سیمه ییز خبرونه
د ولسي جرگې د ټاكنو په پايلو كې هيڅوك هم د بدلون حق نه لري- ولسي جرگه
ولسي جرگې د يوې مصوبې په خپرولو ويلي، چې:
د ټاكنو د خپلواك كميسيون په گډون يو بنسټ هم نه شي كولى، چې د ولسي جرگې د ټاكنو په ورستيو پايلو كې بدلون راولي.
په دغه مصوبه كې راغلي، چې:
ولسي جرگه به اجازه ورنكړي، چې د مصلحتونو او يا سياسي معاملوله مخې د خلكو په رايو كې لاسوهنه وشي.
په همدې حال كې د افغانستان د ازادو او عادلانه ټاكنو بنسټ يا فيفا د ولسمشر د ورستي فرمان ملاتړ كړې، چې ټاكنو خپلواك كميسيون ته د ټاكنو له لامله د را ولاړ شوي بحران د له منځه وړلو صلاحيت وركړشوى دى .
له بلې خوا د ياد فرمان له لامله له قانون څخه د ملاتړ ائتلاف تراوسه خپل احتجاج ته دوام وركړي دى.
د آريانا راډيو– ټلويزيون خبريال احمد ارشاد خطيبي په ډاگه كوي، چې دا مصوبه د ولسمشر حامد كرزي د ورستي فرمان په غبرگون كې تصويب شوې ده.
افغان ولسمشر تېره چارشنبه د ټاكنو خپلواك كميسيون ته د يو فرمان په وركولو ويلي، چې ټولې ټاكنيزې ستونزې حل كړي، خو ولسي جرگې د خپلې شنبې ورځې په مصوبه كې ټينگاركوي، چې:
هيڅ يو بنسټ د دې حق نه لري، چې د ولسې جرگې د ټاكنو ورستيو پايلو ته بدلون وركړي.
په دې مصوبه كې ولسي جرگې د ټاكنو بهير پاى ته رسيدلى بلل شوى.
د ولسي جرگې د دوهم مرستيال احمد بهزاد په باورد ولسي جرگې غړيو ته د تصديق پاڼو له وركولو وروسته هيڅ يو بنسټ صلاحيت نه لري، چې د ټاكنو په پايلو كې بدلون راولي.
له بلې خوا د ولسمشر د فرمان په غبرگون كې له قانون څخه د ملاتړ د ائتلاف احتجاج د تېرو درې ورځ په څېرروان دى.
د دغه ائتلاف د احتجاج په څلورمه ورځ په احتجاج كې د گډوانوالو وكيلانو لسگونه وكيلان د هېواد له بېلابېلو برخو څخه راغلي او په دې احتجاجي ناسته كې يې گډون كړى او د ائتلاف له احتجاج څخه يې ملاتړ وكړ.
فيفام ټينگاركړى، چې:
افغان ولسمشر د دغه فرمان په صادرولو د افغانستان د اساسي قانون او ډيموكراسۍ د ساتنې په برخه كې مهم گام پورته كړى دى .
دغه بنست د ټاكنو له خپلواك كميسيون څخه غوښتي، چې:
خپل بې پرې والى په پام كې ونيسي او د ټاكنيزو ستونزو له لامله راولاړ شوي بحران ته د پاى ټكى كيږدي.
سیمه ییز خبرونه
امریکا دې د بشري حقونو په اړه دوه ګوني سیاست ودروي – ترکیه
د رویټرز خبري آژانس د راپور له مخې؛ ترکیې د چارشنبې پر ورځ امریکا تورنه کړې، چې د بشري حقونو په اړه دوه ګونی سیاست پالي او وایي، چې واشنګټن د بشري حقونو کلنی راپور په غزه کې د اسرائیلو د بریدونو په غندلو کې پاتې راغلی دی.
د ترکیې د بهرنیو چارو وزارت په خبرپاڼه کې راغلي، چې د امریکا دې کلني راپور په غزه کې روان غیر انساني بریدونه په سمه توګه راځلولي ندي. دا راپور پر سیاسي انګیزو له بې طرفۍ او معقولیت څخه لرې چمتو شوی دی.
ترکیې له واشنګټن وغوښتل، چې د بشري حقونو په اړه دوه ګونی سیاست ودروي.
دغه راز په دې راپور کې د سوریې له کردي ملیشې سره د امریکا اړیکو ته هم ګوته نیول شوې، چې انقره یې یوه ترهګر ډله ګڼي.
په غزه کې د روغتیايي چارواکو د څرګندونو له مخې؛ اسرائیلي ځواکونو له ۳۴ زره ډېر فلسطینیان وژلي، چې ډېر یې ملکيان او ماشومان دي. دا سیمه پر کنډواله بدله شوې او د خوراکي توکو سخت کمښت د قحطۍ وېره راپارولې ده.
اسرائیلو د اکټوبر پر اوومه د حماس د وسلهوالې ډلې د هغه برید په ځواب کې خپل هوایي او ځمکني بریدونه پیل کړل، چې د اسرائیلي ځواکونو د څرګندونو له مخې په کې ۱۲۰۰ کسان ووژل شول.
ترکیې په غزه کې د جګړې له کبله اسرائیل غندلی او د اوربند غوښتنه یې کړې ده.
ترکیې پر لویديځو هېوادونو هم نيوکه کړې، چې له اسرائيلو يې بشپړ ملاتړ کړی دی.
سیمه ییز خبرونه
د غزې په شمال کې د قحطۍ خطر ډېر دی
د بشري چارو لپاره د امریکا ځانګړي استازي د سې شنبې پر ورځ ویلي، چې اسرائیلو په وروستیو اوونیو کې غزې ته د مرستو رسولو لپاره د پام وړ ګامونه پورته کړي؛ خو د پام وړ کار پاتې دی، ځکه په دې سیمه کې د قحطۍ خطر ډېر دی.
د بشري چارو لپاره د امریکا ځانګړي استازي ډېوېډ سټېټرفیلډ خبریالانو ته ویلي، اسرائیلو په دې وروستیو دوه نیمو اوونیو کې د پام وړ ګامونه پورته کړي دي.
ډېوېډ سټېټرفیلډ څرګنده کړې: اوس هم د پام وړ کار پاتې دی، چې باید ترسره شي؛ خو پرمختګ شوی دی.
هغه ویلي، چې په ټوله غزه کې په جګړي توګه شمالي سیمې د قحطۍ له ډېر خطر سره مخ دي.
نوموړي ویلي، چې د فلسطین په کوچنۍ ګڼ میشته سیمه کې له اړو خلکو سره مرستې ته اوس ډېره اړتیا ده.
ملګرو ملتونو له اوږده وخت راپدیخوا په غزه کې د مرستې رسولو او د هغې د وېشلو په لار کې له خنډونو څخه اندېښنه ښودلې او څرګنده شوې، چې له تېرو شپږ میاشتو راپدیخوا د اسرائیلو لخوا د غزې د واکمنې اسلامي وسلهوالې ډلې حماس پر ضد هوايي او ځمکني بریدونه ترسره تر سره کیږي.
د اسرائیلو پوځي کمپاین د اکتوبر له میاشتې راپدیخوا، چې حماس د اسرائیلو په سویل کې جګړه پیل کړه، چې له کبله یې د بشري ناورین ترڅنګ د ۲ اعشاریه ۳ میلیون خلکو کورونه له ځمکې سره اوار شوي دي.
د ملګرو ملتونو د فلسطیني کډوالو ادارې (UNRWA) مشر فیلیپ لازاریني د سې شنبې پر ورځ ویلي، چې د اپریل پرپرتله غزې ته د تلونکو لاریو منځنی شمېر د ورځې ۳۱۶ ته لوړ شوی دی.
ویل کیږي، چې اوس کثافاتو راټولولو ته پاملرنه ډېره شوې او هڅه کیږي، چې په سویلي غزه کې د ناروغیو د خپریدو مخه ونیول شي.
سیمه ییز خبرونه
د ایران ولسمشر پر درې ورځني سفر پاکستان ته ولاړ
د ایران ولسمشر ابراهیم رییسي نن سهار ( دوشنبه د غویی درېیمه) د یوه لوړ پوړي سیاسي او اقتصادي پلاوي پر مشرۍ د پاکستان پلازمېنې اسلامآباد ته ورسېد.
د ایران اړوند رسنیو خبر ورکړی، چې دغه درې ورځنی سفر به د پاکستان له لوړ پوړو چارواکو سره د اقتصادي او سوداګریزو اړیکو پر پراختیا او پیاوړتیا، د دوه اړخیزو خبرو اترو او سیمهییزو سلامشورو په پام کې نیولو سره ترسره شي.
ټاکل شوې، چې د ایران ولسمشر به په دې سفر کې د دغه هېواد له ولسمشر اصف علي زرداري سره هم وګوري.
دغه راز د ایراني رسنیو د څرګندونو له مخې؛ پاکستان ته د ایران د ولسمشر د سفر پر مهال د دواړو هېوادونو ترمنځ د دواړو هېوادونو د مشرانو په حضور کې د سوداګرۍ، روغتیا، اقتصاد، امنیت او عدالت په برخو کې د اړدوند وزیرانو لهخوا د همکاریو یو شمېر سندونه لاسلیک شي.
دا سفر د پاکستان په بلوچستان ایالت کې د ایران له برید او د ایران په سیستان او بلوچستان ایالت کې د پاکستان له ځوابي بریدونو یوازې درې میاشتې وروسته رامنځته شوی دی.
-
تازه خبرونه3 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ3 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
نړۍ1 day ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی4 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه3 days ago
راشد خان د افغان بیسیم سوداګریز سفیر شو
-
لوبی1 day ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
لوبی3 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه4 days ago
د ایران ولسمشر پر درې ورځني سفر پاکستان ته ولاړ