عاجل خبرونه

پاكستان بايد طالبانو ته د امنو پټنځايونو له وركولو ډډه وكړي- مک گاورن

(Last Updated On: اګست 11, 2011)

يو امريكايي قانونپوه وايي:

د افغانستان جگړه پوځي حل لار نه لري؛ دا كار د يوې ډيپلوماټيكې لارې پرانستې ته اړتيا لري.

نوموړى دغه راز ټينگار كوي، چې:

پاكستان بايد وسله والو طالبانو ته د امنو پټنځايونو له وركولو ډډه وكړي.

د آريانا راډيو- ټلويزيون خبريالې نذيرې عظيم كريمي ته څرگنده كړې، چې د امريكا د كانگريس يوه غړي جيمز مك گاورن څو اوونۍ مخكې له افغانستان څخه ليدنه كړې ده.

نوموړى وايي، چې:

افغانستان او امريكا خپلې منافع لري.

مك گارون وايي:

امريكا غواړي په سيمه كې يو باثباته او پرمختللى افغانستان شتون ولري او دې موخې ته د رسيدو لپاره سيمه ييزو همكاريو ته اړتيا ليدل كيږي.

مك گاورن د دې پوښتنې په ځواب كې، چې ولې واشنگټن پاكستان ته  ددې لپاره چې افغانستان ته وسله وال راليږي او د ترهګرۍ ځاله ده، غوڅ ځواب نه وركوي؟ وايي:

دا، چې پاكستان بالاخره د دې ستونزې حل لاره ده، بايد داسې لارې چارې وپلټل شي، چې پاكستان له افغانستان او امريكا سره رښتينې همكاري وكړي.

په همدې حال كې نوموړى وايي:

كه اسلام اباد غواړي، چې په افغانستان كې جگړه پاى ته ورسيږي، بايد طالبانو ته د امن ځايونه ورنكړي او پرينږدي، چې له خاورې يې پرنورو هېوادونو د ترهگرۍ گواښ زيات شي.

د امريكا د كانگريس دغه غړي دغه راز ويلي، چې په افغانستان كې د جگړې د ختمولو په لار كې مذاكرو ته چندان ارزښت ندى وركړ شوى او په وينا يې:

امريكا د دې پرځاى، چې له سياسي حل لارو كار واخلي، پوځي لارو چارو ته ترجيح وركوي.

نوموړى پدې باور دى، چې:

امريكا او متحدين يې بايد د يوې سياسي حل لارې موندلو لپار له افغان دولت سره مذاكره وكړي، پرته له هغې به په دې هيواد كې جگړه پاى ته ونه رسيږي.

گارون وړانديز كوي، چې:

واشنگټن بايد پدې لار كې پاكستان او ايران له پامه ونه غورځوي.

دغه امريكايي چاراكې زياتوي، چې:

كه د افغانستان جگړې ته وړ حل لاره ونه پلټل شي، دغه جگړه به نوره هم وغځيږي.

په همدې حال كې نوموړى ټينگار كوي، چې:

د تېرو كلونو په پرتله د افغانستان راتلونكي ته هيله من دى.

About ATN NEWS

Check Also

روسیه د جمعې پر ورځ د یوې نړیوالې ناستې کوربتوب کوي

(Last Updated On: نوومبر 4, 2018) د روسیې د بهرنیو چارو وزارت څرګنده کړې، چې …

ځواب دلته پرېږدئ

ستاسو برېښناليک به نه خپريږي.