تازه خبرونه
” په افغانستان کې د سولې راوستلو تړون” دوه پټې ضمیمې لري- مایک پمپیو
د امریکا بهرنیو چارو وزیر مایک پمپیو ویلي، چې له طالبانو سره “ په افغانستان کې د سولې راوستلو تړون” دوه پوځي محرم اجرايي اسناد لري، چې د ځواکونو د ژوندي پاتې کیدو لپاره اړین دي.
په قطر کې د طالب او امریکایي استازیو د سولې هوکړې له لاسلیک وروسته د امریکا د بهرنیو چارو وزیر مایک پمپیو له سي بي اس تلویزیون سره په یوه مرکه کې ویلي، چې دغه تړون دوې ضمیمې لري، چې د هغه په وینا پټ او محرم ګڼل کیږي.
د نوموړي د څرګندونو له مخې؛ دا اجرايي نظامي اسناد دي، چې زمونږ د پوځیانو د مصونیت لپاره مهم دي.
هغه وایي: مونږ دوه اجرائيه عنصرونه لرو، چې دواړه محرم دي او اجرائيه نظامي اسناد دي او زمونږ د پوځیانو د مصونیت لپاره مهم دي. د کانګرس هر غړي ته به دا دوه محرم اسناد وښودل شي.
هغه له ټولو اړخونو غواړي، چې یو سوله ییز، سوکاله او خپلواک افغانستان ته پر رسیدو داوڅرخي.
دغه راز د ایران د بهرنیو چارو وزیر جواد ظریف په خپل تویت کې لیکلي، چې امریکا باید پر افغانستان یرغل نه وای کړی؛ خو دا کار یې وکړ او نور اړخونه یې په دې اړه ملامت وبلل، چې اوس یې په ډېر حقارت د خپلې تسلیمۍ سند لاسلیک کړ.
د امریکا او طالبانو ترمنځ د سولې هوکړه لیک تر لاسلیک وروسته اوس تمرکز پدې دی، چې د دغې هوکړې له عملي کیدو جدي څار وشي.
د پاکستان د بهرنیو چارو وزیر محمود قریشي ویلي: باید له دغه بهیره پراخه څارنه وشي او هغه خوا، چې سرغړونه کوي باید افشا شي. ځينې ژمنې له طالبانو سره تړلي دي. وبه کتل شي، چې پلې کوي یې او که پخواني حالت ته ستنیږي.
ښاغلي پمپیو ویلي؛ دا تړون “ژور، پیچلي او ښه سنجول شوي میکانیزمونه” لري، چې په اساس یې امریکا د ښکېلو خواوو څارنه او له هغوی سره حساب او کتاب کولی شي.
ټاکل شوې، چې د مارچ په لسمه د افغانانو خپلمنځي خبرې پیل شي.
د امریکا د کانګرس ريیسه نانسي پلوسي ټينګار کوي، چې په دغو خبرو کې باید د افغان میرمنو ګډون د پام وړ وي.
د هغې د څرګندونو له مخې؛ افغان میرمنې باید د سولې د خبرو په میز کې حضور ولري او باید غږ یې واوریدل شي. په دغو خبرو کې د ښځو ګډون د امنیت، ښه حکومت او اقتصاد لپاره مهم دی.
له هغو پرمختګونو باید سترګې پټې نشي، چې افغان میرمنو او نجونو تر لاسه کړي دي.
دا په داسې حال کې ده، چې د شنبې پر ورځ د کب لسمه / د فبروري ۲۹ ” په افغانستان کې د سولې راوستلو تړون” لاسلیک شو، چې له مخې به یې په لومړیو ۱۳۵ ورځو کې د امریکایي ځواکونو شمېر ۸۶۰۰ ته راټیټ شي.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه4 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ2 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ4 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی5 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه4 days ago
راشد خان د افغان بیسیم سوداګریز سفیر شو
-
لوبی2 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
لوبی4 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه5 days ago
د ایران ولسمشر پر درې ورځني سفر پاکستان ته ولاړ