تازه خبرونه
امريکايي سناتوران: له افغانستان دې امريکايي سرتېري نه راويستل کېږي
امریکايي سناتورانو ولسمشر بارک اوباما ته وړاندیز کړی چې په افغانستان کې پراته سرتېري وساتي او د کال په نیمايي کې یې شمېر را کم نه کړي.
د امریکا د مشرانو جرګې د تسلیحاتو او بهرنیو عملیاتو جرګه ګۍ خبرداری ورکړی چې که په افغانستان کې دېره ۹۸۰۰سرتېرو شمېر راکم کړل شي، نو دغه هېواد به ډېر ژر د عراق له برخلیک سره مخامخ شي. مخکښو سناتورانو جان مکین او لینسي ګراهام اوباما ته ویلي چې له افغانستان څخه د امریکايي سرتېرو د ایستلو مسئله راتلونکي ولسمشر ته پرېږدي. د کورنیو چارو وزارت بیا دا نه مني چې افغانستان به د عراق له برخلیک سره مخامخ شي.
د امریکا د ولسمشر بارک اوباما د پلان له مخې ټاکل شوې چې د روان میلادي کال په نیمايي کې له افغانستان څخه شا او خوا څلور زره نور سرتېري هم بهر کړي. د راپورونوله مخې اوس په افغانستان کې ۹۸۰۰امریکايي سرتېري دېره دي. د امریکا مخکښو سناتورانو بارک اوباما ته ویلي چې په افغانستان کې د امریکایي سرتېرو شمېر راکم نه کړي.
دوی وايي که د سرتېرو شمېر را کم شي، افغانستان به له ناوړه برخلیک سره مخامخ شي.
د امریکا د مشرانو جرګې د پوځي جرګه ګۍ ريیس جان مکین وايي: “امریکا باید کلونه مخکې له عراق څخه خپل ټول سرتېري نه وای ویستلي. اوس ولسمشر په افغانستان کې ورته کار کوي. په افغانستان کې هېڅ ډول چارې هم سمې نه ډي.اوباما په داسې حال کې د سرتېرو شمېر سم نیمايي ته راښکته کوي چې افغانستان کې حالات د ترینګلتیا په خوا روان دي.”
د امریکا د مشرانو جرګې د بهرنیو عملیاتو د جرګه ګۍ ريیس لیندسي ګراهام وايي: “غواړم یو څه روښانه کړم چې که تاسو افغانستان هېر کړئ نو ځان ته مو خطر پېښ کړ. د سپتمبر د یوولسمې برید له هماغه ځایه پلان شوی و. ښايي دا د سرتېرو په هکله د بارک اوباما تر ټولو مهمه پرېکړه وي.ولسمشره! دا ځل د پوځیانو سلا مشوره ومنه او په افغانستان کې ۹۸۰۰سرتېري پرېږده. که سرتېري نیم کړېنو افغانستان د عراق له برخلیک سره مخامخ کېدای شي.”
د کورنیو چارو وزارت بیا دا نه مني چې افغانستان به د عراق له برخلیک سره مخامخ شي.
د کورنیو چارو وزارت ویاند صدیق صدیقي وايي:”دوی چې په کابل کې د امریکا له سفارت څخه د امریکا د سي بي اس ټلویزیون سره مرکې کولې وویل چې ډېره وېره شته چې له افغانستان څخه د امریکايي سرتېرو له وتو سره به تاوتریخوالي ډېر شي. په افغانستان کې د داعش وړتیاوې مخ په وده دي. مونږ د داعش د له منځه وړلو له پاره ستراتیژي نه لرو. فکر کوم چې کلنتڼ یا ترمپبه د شرایطو په پام کې نیولو سره د سرتېرو د ایستلو پروګرام جوړ کړي.”
صديقي زياتوي چې د سرتېرو کمول په دې معنی دي چې مونږ د سپټمبر یوولسمه هېره کړې ده. دا بریدونه له افغانستان څخه تنظیم شوي وو. دا مونږ ته د تحمل وړ نه ده چې افغانستان بیا په هغه حالت کې پرېږدو. که مونږ ولاړ شو، ترهګر بیا راځي او دغه هېواد نیسي او امریکا به له ډېرو بریدونو سره مخامخ شي.
د امریکا دسناتورانو دغه څلور کسیز پلاوي لومړی د پاکستان له شمالي وزیرستان څخه د لیدنې سربېره د هغه هېواد د ملي امنیت د شورا له سلاکار او د پوځ له لوی درستیز سره هم لیدلي دي. دوی دغه پلاوي ته ویلي چې د افغانستان ثبات د پاکستان په ګټه دی.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه4 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ2 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ4 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی5 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه3 days ago
راشد خان د افغان بیسیم سوداګریز سفیر شو
-
لوبی4 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
لوبی1 day ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه4 days ago
د ایران ولسمشر پر درې ورځني سفر پاکستان ته ولاړ