1393ټاكنې
د ملي یووالي حکومت جوړولو هوکړه لیک لاسلیک شو
اشرف غني احمدزي او عبدالله عبدالله د ولسمشر کرزي؛ لوړپوړو دولتي چارواکو او جهادي شخصیتونو پر وړاندې د ملي یووالي حکومت جوړولو هوکړه لیک لاسلیک کړ.
د سیاسي خبرو په پاېله کې د کاندیدانو تر منځ لاسلیک شوي هوکړه لیک د ټاکنو په سور تنور اوبه توی کړې.
د یکشنبې په ورځ (د وږي ۳۰) دواړو کاندیدانو د هوکړه لیک پر داسې متن لاسلیک وکړ، چې له مخې به یې د ملي وحدت حکومت جوړېږی.
ولسمشر حامد کرزی که څه هم د کاندیدانو تر منځ په وروستي هوکړه لیک کې ځان ښکېل نه بولي خو زیاتوي چې د ملي وحدت له حکومت سره به همکار پاتې شي.
وېل کېږي په دې هوکړه لیک کې اووه برخې دي، چې لومړنۍ برخه يې د اساسي قانون د تعدیل لپاره د لویې جرګې رابلل او د اجرايوي پوست رامنځته کولو ته ځانګړې شوې ده.
دغه برخه شپږ مادې لري، چې له مخې یې ولسمشر مکلف دی، په دوو کلونو کې د اجرایوي پوست د جوړولو لپاره را وغواړي.
په دې هوکړه لیک کې ولسمشر ژمن بلل شوی، چې د اساسي قانون د تعدیل د مسودې لپاره به کمیسیون جوړوي، د ولسوالیو شوراګانو ټاکنې به کېږي، برېښنايي تذکرې به وېشل کېږي او د حکومت د تشکیلاتو قانون به عملی کېږي.
د هوکړه لیک په دویمه برخه کې د اجرايوی ریاست پوست واکونو ته اشاره شوې ده.
د دویم کاندید په وړاندیز او د ولسمشر په فرمان به اجرایوي پوست د اجرايو لومړي وزیر له واکونو سره را منځته کېږی او اجرایوي رئیس به ولسمشر ته ځواب ویونکی وي.
اجرایوي رئیس به په دوه اړخیزو پرېکړو کې له ولسمشر سره په غونډو کې ګډون کوي.
اجرایوي رئیس به د هغو پالیسیو د تطبیق دنده لري، چې په کابینه کې یې په باب پرېکړه کېږي.
د وزیرانو شورا اوونیزه غونډه او د فرعي کمېټي غونډه هم د اجرایوي رئيس تر ریاست لاندې، کېږي.
اجرایوي رئيس به دوه مرستیالان لري او په ورته وخت کې به د ملی امنیت شورا غړی هم وي.
د دغه هوکړه لیک دریمه برخه په لوړو پوستونو ګومارنې ته ځانګړې شوېده. ولسمشر او اجرایوي رېيس د کلیدي امنیتی پوستونو لپاره د کدرونو د انتخاب لپاره مساوي صلاحیت لري.
1393ټاكنې
ازبکستان او افغانستان له نشهیي توکو سره د مبارزې پر همکارۍ ټینګار څرګند کړ
د کورنیو چارو وزارت له نشه یي توکو سره د مبارزې معینیت ملکي مرستیال عبدالرحمن قاسمي نن ( سې شنبه د وږي ۲۱) د ازبکستان له سفیر سره په کابل کې وکتل.
د کورنیو چارو وزارت د څرګندونو له مخې؛ په دې کتنه کې نوموړي په افغانستان کې د ازبکستان سفیر ته له نشهیي توکو سره د مبارزې پر څرنګوالي معلومات وړاندې کړل.
د کورنیو چارو وزارت اړوند چارواکو د ازبکستان له سفیره وغوښتل، چې د نشهیي توکو د لهمنځه وړلو په برخه کې له یاد معینیت سره همکاري وکړي.
د نشه یي توکو سره د مبارزې معینیت مسوولینو دغه راز، د ازبکستان له سفیر یادګار خواجه شادمانوف څخه وغوښتل، چې له نشهیي توکو سره د مبارزې منسوبینو د ظرفیت لوړونې په برخه کې دې هم همکاري وکړي.
دغه راز دواړو لوریو د نورو مسایلو تر څنګ د نشهیي توکو په پروندو کې د بندیانو پر تبادلې هم هر اړخیزه خبرې کړې دي.
ویل کیږي، چې د ازبکستان سفیر یادګار خواجه شادمانوف د نظریاتو او وړاندیزونو له اوریدو وروسته په افغانستان کې د اسلامي امارت له هوډ او نشهیي توکو سره د مبارزې په برخه کې خوښي وښودله او مسوولینو ته یې د هر راز همکارۍ ډاډ څرګند کړ.
د ۹۷ ټاکنې
انتخابات ۹۷: چالشهای انتخاباتی ریاست جمهوری
1393ټاكنې
یو امریکایي څېړنیز مرکز د ۲۰۱۴ کال له ټاکنیزو درغلیو پرده پورته کړه
د افغانستان د ستراتیژیکو مطالعاتو د مرکز تازه څېړنه وایي، چې د ۲۰۱۴ کال د ولسمشریزو ټاکنو په دوه یم پړاو کې د محمد اشرف غني بریالیتوب په روڼ ډول تر سره شوې نوی او د افغانستان پر ټاکنیز نظام د بیا کتنې او سمونونو غوښتنه کوي.
د ولسمشریزو ټاکنو په درشل کې د افغانستان د ستراتیژیکو مطالعاتو په تازه څېړنه کې د ۲۰۱۴ کال د ولسمشریزو ټاکنو په تړاو خبرې شوې دي.
امریکایي څېړونکی توماس جانسون د پېنځه کاله مخکې ټاکنو په تړاو مهم معلومات تر لاسه کړي؛ که څه هم د ۲۰۱۴ کال د ولسمشریزو ټاکنو په لومړي پړاو کې هیڅ نوماند لازمې رایې تر لاسه نکړې، خو د ټاکنو په دوه یم پړاو کې د محمداشرف غني بریا قانوني نوه.
د دې څېړنې په یوه برخه کې ویل شوي؛ محمد اشرف غني د ټاکنو په دوه یم پړاو کې له هغو ساحو ډېرې رایې تر لاسه کړې، چې په لومړي پړاو کې یې کمې ګټلې وې. کابل یوه بېلګه ده، چې غني د ټاکنو په لومړي پړاو کې یودېرش سلنه رایې ګټلې وې؛ خو په دوه یم پړاو کې یې دوه پنځوس سلنه رایې
څېړونکي توماس جانسون دا هم څرګنده کړې، چې عبدالله عبدالله په لومړي پړاو ټاکنو کې بریالی و؛ خو په دوه یم پړاو کې یې د درې اعشاریه اووه سلنه رایو له توپیر سره د کابل اووه سلنه رایې له لاسه ورکړې، په یوه ولایت کې، چې وګړي یې د هر قوم دي او ګډ ژوند کوي، دا د نه باور وړ بدلون و. دې ته ورته مونږ نور شواهد هم لرو، چې ټاکنې له درغلیو سره مل وې.
په دې څېړنه کې ټینګار شوی، چې ټاکنیزو کمیسیونونو او د ټاکنو ناورین جوړونکیو پروګرامونو د دوه زره څوارلسم کال د ولسمشریزو ټاکنو په دوه یم پړاو کې پراخو درغلیو ته زمینه برابره کړه.
د ټاکنو خپلواک کمیسیون پخواني چارواکي د ملامتیا پیټی پر نړیواله ټولنه وراچوي.
د ټاکنو خپلواک کمیسیون د دارالانشا پخوانی رییس داوود علي نجفي زیاتوي؛ یوازني کس، چې مخالفت وکړ د امریکا سفیر و او دې کار ته یې د وخت پر نلرلو ټینګار وکړ.
د دوه زره نولسم کال ولسمشریزو ټاکنو ته هم ځینې سپارښتنې کیږي، چې د درغلیو مخه باید ونیول شي.
د افغانستان د رڼو ټاکنو د څار بنسټ رییس نعیم ایوب زاده وایي: له ۲۰۱۴ څخه تر ۲۰۱۸ پورې درغلۍ، سرغړونې او تېروتنې ډېرې شوې دي.
اوس سیاسي ګوندونه او ځینې څاروونکي بنسټونه ټینګار کوي، چې د ټاکنو خپلواک کمیسیون کمیشنران باید بدل شي.
ټاکنیزو بنسټونو کې سمونونه د ملي یووالي حکومت د جوړېدو د هوکړه لیک مهمه برخه وه، خو څاروونکي وایي، چې حکومتي مشرانو دې برخې ته پاملرنه نده کړې.
-
تازه خبرونه4 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ2 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ4 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی5 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه4 days ago
راشد خان د افغان بیسیم سوداګریز سفیر شو
-
لوبی2 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
لوبی4 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه4 days ago
د ایران ولسمشر پر درې ورځني سفر پاکستان ته ولاړ