Connect with us

تازه خبرونه

اوباما اشرف غني او عبدالله ته د ملي وحدت حکومت د دوام ډاډ څرګند کړی

خپور شوی

د

(Last Updated On: لړم ۲, ۱۴۰۱)

vlcsnap-2017-01-19-12h24m58s206

د امریکا ولسمشر باراک اوباما، چې د مرغومي دېرشمه یا د جنورۍ ۱۹ یې د ولسمشرۍ وروستۍ ورځ ده؛ تېره شپه یې د افغانستان له ولسمشر اشرف غني او اجرائیه رییس داکتر عبدالله عبداللهسره تیلیفوني خبري کړې او د دوی له دوامداره همکاریو یې مننه کړې ده.

د سلواغې پر لومړۍ، چې د جنورۍله شلمې سره برابره ده په امریکا کې باراک اوباما د وروستیو انتخاباتو ګټونکي دونلدترمپ ته په رسمي بڼهد ولسمشرۍ واک و ځواک سپاري.

سپيني ماڼۍ په یوهخبرپاڼه کې په ډاګه کړې؛اوباما له دواړو مشرانو غوښتي، چې په خپلو کې اختلافات پای ته ورسوي او د جان کري له لوري د رامنځته شويملي وحدت حکومت درناوی په کار دی او دې حکومت ته دې په ډاډمنه توګه ادامه ورکړي.

له سپينې ماڼۍ څخه په خپره شوې خبرپاڼه دا هم راغلي، چې دواړه مشران باید ګډې هڅې وکړي، چې د روان حکومت تر چتر لاندې ملي وحدتپراخه او خلک له سوکاله ژوندانه برخمن شي.

نوموړي د دواړو مشرانو ته د تېرې سېشنې د ترورستي پېښې د خواخوږۍ مراتب څرګند کړي  او له هېوادوالو سره یې د ژمنو پر بشپړولو هم ورته  ټینګار کړی او ویلي یې دي، چې د فساد شتون او په ځینو مواردو کې د قانون نه پلي کول اوس هم ملي وحدت حکومت له بېلابېلو ګواښونو سره مخ کړی دی.

باید وویل شي، چې ولسمشرۍ او اجرائیه ریاست  له اوباما سره د  تېر ماښام  د تیلیفوني اړیکو پخلی کړی او دواړو مشرانو هم له  اوباما مننه کړې ، چې په تېرو اته کلونو کې یې افغان حکومت او خلک له خپلو مرستو بې برخې کړي نه دي.

دا په داسې حال کې ده، د امریکا ولسمشر بارک اوباما د ولسمشرۍ د ټاکنو ګټونکي دونلد ترمپ ته هم سپارښتنه کړې، چې د افغانستان او سیمې روان حالت ته دې بشپړه پاملرنه راوګرزوي.

 

Advertisement

تازه خبرونه

افغانستان د پاکستان سفارت چارسمبالی احضار کړ

Published

on

(Last Updated On: کب ۲۸, ۱۴۰۲)

د افغانستان اسلامي امارت بهرنیو چارو وزارت د پاکستانيو پوځیانو له‌خوا د افغانستان له حریمه د سرغړونې په غبرګون کې د پاکستان سفارت چارسمبالی احضار او احتجاج‌لیک یې ورته وسپاره.

د افغانستان اسلامي امارت د بهرنیو چارو وزارت د څرګندونو له مخې؛ افغانستان د نړۍ د زبرځواکونو پرخلاف د ازادۍ د اوږدې مبارزې تجربه لري،  پخپله خاوره تېری نشي زغملی.

پاکستانی ولس او نوی ملکي حکومت باید پرېنږدي، چې ځینې کړۍ پر غیر مسوولانه کړنو خپل غلط سیاستونه روان وساتي او د “دوه مسلمانو ګاونډ هيوادونو” اړیکې خرابه کړي.

Continue Reading

تازه خبرونه

افغان سرحدي ځواکونو فرضي کرښې ته نږدې د پاکستان پوځي مرکزونه وویشتل

Published

on

(Last Updated On: کب ۲۸, ۱۴۰۲)

د افغانستان ملي دفاع وزارت نن (دوشنبه د کب اته‌ویشتمه) څرګنده کړې، چې د پاکستان جنګي او جاسوسي جیټ الوتکې یو ځل بیا د افغانستان خاورې ته ننوتلي او د پکتیکا په سپیرې او د خوست برمل ولسوالیو کې یې د ملکي خلکو پر کورونو بمبارډ کړی دی.

د دغه وزارت ویاند عنایت الله خوارزمي په ایکس پاڼه کې لیکلي، چې: د پاکستان د هوایي یرخل او تېري په ځواب کې افغان سرحدي ځواکونو د فرضي کرښې په اوږدو کې د پاکستان پوځي مرکزونه پر درندو وسلو ویشتي دي.

خوارزمي زیاته کړې، د هېواد دفاعي او امنیتي ځواکونه د هر ډول تېري ځواب ورکولو ته چمتو دي او په هر حالت کې به له خپلې ځمکنۍ بشپړتیا څخه دفاع کوي.

د پاکستان پر پوځي مرکز له خونړي برید وروسته د دغه هېواد لوړپوړو چارواکو د غچ اخیستو شعارونه ورکړل.

د پاکستان ولسمشر اصف علي زرداري ویلي: پاکستان پرېکړه کړې هر څوک، چې زمونږ پر پولو، زمونږ پر کور او یا زمونږ پر مالونو برید وکړي؛ مونږ به ورته سخت ځواب ورکړو، هغه که هر څوک وي او د هر هېواد وي.

د پاکستان د ولسمشر له دغو څرګندونو یوه ورځ وروسته تېره شپه د دغه هېواد کشفي او جنګي الوتکو د پکتیکا پر برمل او د خوست په سپېره ولسوالیو بریدونه وکړل.

د پاکستان له خوا ادعا شوې چې په دغو بريدونو کې د ټي ټي پي يو قوماندان پر نښه شوى دى.

له دغه برید څو ساعته وروسته د پاکستان د وزیرستان له سیمې د ټي ټي پي د یاد قوماندان عبدالله شاه ویډیو کلیپ خپور شو.

دغه هوايي بریدونه د اسلامي امارت له سخت غبرګون سره مخ شوي دي.

ذبيح الله مجاهد دغه بریدونه غندلي او وايي، چې دا ډول پېښې به ډېرې بدې پايلې ولري، چې د پاکستان له کنټروله به بهر وي.

اسلامي امارت وایي، چې پاکستان باید د خپلې بې کفایتۍ او ناکامۍ پړه پر افغانستان وانه‌چوي.

دا په داسې حال کې ده، چې د پاکستان په هوايي بريدونو کې د پکتيکا درې ښځې او درې ماشومان وژل شوي او دوه نورو میرمنو د خوست په سپیره ولسوالۍ کې خپل ژوند له لاسه ورکړیدی.

Continue Reading

تازه خبرونه

په پکتیکا او خوست کې د پاکستان هوایي بریدونه پر افغان خاورې ښکاره تېری دی – مجاهد

Published

on

(Last Updated On: کب ۲۸, ۱۴۰۲)

د اسلامي امارت ویاند څرګنده کړې، چې تېره شپه شاوخوا ۳ بجې پاکستانیو الوتکو د پکتیکا ولایت د برمل لمنه او د خوست سپیرې ولسوالۍ د افغان دوبۍ په اړوند سیمو کې د عامو وګړو پر کورونو بمبارد کړی دی.

ذبیح الله مجاهد د دوشنبې پر ورځ ( د کب پر اته‌ویشتمه ) په ایکس پاڼه کې یاد بريدونه پر کلکو ټکو غندي او دغه غيرسنجيده اقدام د افغانستان پر حریم تجاوز او تېری بولي.

ذبیح الله مجاهد وایي؛ د دې هوایي تېري په پایله کې د پکتیکا ۶ کسان ۳ ښځینه او ۳ ماشومان وژل شوي او یو کور نړیدلی. دغه راز په خوست ولایت کې یو کور نړیدلی ۲ ښځې وژل شوي دي.

ذبیح الله مجاهد د دغو بریدونو په غبرګون کې څرګنده کړې؛ د افغانستان اسلامي امارت، چې د نړۍ د زبرځواکونو پرخلاف د ازادۍ د اوږدې مبارزې تجربه لري، هیچاته پخپله خاوره د تېري اجازه نه‌ورکوي.

هغه ویلي: د عبدالله شاه په نامه کس، چې پاکستاني اړخ یې په پېښه کې د پر نښه کېدو ادعا لري؛ هغه په پاکستان کې دی. بله دا، چې د یادو سیمو په دواړو غاړو کې یو قوم اوسیږي، چې ورځنی تګ راتګ او ګنې خپلویانې لري.

د نوموړي په خبرپاڼه کې راغلي: پاکستانی ولس او نوی ملکي حکومت باید پرېنږدي، چې د پوځ څو جنرالان په دغه ډول بې باکه کړنو سره تېرو شل کلونو ته ورته د نورو جهتونو د ګټو لپاره خپل غلط سیاستونه روان وساتي او د “دوه مسلمانو ګاونډ هيوادونو” اړیکې خرابه کړي.

مجاهد زیاته کړې: پاکستان باید پخپله خاوره کې د پېښو د نه کنترول، ناتواني او ستونزو پړه پر افغانستان وانچوي؛ ځکه داسې پېښې خورا بدې پایلې درلودلی شي، چې بیا به یې کابو کول د پاکستان په اختیار کې نه وي.

د افغانستان اسلامي امارت هیچاته اجازه نه‌ورکوي، چې د افغانستان له خاورې څخه د چا امنیت خراب کړي.

دا په داسې حال کې ده، چې د شنبې پر ورځ وسله‌والو د پاکستان په میرعلي سیمه کې د امنیتي ځواکونو پر پوسته له چاودیدونکیو توکو ډکې لارۍ ته چاودنه ورکړ شوه او د پاکستان د پوځ اووه سرتېري او دوه افسران یې ووژل.

Continue Reading

Trending

Copyright © 2022 Ariana News. All rights reserved!