last Updated On: لړم ۳, ۱۴۰۱)

د ټاکنو کمیسیون ویلي، چې د ولسمشریزو ټاکنو د رای ورکوونکیو لپاره تقویتي نوملیکنه د دري دېرش ولایتونو په څلورسوه دوه دېرش مرکزونو کې پیل شوې ده.

د ټاکنو خپلواک کمیسیون ريیسه حوا علم نورستانۍ وایي، چې  د ۱۳۹۸ لمریز لیږدیز کال د غبرګولي پر اتلسمه د ولسمشریزو ټاکنو لپاره د رای ورکوونکیو د تقویتي نوملیکنې بهیر په ۳۳ ولایتونو او دغه راز په غزني ولایت کې د ولسي جرګې او ولسمشریزو ټاکنو لپاره د رای ورکوونکیو د نوملیکنې عمومي بهیر هم په دوه سوه اووه څلوېښت مرکزونو کې پیل شوی، چې د چنګاښ تر اتمې به روان وي.

په ولسمشریزو ټاکنو کې د نوملیکنې تقویتي بهیر، د غبرګولي پر ۱۸ پیل شوی؛ د چنګاښ تر اتمې به روان وي او په کې به هغه خلک نوملیکنه کوي، چې: هېواد ته تازه راستانه شوي، قانوني عمر ته تازه رسیدلي، هغه کسان، چې له نوملیکنې پاتې وي، د رای ورکولو حوزه یې بدله شوې وي او د قانون د حکم له مخې له مدني حقونو نه وي محروم شوي.

د دغو ځانګړتیاوو لرونکي کولی شي په دغه بهیر کې خپل نومونه ولیکي او د رایې ورکولو کارتونه ترلاسه کړي.

د ټاکنو څارونکي بنسټونه بیا نیوکه کوي، چې د ټاکنو لپاره د نوملیکنې د بهیر په اړه خلکو ته لازم پوهاوی نه دی ورکړ شوی.

د افغانستان د رڼو ټاکنو د بنسټ ريیس نعیم ایوب زاده وایي، چې د نوملیکنې د بهیر په اړه خلکو ته لازم پوهاوی ندی تر سره شوی او دا کار د خلکو پرونډه او ګډون منفي اغېز لرلی او تېرې ننګونې بیا رامنځته کولی شي.

د ټاکنو خپلواک کمیسیون پخوا ویلي وه، چې په ټول هېواد کې یې نهه نیم میلیون پر شرایطو برابر کسان ثبت کړي، چې بیا وروسته دغه شمېر اته اعشاریه نهه ته راټیټ شو؛ خو اوس دغه کمیسیون هیله من شوی، چې په تقویتي نوملیکنه کې به شاوخوا دوه میلیون کسان نوملیکنه وکړي.  

خبریاله: دیانا صمدي

تازه خبرونه

د ازبکستان بشري مرستې بلخ ته راورسېدې

Published

on

(Last Updated On: غویی ۶, ۱۴۰۳)

نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.

د سیمه‌ییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخان‌دریا د والي له‌خوا د بلخ  چارسمبالي والي ته سپارل شوې ده.

د سرخان‌دریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.

په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.

کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.

Continue Reading

تازه خبرونه

په سیمه او هېواد کې امنیتي پېښې وارداتي دي – امیر خان متقي

Published

on

(Last Updated On: غویی ۶, ۱۴۰۳)

نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان‌-قزاق نندارتون د پرانیستې په مراسمو کې  د افغانستان او سیمې امنیتي پېښې وارداتي یادې کړې دي.

نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.

بل هېواد د هغې لارې پر سر پروت دی، چې امن خرابوونکي افراد ترې راتېریږي.

او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.

ویل کیږي، چې بد امني پر ګډه همکارۍ او همغږۍ له منځه وړل کیږي.

Continue Reading

تازه خبرونه

له اسلامي امارت سره  نړیوالې اړیکې ورځ تر بلې پراخیږي – ذبیح الله مجاهد

Published

on

(Last Updated On: غویی ۶, ۱۴۰۳)

د اسلامي امارت ویاند ذبیح الله مجاهد افغانستان ته د ګڼ‌شمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.

ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.

د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.

د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.

Continue Reading

Trending

Copyright © 2022 Ariana News. All rights reserved!