عاجل خبرونه

د كويټې شورا د استاد رباني د ترور۴ مياشتنى چمتووالى درلود- محمدي

(Last Updated On: اکتوبر 2, 2011)

د افغانستان د كورنيو چارو وزير وايي، چې:

د وسله والو طالبانو د كويټې شورا له تېرو څلورمياشتو راهيسې د سولې د خبرو په بهانه د سولې عالي شورا مصروفه كړې وه؛ ځكه، چې دوى د استاد رباني د ترور لپاره چمتووالي  ته اړ ول.

نوموړي دا څرگندونې د ولسي جرگې په غونډه كې د تلې په ۹ وكړې .

ولسي جرگې د سولې د عالي شورا د رييس د وژل كيدو د څرگنوالي په اړه د افغانستان ملي دفاع او كورنيو چارو وزيران او د ملي امنيت رييس جرگې ته ورغوښتتي وه.

دغو امنيتې چارواكو وويل، چې د ياد ترور دسيسه د وسله والو طلبانو د كويټې د شورا او د پاكستان د اى اس اى له خوا تنظيم شوه وه.

د افغانستان ملي د فاع ، كورنيو چار وزيرانو او د  ملي امنيت  سر پرست رييس  په افغانستان كې د ورستيو  امنيتي ستونزو او د سولې عالي شورا د ريس برهان الدين رباني د  ترور په اړه  د ولسي جرگې دعمومي غوندې  پوښتنو ته ځوابونه وويل.

ملي دفاع وزيرجنرال عبدالرحيم وردگ وويل، چې:

زما په مشرۍ د استاد برهان الدين رباني د وژلو د پېښې د څېړنې پلاوي كار تريو ځايه بشپړ شوى او له څېړنو داسې ښكاري، چې د نوموړي د وژلو طرحه څلور مياشتې وړاندې له هېواد بهر تنظيم شوې وه.

وردگ وايي، چې:

پربرهان الدين رباني د ځانمرگې بريد ترسره كوونكى بهرنى و او ټول هغه كسان، چې په ياد بريد كې يې مستقيم يا غيرمستقيم لاس درلود؛ پېژندل شوي او په دې اړه له پاكستان د همكارۍ غوښتنه شوې ده.

د كورنيو چار وزيربسم لله محمدي  وويل، چې:

له تېروڅلورمياشتو را هيسي طالبانو د سولې د خبرو اترو لپاره څه نه درلودل او له سولې عالي شورا سره د دوى اړيكه يوازې يوه دسيسه وه، چې له دې سره يې د سولې عالي شورا مصروفه كړې وه او د يادو اړيكو جزيات له افغان امنيتې اورگانونو سره شريك نه ول.

هغه وويل، چې:

د دي پېښي ترشا د وسله والو طالبانو د كويټې شورا او د پاكستان د اى، اس ، اى لاس دي.

محمدي زياته كړه:

د افغانستان ستونزې له افغانستان څخه بهر په هغه ځاى كې دي، چې ترهگر روزل كيږي. تر هغې، چې په پاكستان كې له ترهگرۍ سره مبارزه ونشي؛ په افغانستان كې به ډاډمن امنيت را منځته نه شي.

د ملي امنيت سرپرست رييس رحمت الله نبيل د سولې عالي شورا د رييس په ترور كې څلورلاملونه په گوته كوي:

سولې ته د رسيدو په موخه د يو گټورميكانيزم  نشتون،  د وينو تويولو لپاره د ترهگرو هڅې، د دښمن په وړاندې د افغان حكومت خوشبيني او د امنيتي ارگانو په وړاندې د باورنشتون د سولې عالي شورا د رييس د ترو لاملونه دي.

هغه وويل:

كله، چې د سولې كميسيون جوړه شو؛  ويل شوي وه، چې  له خپلو پخوانيو اړيكو څخه  په گټه اخيستنه به طالبان سولې ته را وبولي،  خو د سولې په  بهير كې د وسله والو طالبانو د يو ځاى كيدو له وخت پرته، بل وخت په نورو وختونو كې امنيتې ځواكونه دخيل نه ول.

نوموړى د هغو كسانو په اړه له دقيقو څېړنو خبرې پيل كړې، چې د سولې خبرو ته چمتو كيدل،  خو د ولسي جرگې د اداري پلاوي لخوا غونده سري شوه او د تړلو دروازو تر شا د دوى نورو بحثونو دوام وكړ.

په پام كې ده، چې  د افغا نستان له لوري يو پلاوى  پاكستان ته لاړ شي، چې د پاكستاني چارواكو په مرسته  د سولي عالي شورا د رييس د وژنې په اړه څېړنه وكړي؛ خو ولسمشر حامد كرزي ويلي كه پاكستاني لورى  په دې اړه مرسته ونكړي؛ نو له نړيوالې ټولنې به مرسته وغواړي

About ATN News

Check Also

په فاریاب ولایت کې ۲۶ طالب جنګیاليو ته مرګ و ژوبله اوښتې

(Last Updated On: فبروري 18, 2019) د فاریاب ولایت په قیصار ولسوالۍ کې له امنیتي …

ځواب دلته پرېږدئ

ستاسو برېښناليک به نه خپريږي.