تازه خبرونه
د تصدیو پنځوس زره جیر یبه ځمکه د غصب له ګواښ سره مخ ده
د ماليه وزارت د تصدیوعمومي رییس وا يي، د هېواد له شپږ دېرش تصدیو څخه لس يې فعالې او نورې له فعالیت لویدلې دي.
د مالیه وزارت د تصدیو عمومي رییس ابراهیم شمس وايي، چې د دغو تصدیو نږدې پنځوس زره جریبه ځمکه د ټول هېواد په کچه د محلي زورواکو له خوا د غصب له ګواښ سره مخ شوې.
نوموړی زیاتوي، دولت باید د خپلو عوایدو د زیاتوالي، د بیکارۍ د لمنځه وړلو او له لګښت څخه د تولید پر لوري د حرکت په خاطر باید د تصدیو د فعالیت لپاره خپلې ځانګړې هڅي ګړندۍ کړي.
ښاغلی ابراهیم شمس په ډاګه کړې، چې د تصدیو او سنی حالت ډېرخراب دی؛ حکومت باید د دې ستونزي د مخنیوي لپاره راودانګي؛ ځکه لسګونه زره جریب ځمکه د غصب له ګوا ښ سره مخ شوې ده.
هغه زیاتوي، له ولسمشرۍ ما ڼۍ مو غو ښتي، چي د دغې ستونزي د حل لپاره دې یو پلاوی و ټاکي.
د ښاغلي شمس په وینا؛ د تېر په څیر اوس د نړیوالو مرستي هم نشته که دولت وغواړي خپله په مارکیت کي و نډه واخلي او عواید يي زیات شي؛ نو باید د تصدیو د ظرفیت لوړو لو لپاره ډاډمن ګامونه پورته کړي.
دی وایي، دمګړۍ ۸۰ سلنه د هېواد د تصدیو فعالیت د لاحیې خلاف دی.
د ښاغلي شمس د څرګندونو له مخې؛ د بېلابېلو عواملو له کبله تصدۍ پخپلې ټاکلې تګلار حرکت نه کوي، چې عوامل یې هم بېلابېل دي؛ خو د دغه بهیر د اصلاح لپاره هم پروګرامو نه لرو، چې هره تصدي پخپله کاري برخه کې خپل فعالیت وکړي.
ښاغلي شمس وايي؛ د تصدیو په قانون کې، چې ډېر پخوانی دی باید اصلاحات رامنځته شي او د ننني مارکیت دغوښتنو په اساس باید جوړ شي.
دی زیاتوي، د مګړۍ د هېواد په تصدیو کي نږدې لس زره کسان په کار اخته دي؛ خو که د تصدیو ستونزې حل شي په لسګو نه زره کسانو ته به د کار زمینه برابره شي.
خبریال: اسلم حجاب.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه3 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ5 days ago
د جاپان دوه پوځي چورلکې بحر ته وغورځېدې
-
نړۍ3 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه5 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی4 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه3 days ago
راشد خان د افغان بیسیم سوداګریز سفیر شو
-
لوبی3 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
نړۍ21 hours ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ