تازه خبرونه
طالبان د اوربند لپاره یوازې درې ورځې وخت لري
د سولې کاروان په ډاګه کړې؛ که طالبان په راتلونکیو درې ورځو کې د اوربند په اعلانولو خپله خپلواکي څرګنده نه کړي، دوی به د یو شمېر هغو سفارتونو مخې ته خیمې ودروي، چې د جګړې له اړخونو د ملاتړ شک پرې کیږي.
شپږ نیم سوه کیلو متره پر پښو راغلي د سولې تږي ځوانان څرګندوي، چې طالبانو ته درې ورځې وخت ورکړ شوی، چې د ولسمشر غني اعلان شوي اوربند په مقابل کې دوی هم اوربند اعلان کړي.
د سولې کاروان غړي وايي، که طالبان مثبت ځواب ورنکړي؛ نو دوی به د هغو سفارتونو مخې ته خیمې ووهي، چې ګومان پرې کیږي له طالبانو ملاتړ کوي او یا هم خپله د افغانستان په جګړه کې ښکېل دي.
د دوی په وینا؛ اوسمهال پېنځه سفارتونه په نښه شوي او که اړتیا شي د نورو سفارتونو مخې ته به هم کینو او غوښتنه به ترې وشي، چې پر طالبانو او ټولو اړخونو د سولې راوستلو فشار زیات کړي.
د سولې کاروان غړی باچا خان مولاداد وايي؛ مونږ ولسمشر غني ته څلور وړاندیزونه وکړل او ورته مو وویل: پرته له دې، چې چاته زنګ ووهل شې دا وړاندیزونه ومنئ او هغه زمونږ څلور واړه وړاندیزونه ومنل. اوس مو له طالبانو غوښتنه داده: د اوربند په مقابل کې دې اوربند اعلان کړي، که یې داسې ونه کړل مونږ به د هغو سفارتونو مخې ته خیمې ودروو، چې ګومان کیږي له طالبانو ملاتړ کوي.
د سولې کاروان دغه راز په ډاګه کړې، چې ولس پر طالبانو ناز کړی او هغوی باید خپله خپلواکي ورته ثابته کړي، چې سولې ته لار اواره شي.
د سولې کاروان ویاند بسم الله وطندوست وایي: نن د طالبانو ویاند ویلي، چې د سولې کاروان دې د باګرام او امریکا سفارت مخې ته کیني. هغه زمونږ خپل پلان هم دی، چې د سفارتونو مخې ته به کینو؛ خو له طالبانو غواړو، چې تاسې هم یو ځل ولس ته ځان ثابت کړئ، چې په خپلواکه توګه پرېکړې کولی شئ!
د سولې کاروان یو بل غړي ویلي، که طالبانو خپله خپلواکي ثابته کړه؛ هغوی به د خبرو اترو لپاره د ځای پر مشخصیدو کار وکړي.
د سولې کاروان غړی جمال ناصر وایي، چې که طالبانو خپل ځان خپلواک ثابت کړ؛ نو په دوه یم ګام کې به مونږ له هغوی سره خبرې پیل کړو او پر داسې یوه ځای به ورسره سلا شو، چې له حکومت سره خبرې په کې وکړي او پر سوله وغږیږي.
د سولې لپاره اوسمهال له پخوا نږدیوالی ډېر شوی او د امریکا ولس هم له خپلو نظامیانو پوښتلي، چې څنګه کیدلی شي سرتېري مو نور له افغانستان څخه خپلو کورونو ته ستانه شي.
خبریال: خلیل الرحمن امید
کورنیو چارو وزارت تائید کړې، چې په بدخشان ولایت کې د یوه نښلېدونکي ماین په چاودنه کې ۳ امنیتي سرتېري وژل شوي او ۵ نور ټپیان دي.
د کورنیو چارو وزارت ویاند عبدالمتین قانع وايي: له بده مرغه نن له غرمې مخکې شاوخوا ۱۱ بجې د بدخشان ولایت د فیضآباد ښار د جوزون په اړوند سیمه کې پر موټرسایکل نښلول شوي ماین چاودنه کړې ده.
د عبدالمتین قانع زیاته کړې؛ دغه ماين هغه مهال چاودنه وکړه، چې د پوليسو د موټرو یو کاروان له ياد سړک څخه د کوکنارو د کښت د له منځه وړلو لپاره له سیمې څخه د تېرېدو په حال کې و.
ده زياته کړې، چې دغه پېښه د پوليسو تر څېړنې لاندې ده.
تر اوسه کومې ډلې یا شخص د دې پېښې مسوولیت پر غاړه ندی اخیستی.
د سې شنبې پر ورځ ( د غویي اتلسمه) د افغانستان فوټبال اتلانو لیګ د سیالیو په پېنځه دېرشمه لوبه کې د خراسان فاریاب لوبډلې کابل استقلال لوبډلې ته ۱ د صفر پر توپیر ماتې ورکړه.
د خراسان فارياب لوبډلې لوبغاړي فريد احمد يو ګول وواهه او د ميدان غوره لوبغاړی ونومول شو.
دغه راز په شپږدېرشمه لوبه کې سرخ پوشان خوافې لوبغاړو سرسبز یاشلر لوبډلې ته ۴ پر۱ ماتې ورکړه.
حبيب الله هوتک او اميد رجبي د سرخپوشانو لوبغاړو ګولونه وکړل او حبيب الله هوتک هم وتوانېد، چې د ډګر د غوره لوبغاړي نوم خپل کړي.
د نن چارشنبه د ثور نولسمه د غرمې ۱:۳۰ ابو مسلم فراه او عدالت فراه او له غرمې وروسته ۳:۳۰ بجې میوند او جوانان واحدي لوبډلې سره مخ کېږي.
د يادونې ده، چې دغه سيالۍ له آريانا ټلويزيون څخه پر ژوندۍ بڼه خپرېږي.
د افغانستان ملي دفاع وزارت د پاکستان د پوځ د ویاند وروستۍ ادعا، چې په پاکستان کې پر چینايي اتباعو وروستی برید د افغانستان له خاورې پلان شوی و، له حقیقته لرې بولي او پر کلکه یې ردوي.
عنایت الله خوارزمي وایي، چې داعش له پاکستان څخه د افغانستان خاورې ته را اوښتي او موخې یې له هغه ځایه تنظیم شوې دي.
د دفاع وزارت ویاند دا هم په ډاګه کړې، چې پاکستان باید دغو کړنو ته پخپله ځواب ورکړي.
د ملي دفاع وزارت وياند عنايت الله خوارزمي ويلي، د خيبر پښتونخوا په يوه سيمه کې، چې د پاکستان د پوځ تر امنيتي پوښښ لاندې ده؛ د چينايي وګړو وژل کېدل د امنیتي بنسټونو خپله کمزوري ده او یا هم له بریدګرو د دوی د همکارۍ ښکارندویي کوي.
ویل کیږي، چې اسلامي امارت په دې اړه چین ته ډاډ ورکړی او دوی هم په دې خبره پوه شوي، چې افغانان په داسې مسایلو کې ښکېل ندي.
په بدخشان ولایت کې ماین چاودنې ۸ کسانو ته مرګ او ژوبله اړولې
د تاتارستان سوداګر په افغانستان کې پر تېلو او ګازو پانګونې ته لیواله شول
د سې شنبې پر ورځ خراسان او سرخ پوشان لوبډلو لوبه وګټله
د پاکستان خاوره د افغانستان پر ضد کارول کیږي
پوتین د ولسمشرۍ بله ۶ کلنه لوړه وکړه
د افغانستان پر وړاندې دردوونکې ماتې مې له سترګو خوب وتښتاوه – بابر اعظم
د افغانستان اتلانو ليګ د درېيم پړاو سیالیو پچهاچونه پای ته ورسېده
اپل شرکت د نړۍ د تر ټولو د لوی ګرځند پلورونکي دریځ له لاسه ورکړ
د اسرائيلو په وړانديز کې د فلسطينيانو غوښتنې له پامه غورځېدلي – حماس
د آنلاین صرافیو هڅې بندې شوې
تحول: پر رفح ښار د اسرائیلو د برید پیل
څار: پر نړۍ د افغانستان د چارسمبالي حکومت نیوکې
څار: اسلامي امارت له روغتیا نړیوالې ټولنې د افغانستان د څوکۍ غوښتنه وکړه
تحول: د اسلامي همکاریو ټولنې په ناسته کې د اسلامي امارت ګډون
څار: د ملګرو ملتونو لهخوا د افغانستان د بشري حقونو د ملي راپور منل
-
تازه خبرونه3 days agoپه غور کې د سېلابونو له کبله سلګونه خلک بې ځایه شول
-
تازه خبرونه3 days agoاسلامي امارت په بدخشان کې د اعتراضي لاريون د څېړلو لپاره یو پلاوي وټاکه
-
تازه خبرونه3 days agoپه افغانستان کې پر کوکنارو د بندیز له کبله کروندګرو خپل عاید له لاسه ورکړی – نړیوال بانک
-
تازه خبرونه2 days agoد اسلامي همکاریو ټولنې سرمشریزې په افغانستان کې د نجونو پر زدهکړو ټینګار څرګند کړ
-
نړۍ2 days agoاسرائیلي ځواکونو بیت المقدس ته نږدې د الجزیرې پر رسنیز دفتر چاپه ووهله
-
سوداگري3 days agoد ترکمنستان د سوداګرو او صنایعو اتحادیې مشر هرات ته سفر وګړ
-
لوبی2 days agoابو مسلم فراه افسي میوند فوټبال لوبډلې ته ۹ پر ۱ ماتې ورکړه
-
نړۍ2 days agoد غزې په جګړه کې مو د مصر او قطر د اوربند وړاندیز منلی – حماس