تازه خبرونه
حکومت د بلخ والي په کاري دفتر کې د نور حضور د هغه شخصي پرېکړه بولي
د سیمه ییزو ارګانونو خپلواکه اداره وایي، حکومت د بلخ د والي په کاري دفتر کې د نور حضور د هغه شخصي پرېکړه بولي او له دغه مقامه د عطا محمد نور د لیرې کیدو په تړاو د حکومت پرېکړه بدله شوې نه ده او ژر به نوی والي په کار پیل وکړي.
د سیمه ییزو ارګانونو د خپلواکې ادارې په وینا، ژر به انجنیر داوود د بلخ والي په توګه کار پیل کړي.
د جمعیت د مشرتابه شورا غړی کمال الدین حامد ویلي، چې جمعیت اسلامي له حکومت سره د په ټپه ولاړ حالت د ماتولو لپاره د خبرو لار نیولې او ټاکل شوې، چې په روانه اوونۍ کې د جمعیت اسلامي پر سپارل شوي میکانیزم خبرې نورې هم چټکې شي.
د نوموړي په وینا؛ که څه هم ارګ له دې ګوند سره رسمي خبرې نه دي پیل کړي؛ خو د دواړو خواوو تر منځ غیر رسمي مذاکرات روان دي.
سیاسي شنونکی حکیم تورسن وایي، د غیررسمي خبرو په اړه څه نه وایم؛ خو رسمي خبرې دې ورسره نه کیږي؛ ځکه حکومت تر اوسه له چا سره د ګوښه کیدو په اړه خبرې کړي، چې له ده سره کیږي.
تر اوسه د حکومت او جمعیت په غیر رسمي خبرو کې هیڅ پرمختګ نه دی شوی؛ خو جمعیت وایي، عطا محمد به تر هغې له خپل مقام لیرې نه شي، چې له حکومت سره د دوی خبرې یو ځای ته رسیدلې نه وي.
جمعیت وایي، نور به هغه مهال له ولایت لیرې شي، چې د دوی غوښتنې عملي شي؛ د څو حکومتي څوکیو تر لاسه کول د جمعیت د شرطونو مهمه برخه ده.
عطا محمد نور، چې له څه باندې لس کلونو راهیسې په بلخ کې د والي او سرپرست والي په توګه دنده اجرا کړې، د حکومت له پرېکړې وروسته هم د بلخ د والي په دفتر کې حضور لري او وایي، والي به وي او والي و.
خبریال: باعث حیات
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه3 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ5 days ago
د جاپان دوه پوځي چورلکې بحر ته وغورځېدې
-
تازه خبرونه5 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
نړۍ3 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی4 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه3 days ago
راشد خان د افغان بیسیم سوداګریز سفیر شو
-
نړۍ24 hours ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی3 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ