د انگلستان په روانو ښاري ناآراميو كې د وژنې شمېره پېنځو ته ورسيده

(Last Updated On: اګست 18, 2011)

د انگلستان پوليسو د جمعې په ورځ اعلان وكړ، چې په دغه هېواد كې د ورستيو نا كراريو له لامله يو اته شپتنه كلن، چې وړاندې ټپي شوى و؛ د خپلو ټپونو له لامله يې ژوند له لاسه وركړ.

له دې سره د دغه هېواد په پيښو شويو ناركراريو كې د وژل شويو شمېر پېنځه تنو ته ورسيد .

د نړيوالو څرگندونو له مخې د انگلستان لومړي وزير ډيويډ كامرون وويل، چې:

په دغه هېواد كې د ورستيو ناركراريو له لامله شا وخوا يو زر و دوه سوه كسان په لندن ښار كې نيول شوي دي.

كامرون وايي، چې:

په دغه هېواد كې د ناكراريو د له منځه وړلو په برخه كې پرمختگونه شوي دي.

نوموړي زياته كړه، چې په راتلونكيو ورځو كې به هم زرگونه پوليس د لندن ښار په لارو او كوڅو كې خپلو دندو ته دوام وركړي .

نوموړي وويل، چې د لندن پوليسو د ناركراريو په وړاندې ډېرپڅ ځواب وركړى، خو اوس دغو پوليسو ته پراخ واك وركړشوى، چې د نا كراريو او د هغو د پيلوونكيو په وړاندې جدي چلند وكړي.

په نويو اختياراتو كې پوليس كولى شي په هر ډول حالاتو كې هغه كسان ودروي، چې پرمخ نقاب لري او د هغوى له مخه نقاب ليرې كړي.

دغو پوليسو ته اختيار وركړشوى، چې د ناكراريو  د مخنوي په موخه له پلاستكې مرميو، زغروالو موټرو او د اوبو ويشتونكيو موټرو كار واخلي.

About ATN NEWS

Check Also

روسیه د جمعې پر ورځ د یوې نړیوالې ناستې کوربتوب کوي

(Last Updated On: نوومبر 4, 2018) د روسیې د بهرنیو چارو وزارت څرګنده کړې، چې …

ځواب دلته پرېږدئ

ستاسو برېښناليک به نه خپريږي.