عاجل خبرونه

د ولسي جرگې پرېكړه د قضائيه قوې له حكمه سرغړونه او سپكاوى دى- استيناف

(Last Updated On: اګست 18, 2011)

د كابل د استيناف محكمې او لو يې څارنوالۍ د ولسي جرگې پريكړه د افغانستان قضائيه قوې له پرېكړو سرغړونه او سپكاوى وباله.

دغو دوه بنسټونو په كابل كې د يوې گډې خبري ناستې په پايله كې د ولسي جرگي له خوا د سترې محكمې د سرپرت او د سترې محكمې د عالى شورا د پنځه غړي د محاكمه كولو او له دندې څخه د لوى څارونوال د لرې كيدو پرېكړه غير قانوني وبلله او زياته يې كړه:

هيڅ بنسټ د افغانستان د قضائيه بنسټونو د پريكړه په وړاندې د دريدو حق نه لري.

د ولسي جرگې غړى  قاضي عبدالرحيم وايي، چې:

مونږ د خلكو رښتيني استازي يو او هره ېريكړه مو له قانون سره سمه كيږي .

ولسي جرگې شا وخوا يوه نيمه مياشت وړاندې د ټاكنو له ځانگړې محكمې څخه د ملاتړ په تور د سترې محكمې رييس او د دغې محكمې د عالي شورا د پېنځه غړيو د اساسي قانون او د ټاكنو له قوانينو څخه په سرغړونه تورن كړي او له دندو يې گوښه اعلان كړي وه.

همدا  راز ولسي جرگې په بېړني ډول د دغو كسانو د محكمې غوښتنه هم كوله.

سره له دې، چې د ولسې جرگې دا پرېكړه پلې نه شوه؛ نو ولسي جرگې په تېره اوونۍ كې يوه مصوبه تصوب كړه، چې له مخې يې د كورنيو چارو، عدليې ، اطلاعاتو او فرهنگ او ماليې وزارتونو ته حكم وكړ، چې له سترې محكمې سره دې خپلې اړيكې او همكارۍ بندې كړي.

د ولسي جرگې د دغې پرېكړې په غبرگون كې د شنبې په ورځ د كابل د استيناف محكمې او د افغانستان لويې څارنوالۍ وويل، چې:

هيڅ يو بنسټ د دې حق نلري، چې د قضا له پرېكړې سرغړونه وكړي.

د لوى څارنوالۍ د پوځي څارونوالۍ ريس سيد فضل كريم اغا وويل، چې:

د ټاكنو د پايلو په باب د محكمې پرېكړه دې پلې شي او زياتوي، چې د ولسي جرگې دا پريكړه د افغانستان د قضا له پرېكړو سرغړونه او د غو پرېكړو ته سپكاوى دى .

د ولسي جرگې غړى  قاضي عبدالرحيم آريانا ټلويزيون ته وويل، چې دوى د قانون له مخې د خلكو ريښتينې استازي دي او د دوى هره پرېكړه د قانون او د دوى د قانوني صلاحيتونو له مخې كيږي.

د ولسي جرگې دا غړي وايي، چې:

يو كال وړاندې ټاكنيزو جنجالونو په باب د قانون له مخې  سترې محكمې د سرپرست او پنځو غړو دنده پاى ته رسيدلې او د ټاكنو په باب د دوى ټولې پرېكړې د قانون خلاف دي.

د كندهار او مزار د استيناف محكمې غړيو هم د ورته غونډې په جوړلو سره د محكمې د پرېكړې غوښتنه وكړه.

د ټاكنو په باب راولاړې شوې ستونزې د حكومت د څو بنسټونو تر منځ په داسې حال كې زور اخلي، چې تېره اوونى  افغان ولسمشمر د يو فرمان په صارولو د ټاكنو خپلواك كميسيون د غو ستونو د حوارولو او د ياد بحران د پاى ته رسولو صلاحيت وركړ .

About ATN NEWS

Check Also

طالبانو په فراه کې ۹۰ سیمه ییز پولیس نیولي او ۴۰ سرتېري وژل شوي

(Last Updated On: نوومبر 15, 2018) د فراه ولایتي شورا په ډاګه کړې، چې د …

ځواب دلته پرېږدئ

ستاسو برېښناليک به نه خپريږي.