تازه خبرونه
ولسي جرګې د پوځي لوړو زده کړو قانون تصویب کړ
ولسي جرګې نن د پوځي لوړو زده کړو قانون تصويب کړ او ژمنه يې وکړه چې راتلونکې یکشنبې به د ټاکنو د خپلواکو کمیسیونو د دندو، واکونو او تشکیل قانون په هکله د ولسمشر تقنیني فرمان وروستی کړي.
د جرګې د ريیس په وینا په قانون کې، ځانګړي کمیسیون تعدیلات راوستي او راتلونکې اوونۍ کې به یې کار وروستی شي. په همدې حال کېد پوځي لوړو زده کړو قانون چې ځينېاختلافي مواد یې هم درلودل د ولسي جرګې د غړو له خوا تصویب شو.
دا قانون په شپږو فصلونو او۵۵مادو کې تصویب شو. په دغه قانون کې دپوهنتون او پوهنځي نومونو په سر د غړو تر منځ اختلاف وو چې له تصویب یې داسې ښکاري چې دغه اختلافات حل شویدی.
په همدې حال کې د ټاکنو د خپلواکو کمیسیونونو د دندو واکونو او تشکیلاتو قانون چې د ولسمشر د فرمان په بنسټ ولسي جرګې ته استول شوی، لاهم ولسي جرګې په عمومي غونډه کې پرې خبرې نه دي شوي.
د ولسي جرګې ريیس وايي چې د دغه قانون اهمیت ته په کتو لومړی په جرګه ګیو کې پرې خبرې وشوې او ټاکل شوې چې راتلونکې اونۍ کې به په عمومي غونډه کې پرې تصمیم ونیول شي.
د ولسي جرګې رييس عبدالرووف ابراهیمي وايي: “د ټاکنو په اړه د ولسمشر تقنيني فرمان موږ ته رسېدلی چې پنځه لس ګونو کميسيونونو يې خپل کارونه بشپړ کړي دي او د يکشنبې په ورځ به د دې قانون په اړه ګډه جلسه کېږي او له هغې وروسته به يې برخليک په عمومي غونډه کې څرګند شي.”
د ولسي جرګې غړي هم ټينګار کوي چې ولسي جرګه باید د دغه قانون برخلیک ژر تر ژره معلوم کړي.
د ولسي جرګې غړی عبدالقادر قلاتوال وايي: “د سه شنبې په ورځو کې د قوانينو له پاره جلسه نيول کېږي؛ نو زموږ غوښتنه دا ده چې ولسشمر د ټاکنيزو د اصلاحاتو د قانون په اړه خپل فرمان ژر تر ژره وروستی کړي.”
د ولسي جرګې غړی ذکریا سودا وايي:” د ټاکنيزو د قانون په اړه په کميسيونونو کې هر اړخيزه خبرې اترې شوې دي او تعديلات هم په کې راوستل شوي دي، هيله شته چې د دې قانون چارې ډېر ژر بشپړې شي.”
د ولسي جرګې غړي په حکومت هم نیوکه کوي چې د دغه قانون په هکله يې فرمان له ډېر ځنډ وروسته ولسي جرګې ته ولېږه؛نو ځکه یې د چارو بشپړېدو ډېر وخت ونيوه.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه3 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ5 days ago
د جاپان دوه پوځي چورلکې بحر ته وغورځېدې
-
تازه خبرونه5 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
نړۍ3 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی4 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه3 days ago
راشد خان د افغان بیسیم سوداګریز سفیر شو
-
نړۍ21 hours ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی3 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ