د پكتيا پر ولايتي مقام په بريد كې بريد كوونكي وژل شوي

(Last Updated On: October 17, 2011 1:16 pm)

د پكتيا مركزگرديز په ښاروالۍ  كې  د درې بريد كوونكيو په شمول څلورتنه ووژل شول.

د پكتيا چارواكي وايي:

درې وسله وال، چې د ښاروالۍ ودانى ته ننوتي وه؛ غوښتل يې د والي پر دفتر او ورڅېرمه دولتي بنسټونو بريد وكړي؛ خو د والي د ساتونكو له خوا ووژل شول.

د آريانا ټلويزيون خبريال نيازالله اصيل په خپل رپوټ كې څرگنده كړې، چې:

د پكتيا ولايت والي وياند روح الله سمون وايي، چې:

د يكشنبې په ورځ(دتلې ۲۴) د غرمې په دولس بجو درې تنو وسله والو د گردېز ښاروالۍ ته په ننوتو غوښتل، چې د پكتيا والي د موټر د تېرېدو لار ترڅارنې لاندې راولي؛ خو د والي د ځانگړيو ساتونكيو له خوا تربرېد لاندې راغلل او ووژل شول.

د سمون په وينا:

په دغه پېښه كې د گردېز ښاروالۍ يو تن كاركوونكى هم وژل شوي .

د سمون په وينا:

بريد كوونكيو له ځان سره يو سرف ډوله موټرهم درلود، چې د يادې پېښې په ځاى كې دريدلى و او يو ساعت وروسته په داسې حال كې وچاودېد، چې سيمه د امنيتي سرتېرو له خوا تشه شوې وه.

د موټرد چاودنې له لامله په گردېزكې د افغانستان بانك، محاكمې، ښاروالۍ او ولايتي مقام  ښيښې ماتې شوي؛ خو په كې چاته ځاني زيان نه دى اوښتى.

د دغه برېد مسووليت تردې دمه چا په غاړه نه دى اخيستى

About ATN NEWS

Check Also

حکومت امنیتي ځواکونو ته پرمختللې وسلې نه ورکوي- محقق

(Last Updated On: September 20, 2018 7:34 pm) محمد محقق پر حکومت له دې کبله …

ځواب دلته پرېږدئ

ستاسو برېښناليک به نه خپريږي.