تازه خبرونه
دولت په خپلو پروژو کې له کورنیو تولیداتو ګټه نه ده اخیستې
د سوداګرۍ او صنایعو خونې مسولین وایي، په تېرو دیارلسو کلونو کې افغان دولت په خپلو پروژو کې له کورنیو تولیداتو ګټه نه ده اخیستې چې همدې مسالې کورني تولیدات اغېزمن کړي دي.
بلخوا اقتصادي کارپوهان له دولت غواړي چې وروسته له دې د کورنیو تولیداتو په وړاندې خپله پالیسي بدله کړي.
په وروستیو ۱۳ کلونو کې افغان دولت او مرستندویانو په افغانستان کې ګڼې پراختیایي پروژې تطبیق کړي، خو د سوداګرۍ او صنایعو خونې مسولین وایي، په دغو پروژو کې له کورنیو تولیداتو هیڅ استفاده نه ده شوې.
د سوداګرۍ اوصنایعوخونې مرستیال خان جان الکوزی وایي، که دولت په ساختماني او لوژیستیکي پروژو کې کورني تولیدات کارولي وای، اوس به افغان صنعت او تولیداتو د پام وړ وده کړې وای.
د افغانستان د صنعت کارانو ټولنې مسولین هم د ورته څرګندونو تر څنګ زیاتوي چې که نوی حکومت د کورنیو تولیداتو ملاتړ ته لازمه پاملرنه وکړي، تولیدونکي د دې وړتیا لري چې په ځینو برخو کې د افغان حکومت اړتیاوې پوره کړي.
سید قیاس سعیدي داقتصادي چاروکار پوه:
“دا چې ولې کورني تولیدات دولت نه رانیسی؛ یو پخپله وزیران بی باکه دي او بل قرارداد یان هم نه غواړي چې کورني تولیدات را وه نیسی؛ خو دولت باید له دې لړۍ نظارت وکړي.”
د سوداګرۍ او صنایعو وزارت بیا وایي، په تېرو کې خلکو د افغان تولیداتو په اړه لازم پوهاوی نه درلود؛ خو وروسته له دې به په دولتي پروژو کې کورنيو تولیداتو ته لومړیتوب ورکړل شي.
مسافر قوقندي د سوداګرۍ اوصنایعووزارت ویاند:
“په تیر کې په رښتیا هم له کورنیو تو لیداتو استفاده نه کیده؛ خو اوس دسوداګرې وزارت غواړي کورنی تو لیدات خلکو ته دنندارتونونو له لاري معرفی کړی او هم په دولتي اداروې ورته لومړیتوب ورکړی.
د ملي یووالي حکومت په ځلونو ټینګار کړی چې د کورنیو تولیداتو ودې او پراختیا ته به لازمې آسانتیاوې برابرې کړي، خو د کورنیو صنعت کارانو عمده ستونزې د بریښنا او ځمکو کموالی او په دولتي ادارو کې بیروکراسي بلل کیږي.
خبریال: اسلم حجاب
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه4 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ2 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ4 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی5 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه4 days ago
راشد خان د افغان بیسیم سوداګریز سفیر شو
-
لوبی2 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
لوبی4 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه5 days ago
د ایران ولسمشر پر درې ورځني سفر پاکستان ته ولاړ