تازه خبرونه
امریکا ته اجرایه رییس خبرداری ورکړ
اجرابی رییس وایی که په افغانستان کې د شیطاني ځواکونو په وړاندې جګړه دوام ونه کړي، د ویرې او وحشت لمن به امریکا ته هم ورسیږي.
عبدالله عبدالله امریکا ته د سفر په لړ د افغانستان لپاره د ولسمشر ټرمپ تګلاره ګټوره وبلله او ټینګار یې وکړ چې دغه تګلاره کولی شي طالبان د سولې خبرو ته را وکاږي.
د واشنګټن په ښار کې د امریکا د ستراتیژیکو مطالعاتو مرکز د ملي یووالي د حکومت د اجرایی رییس کوربه و څو د امریکا د نوې تګلارې په تړاو د افغان حکومت ژمنې واوروي. اجرایی رییس وایی، د افغانستان او سیمې په تړاو د امریکا نوې تګلاره سیاسي او پوځي اړخونه لري او دا طالبانو ته یو فرصت دی.
عبدالله عبدالله اجرایی رییس وایي: د سویلي آسیا لپاره د امریکا د تګلارې یوه مهمه برخه دا ده چې د وخت په اساس نه ده جوړه شوې؛ بلکې د شرایطو له مخې، چمتو شوې چې ډېره مهمه ده.
یوه بله مهمه موخه یې دا ده چې د افغان دولت او خلکو په خلاف جنګېدونکې ډلې او کسان د سولې خبرو ته وهڅول شي، څو د سولې خبرو ته حاضر شي.
همداراز اجرایی رییس ترهګري لا هم افغانستان ته ستر ګواښ یاد کړ او د ترهګرو ډلو په خلاف یې په ګډې مبارزې ټینګار وکړ.
دی وایي: (که تاسو په افغانستان کې مبارزه ونه کړئ، شیطاني ځواکونه چې نن هڅه کوي زمونږ هېواد یو ځل بیا د تیارو او ویرې په ډګر واړوي، دغلته راځي او ستاسو په خلاف جنګیږي. باید ووایو چې ترهګرې ډلې سیمه کې له ملاتړ برخمنې شوي او د سیمې هېوادونو کې خوندي پټنځایونه لري).
اجرایی رییس وسله وال طالبان یو ترهګر سازمان یاد کړ چې په وینا یې افغانستان کې یې د نورو ترهګرو ډلو فعالیت ته لار هواره کړې ده.
او په دې هکله وایي: (طالبان د یوه تروریستي بهیر په توګه فعالیت کوي چې د نورو ترهګرو ډلو فعالیت او حضور ته یې لار هواره کړې ده.
داعش د طالبانو تر سیوري لاندې ژوند کوي. د تحریک طالبان پاکستان په وړاندې زموږ چلند یوشان دی. موږ د ټولو ترهګرو ډلو خلاف جنګیږو او موږ ته د ترهګر د ښه او بد په توګه مطرح نه دي، سوله شونې او عملي ده او د دې حرکت بیلګې په کابل کې د حکمتیار حضور او د هغه د سیاسي فعالیت پیل دی).
د امریکا نوې تګلاره د ټرمپ دولت او د افغانستان د ملي یووالي حکومت ته ستره آزموینه بلل کیږي، دا چې واشنګټن او کابل به په دې تګلارې څه ډول وکړای شي د سولې پیچلی بهیر پیل کړي،هغه پوښتنه ده چې د ځواب لپاره یې باید وخت ته په تمه شو.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه3 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ5 days ago
د جاپان دوه پوځي چورلکې بحر ته وغورځېدې
-
تازه خبرونه5 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
نړۍ3 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی4 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه3 days ago
راشد خان د افغان بیسیم سوداګریز سفیر شو
-
نړۍ22 hours ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی3 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ