سیمه ییز خبرونه
كه د ولت د سولې لورى وانړوي؛ ښايي د خلكو له غبرگون سره مخ شي- عبدالله
د تغيير و اميد ائتلاف رييس ډاكترعبدالله عبدالله په هېواد كې د سولي بهير د بنديدو او په اړه يې د بيا كتنې غوښتنه كوي.
د هغه په وينا:
د دولت وسله وال مخالفين د سولي پرځاي پخپلو ترهگريزو هڅو ټينگا كوي.
ده وړانديز وكړ، چې:
افغان دولت بايد د نړيوالې ټولنې په همكارۍ پرپاكستان فشار واچوي، چې له افغانستان سره له دښمنۍ ډك چال چلند پاى ته ورسوي.
ولسمشر كرزى ويلي، چې:
كه د استاد رباني په وژنه كې د وسله والو طالبانو لاس درلودل بربنډ شي؛ نو د سولې روانې هڅې به و دروي.
د تغيير و اميد د ائتلاف رييس ډاكترعبدالله عبدالله خبري رسنيو ته وويل، چې:
له تېر يو كال راهيسې د سولې لړۍ پيل شوې، خو تراوسه يې كومه مثبته نتيجه نده ترلاسه كړې.
ده وويل، چې:
د دولت وسله وال مخالفين سولې ته نه، بلكې خپلو ترهگريزو اعمالو ته ليواله دي.
هغه د بېلگې په توگه د استاد برهان الدين رباني وژنې ته په نغوته وويل:
كه د ولت د سولې روان بهير روان وساتي او په اړوند يي له سره كتنه ونكړي؛ نو ښايي د خلكو له غبرگون سره مخ شي .
نوموړي د گاوند هېواد پاكستان پر دوه مخي سياست هم نيوكه وكړه او ويې ويل، چې:
اوس نړيوالو ته ښكار ه شوې، چې د افغانستان د ناامنيو تر شا د پاكستان لاس دي.
هغه وويل:
كه څه هم د افغا نستان خلك له پا كستان سره د دوستانه اړيكو غوښتونكي دي، خو يو اړخيزه غوښتنه نشي كولى، چې ستونزي حل كړي.
هغه وايي، چې:
پكار ده د نړيوالې ټولنې په مرسته پرپاكستان فشار راوړ شي، چې پاكستان د افغانستان په اړه له دښمنانه موخو لاس واخلي.
رسينو داسې رپوټونه وركړي، چې افغان ولسمشر حامد كرزى غواړي پاکستان ته د استاد رباني د وژل كېدو د پلټنې او حقايقو د موندلو په موخه يو پلاوى واستوي.
افغان ولسمشر وايي، چې:
كه پاكستان د برهان الدين رباني د وژني په اړه په پلټنو كې همكاري ونكړي؛ نو له ملگرو ملتونو به د همكارۍ غوښتنه وكړي.
ولسمشر كرزي په كابل كې له يو خصوصي ټلويزيون سره په ځانگړې مركه كې ويلي، چې:
كه دا جوته شي، چې په دغه پېښه كې د بل هېواد لاس دى؛ نو دا به د د ښمنۍ په معنا وي.
حامد کرزي ويلي، چې:
که وموندل شوه، چې طالبان د رباني په وژنه کې لاس لري؛ نو له هغوی سره به د سولې خبرې اترې وځنډوي.
سیمه ییز خبرونه
امریکا دې د بشري حقونو په اړه دوه ګوني سیاست ودروي – ترکیه
د رویټرز خبري آژانس د راپور له مخې؛ ترکیې د چارشنبې پر ورځ امریکا تورنه کړې، چې د بشري حقونو په اړه دوه ګونی سیاست پالي او وایي، چې واشنګټن د بشري حقونو کلنی راپور په غزه کې د اسرائیلو د بریدونو په غندلو کې پاتې راغلی دی.
د ترکیې د بهرنیو چارو وزارت په خبرپاڼه کې راغلي، چې د امریکا دې کلني راپور په غزه کې روان غیر انساني بریدونه په سمه توګه راځلولي ندي. دا راپور پر سیاسي انګیزو له بې طرفۍ او معقولیت څخه لرې چمتو شوی دی.
ترکیې له واشنګټن وغوښتل، چې د بشري حقونو په اړه دوه ګونی سیاست ودروي.
دغه راز په دې راپور کې د سوریې له کردي ملیشې سره د امریکا اړیکو ته هم ګوته نیول شوې، چې انقره یې یوه ترهګر ډله ګڼي.
په غزه کې د روغتیايي چارواکو د څرګندونو له مخې؛ اسرائیلي ځواکونو له ۳۴ زره ډېر فلسطینیان وژلي، چې ډېر یې ملکيان او ماشومان دي. دا سیمه پر کنډواله بدله شوې او د خوراکي توکو سخت کمښت د قحطۍ وېره راپارولې ده.
اسرائیلو د اکټوبر پر اوومه د حماس د وسلهوالې ډلې د هغه برید په ځواب کې خپل هوایي او ځمکني بریدونه پیل کړل، چې د اسرائیلي ځواکونو د څرګندونو له مخې په کې ۱۲۰۰ کسان ووژل شول.
ترکیې په غزه کې د جګړې له کبله اسرائیل غندلی او د اوربند غوښتنه یې کړې ده.
ترکیې پر لویديځو هېوادونو هم نيوکه کړې، چې له اسرائيلو يې بشپړ ملاتړ کړی دی.
سیمه ییز خبرونه
د غزې په شمال کې د قحطۍ خطر ډېر دی
د بشري چارو لپاره د امریکا ځانګړي استازي د سې شنبې پر ورځ ویلي، چې اسرائیلو په وروستیو اوونیو کې غزې ته د مرستو رسولو لپاره د پام وړ ګامونه پورته کړي؛ خو د پام وړ کار پاتې دی، ځکه په دې سیمه کې د قحطۍ خطر ډېر دی.
د بشري چارو لپاره د امریکا ځانګړي استازي ډېوېډ سټېټرفیلډ خبریالانو ته ویلي، اسرائیلو په دې وروستیو دوه نیمو اوونیو کې د پام وړ ګامونه پورته کړي دي.
ډېوېډ سټېټرفیلډ څرګنده کړې: اوس هم د پام وړ کار پاتې دی، چې باید ترسره شي؛ خو پرمختګ شوی دی.
هغه ویلي، چې په ټوله غزه کې په جګړي توګه شمالي سیمې د قحطۍ له ډېر خطر سره مخ دي.
نوموړي ویلي، چې د فلسطین په کوچنۍ ګڼ میشته سیمه کې له اړو خلکو سره مرستې ته اوس ډېره اړتیا ده.
ملګرو ملتونو له اوږده وخت راپدیخوا په غزه کې د مرستې رسولو او د هغې د وېشلو په لار کې له خنډونو څخه اندېښنه ښودلې او څرګنده شوې، چې له تېرو شپږ میاشتو راپدیخوا د اسرائیلو لخوا د غزې د واکمنې اسلامي وسلهوالې ډلې حماس پر ضد هوايي او ځمکني بریدونه ترسره تر سره کیږي.
د اسرائیلو پوځي کمپاین د اکتوبر له میاشتې راپدیخوا، چې حماس د اسرائیلو په سویل کې جګړه پیل کړه، چې له کبله یې د بشري ناورین ترڅنګ د ۲ اعشاریه ۳ میلیون خلکو کورونه له ځمکې سره اوار شوي دي.
د ملګرو ملتونو د فلسطیني کډوالو ادارې (UNRWA) مشر فیلیپ لازاریني د سې شنبې پر ورځ ویلي، چې د اپریل پرپرتله غزې ته د تلونکو لاریو منځنی شمېر د ورځې ۳۱۶ ته لوړ شوی دی.
ویل کیږي، چې اوس کثافاتو راټولولو ته پاملرنه ډېره شوې او هڅه کیږي، چې په سویلي غزه کې د ناروغیو د خپریدو مخه ونیول شي.
سیمه ییز خبرونه
د ایران ولسمشر پر درې ورځني سفر پاکستان ته ولاړ
د ایران ولسمشر ابراهیم رییسي نن سهار ( دوشنبه د غویی درېیمه) د یوه لوړ پوړي سیاسي او اقتصادي پلاوي پر مشرۍ د پاکستان پلازمېنې اسلامآباد ته ورسېد.
د ایران اړوند رسنیو خبر ورکړی، چې دغه درې ورځنی سفر به د پاکستان له لوړ پوړو چارواکو سره د اقتصادي او سوداګریزو اړیکو پر پراختیا او پیاوړتیا، د دوه اړخیزو خبرو اترو او سیمهییزو سلامشورو په پام کې نیولو سره ترسره شي.
ټاکل شوې، چې د ایران ولسمشر به په دې سفر کې د دغه هېواد له ولسمشر اصف علي زرداري سره هم وګوري.
دغه راز د ایراني رسنیو د څرګندونو له مخې؛ پاکستان ته د ایران د ولسمشر د سفر پر مهال د دواړو هېوادونو ترمنځ د دواړو هېوادونو د مشرانو په حضور کې د سوداګرۍ، روغتیا، اقتصاد، امنیت او عدالت په برخو کې د اړدوند وزیرانو لهخوا د همکاریو یو شمېر سندونه لاسلیک شي.
دا سفر د پاکستان په بلوچستان ایالت کې د ایران له برید او د ایران په سیستان او بلوچستان ایالت کې د پاکستان له ځوابي بریدونو یوازې درې میاشتې وروسته رامنځته شوی دی.
-
تازه خبرونه4 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ2 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ3 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی4 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه3 days ago
راشد خان د افغان بیسیم سوداګریز سفیر شو
-
لوبی3 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
لوبی1 day ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه4 days ago
د ایران ولسمشر پر درې ورځني سفر پاکستان ته ولاړ