تازه خبرونه
حکومت د سولې عالي مشورتي بورد غړي اعلام کړل
د افغانستان د ملي امنیت شورا په ډاګه کړې، چې ولسمشر په خپل یو فرمان کې د دولت، حکومت، ګوندونو او مدني ټولنو له استازیو څخه د خبرو اترو مشورتي بورد اعلام کړ.
له هغې وروسته، چې ولسمشر غني د ژنیو په ناسته کې له طالبانو سره د مرکچي بورد د ۱۲ کسانو نومونه واخیستل؛ طالبانو اعلام کړه، چې له حکومت سره خبرې نکوي او د افغانستان د سولې په اړه د امریکا له استازي سره خپلې خبرې روانې ساتي.
د ملي وحدت حکومت څرګنده کړې، چې هیڅوک د حکومت پر ځای د سولې د خبرو حق نلري.
د ملي وحدت حکومت اجرائیه ریاست د ویاند مرستیال زیاتوي: هیڅوک د سولې په بهیر کې د افغانستان د حکومت او خلکو په استازیتوب د سصولې په اړه معامله نشي کولی. په دې ټوګه د سولې په بهیر کې هر راز خبرې او پرېکړې یوازې د افغانانو حق دی.
د ملي امنی شورا د ویاند طارق آرین د څرګندونو له مخې؛ د سولې عالی مشورتي بورد د حکومت او دولت غړي دادي: ۱- د افغانستان ولسمشر او مرستیالان یې۲- د حکومت اجرائیه رییس او مرستیالان یې۳- د ولسي جرګې رییس۴- د مشرانو جرګې رییس۵- قاضي القضات۶- د ملي امنیت سلاکار۷- د ولسمشرۍ د مقام د دفتر عمومي رییس۸- لوی څارنوال۹- په پارلماني چارو کې د دولت وزیر۱۰- د ملي امنیت رییس۱۱- د هېواد د عالمانو سراسري شورا رییس۱۲- د سولې عالي شورا د دارالانشاء رییس.
نوموړي دغه راز په ډاګه کړې، چې د هېواد لاندې محترم جهادي، ګوندي او مدني استازي په یاد بورد کې غړي دي:
۱- پخوانی ولسمشر حامد کرزی۲- پخوانی ولسمشر او د افغانستان ژغورنې د ملي جبهې مشر پروفیسور صبغت الله مجددي۳- د اسلامي دعوت تنظیم مشر استاد عبدالرب رسول سیاف ۴- د حزب اسلامي رهبر انجنیر ګلبدین حکمتیار۵- د جمعیت ګوند د رهبرۍ غړی یونس قانوني۶ د افغانستان د اسلامي محاذ ګوند مشر سید حامد ګیلاني۷- د سولې عالي شورا رییس او د اسلامي وحدت ګوند رهبر استاد محمد کریم خلیلي۸- د افغانسنان د اسلامي جمعیت ګوند رهبر صلاح الدین رباني۹- د ملي پیوند ګوند رهبر سید منصور نادري ۱۰- د افغانستان د اسلامي حرکت رهبر شیخ آصف محسني۱۱- د حزب اسلامي رییس عبدالهادي ارغندیوال۱۲- د سولي او پرمخټک ګوند مشر حاجي دین محمد۱۳ د جمعیت ګوند د رهبرۍ غړی استاد عطا محمد نور۱۴ د هېواد سیاسي څېره آمنه افضلي۱۵ د هېواد سیاسي څېره او د مشرانو جرګې غړې صدیقه بلخي۱۶ د افغانستان د اسلامي جمعیت ګوند د رهبرۍ غړی محمد اسماعیل خان۱۷ د زرغون بهیر مشر امرالله صالح.
حکومت له طالبانو هم غواړي، چې مرکچي پلاوی معرفي کړي؛ خو سیاسي ګوندونه اوس هم په دې شک لري، چې په خبره یې حکومت دې د سولې خبرو ته کومه اراده ولري.
د نهضت اسلامي افغانستان ګوند رییس سید اسحاق گیلاني وایي: حکومت د سولې په خبرو کې له واک و ځواکه پاتې کیږي؛ نو، ځکه نه مني ، چې د سولې خبرې تر سره او خلک له قربانیو وژغورل شي.
د افغانستان د سولې لپاره د امریکا ځانګړی استازی هم سیمې ته د خپل درېیم پړاوویز سفر په ترڅ کې اوس تاجکستان ته رسیدلی او غواړي، چې د سیمې هېوادونه د سولې خبرو ته د طالبانو د حاضرولو لپاره قانع کړي.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه3 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ3 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
نړۍ1 day ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی4 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه3 days ago
راشد خان د افغان بیسیم سوداګریز سفیر شو
-
لوبی1 day ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
لوبی3 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه4 days ago
د ایران ولسمشر پر درې ورځني سفر پاکستان ته ولاړ