تازه خبرونه
ډنفورډ: وسله وال طالبان د نورو هېوادونو په لمسون جګړه کوي
د امریکا د پوځ لوی درستیز د څرګندونو له مخې افغان امنیتي ځواکونه او طالبان دا مهال په ټپه له ولاړ حالت سره مخامخ دي. د امریکا د سنا د وسله والو خدمتونو د کمېټې رییس وایي، طالبان د افغانستان د ګاونډیو هېوادونو د ملاتړ له لارې د بې ثباتۍ د دوام او وېرې د خورولو په هڅه کې دي.
له بلې خوا د امریکا دفاع وزیر وایي، د امریکا او متحدینو څو کلنې هڅې یې په دې را ټولې وې چې افغان ځواکونه وتوانېږي د خپل هېواد امنیت تامین کړي او افغانستان بیا د ترهګرو پر خوندي پناه ځای وانه وړي.
د امریکا د سنا د وسله والو خدمتونو کمېټې د هغه هېواد دفاع وزیر او لوی درستیز د امنیتي ننګونو او د ترهګرو خلاف د پوځي عملیاتو په تړاو د معلوماتو له پاره ور غوښتي وو. غونډه کې لومړی پر افغانستان خبرې وشوې. د امریکا د سنا د وسله والو خدمتونو د کمېټې رییس وایي، طالبان چې په افغانستان کې بې ثباتي جوړوي او وېره خوروي، د افغانستان د ګاونډیو له ملاتړ څخه برخمن دي.
د امریکا د سنا د وسله والو خدمتونو کمېټې د هغه هېواد دفاع وزیر او لوی درستیز ډنفورډ وايي: “مونږ دغه راز په افغانستان کې د داعش ځپلو چارې پیل کړې، خو طالبانو د بې ثباتي د دوام او وېرې خورولو له پاره د ګاونډیو هېوادونو ملاتړ تر لاسه کړی دی. د افغان ځواکونو تلفات هم ډېر لوړ پاتې دي، خو بیا هم د امریکا ولسمشر د یو زر او څلور سوه سرتېرو د ویستلو پرېکړه وکړه.”
له بلې خوا د دغې کمېټې یو جګپوړی غړی په اداري فساد او د سمونونو پر پڅې پروسې اندېښنه ښیي.
د امریکا د سنا د وسله والو خدمتونو د کمېټې جګپوړی غړی جکریډ وايي: “زه د فساد په هکله راپورونو او د اصلاحاتو په پروسه کې په وړو سیاسي ناندريو اندېښمن یم. دا دواړه هغه څه دي چې له افغانستان څخه د نړیوال ملاتړ د دوام په وړاندې ستراتیژیک ګواښ جوړوي. په افغانستان کې د اته زره څلور سوو سرتېرو ساتنه هغه هېواد، متحدانو، طالبانو او نورو ته په سیمه کې یو مهم پیغام لېږي او امریکا یوه باثبات افغانستان ته ژمن پاتې کېږي.”
په همدې حال کې د امریکا د پوځ لوی درستیز وایي چې افغان ځواکونه او طالبان جګړه کې په ټپه له ولاړ حالت سره مخامخ شوي دي. خو نوموړی له افغان ځواکونو څخه د ملاتړ پر دوام ټینګار کوي.
جنرال جوزف ډنفورد زیاتوي: “هغه څه چې د افغان امنیتي ځواکونو او طالبانو تر منځ دا مهال روان دي، یو ټکنی حالت دی، خو طالبان نه دي توانېدلي چې خپلې موخې تر لاسه کړي څه یې چې د جګړې د فصل په لومړیو کې اعلان کړي وو. که مونږ له افغان ځواکونو څخه د ملاتړ دوام ته ژمن و اوسو او د هغوی وړتیاوو ته انکشاف ورکړو هغوی به وتوانېږي چې د خپل هېواد امنیت تامین کړي. دا مهمه ده چې مونږ له افغان ځواکونو سره په همکارۍ کې د ترهګرو خلاف مبارزې ته یو چوکاټ ولرو.”
له بلې خوا د امریکا دفاع وزیر د داعش خلاف د عملیاتو د دوام او د افغان ځواکونو د خودکفایئ له پاره د هڅو خبره کوي.
د امریکا دفاع وزیر اشټون کارټر وايي: “مونږ دا مهال افغانستان کې عملیات لرو، مونږ د ظرفیت جوړونې په یوې پراخې رشتې، تمریناتو او پروګرامونو کې بوخت یو. کوم بهیر چې د څو کلونو له پاره یې دوام درلود څو افغان ځواکونه هغه ځای ته ورسېږي چې د خپل هېواد امنیت تامین کړای شي.”
د امریکا دفاع وزیر وایي، د داعش خلاف د افغان او امریکایي ځواکونو وروستیو عملیاتو کې داعش ته درانه ګوزارونه ورکړل شوي او د دغې ډلې مشران، زېربناوې او لوجستیک له منځه تللي. نوموړی د داعش خلاف د نورو عملیاتو د ترسره کېدو خبرداری هم ورکوي.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه4 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ1 day ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ3 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی4 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه3 days ago
راشد خان د افغان بیسیم سوداګریز سفیر شو
-
لوبی3 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
لوبی1 day ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه4 days ago
د ایران ولسمشر پر درې ورځني سفر پاکستان ته ولاړ