تازه خبرونه
آشنا: ولسمشر د ولسي جرګې د کار د دوام واک نه لري
اجراییه ریاست د ولسي جرګې د کار د دوام او تر یوې میاشتې پورې د ټاکنو د نیټې د معلومولو په تړاو د ولسمشر له وروستۍ پریکړې سره مخالفت وښود.
د اجراییه ریاست یوه ویاند آصف آشنا ویلي چې ولسمشر د ولسي جرګې د کار د دوام په اړه هیڅ واک نه لري او ولسي جرګه د ټاکنو د پایلو تر اعلام پورې خپل کار ته دوام ورکوي.
ولسمشرۍ ماڼۍ په یوې خبرپاڼه کې ویلي چې ولسي جرګه به د پارلماني ټاکنو د نتایجو تر اعلام پورې خپل کار ته دوام ورکوي، او د ټاکنو د تر سره کېدو نیټه به هم تر یوې میاشتې معلومه شي. په دې اعلامیه کې په ټاکنیز نظام کې د لازمو اصلاحاتو په راوړلو ټینګار شوی دی.
اجراییه ریاست دا اعلامیه له اساسي قانون او سیاسي هوکړه لیک سره په ټکر کې بولي، کوم هوکړه لیک چې د اجراییه ریاست په باور له مخې یې د ملي یوالي حکومت جوړ شو.
بلخوا د ټاکنو خپلواک کمیسیون ولسمشرۍ ماڼۍ ته د راتلونکو ټاکنو په هکله خپله طرحه وړاندې کړې.
د دې طرحې په بنسټ کمیسیون په پام کې لري چې پارلماني ټاکنې د راتلونکي کال د غویی په اتلسمه یا هم د وږي په اووه ویشتمه تر سره کړي.
په همدې حال کې د حقوق پوهانو د ټولنې مرستیال عبدالسبحان مصباح وایي چې د ولسي جرګې هره کړنه چې په اساسي قانون کې یې یادونه شوې، د چنګاښ له لومړۍ نیټې وروسته هیڅ قانوني ځای نه لري.
جالبه دا ده چې د ولسي جرګې هره تقنیني دوره د پنځم کال د چنګاښ په لومړۍ نیټه پای ته رسیږي، ولسمشر او یا یې هم یو مرستیال هر کال د ولسي جرګې کار پرانیزي.
وبه لیدل شي چې ولسمشر او یا یې مرستیال د ولسي جرګې شپږم کاري کال هم پرانیزي او که نه؟ بله خبرهخ دا چې هره پنځه کلنه تقنیني دوره د یوه رییس له خوا اداره کیږي، او د رییس دنده هم د چنګاښ په لومړۍ پای ته رسیږي، د ولسي جرګې غړي به د خپل کار د دوام لپاره نوی رییس وټاکي او که نه؟
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه4 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ2 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ3 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی5 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه3 days ago
راشد خان د افغان بیسیم سوداګریز سفیر شو
-
لوبی4 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
لوبی1 day ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه4 days ago
د ایران ولسمشر پر درې ورځني سفر پاکستان ته ولاړ