تازه خبرونه
د طبيعی سرچينو ملي ستراتيژي جوړه شوه
د کرنې اومالدارۍ وزارت له طبیعي سرچینو څخه د سالم مدیریت او استفادې ملي ستراتیژي جوړه کړې.
دوی وايي د ستراتیژي د پلي کولو له پاره درې سوه څلورویشت میلیون امریکايي ډالرو ته اړ تیا ده چې دغه وزارت يي په یواځې سر د پلي کولو توان نه لري. د کرنې او مالدارۍ وزارت وايي که د هېواد له طبيعي سرچینو څخه سمه استفاده وشي، اتیا په سلو کې هېوادوال به له اقتصادي کړکېچ ووزي.
د کرنې او مالدرۍ وزارت د هیواد له ټولو ولایتونو د اړوندو ادارو مسولین راغوښتي ترڅو ورته له طبیعي سرچینو څخه د ساتنې او څارنې نوې ستراتیژۍ معرفي او د تطبیق پر څرنګوالي یې بحث وکړي. دغه وزارت وايي افغانستان سرشاره طبیعي سرچینې لري خو تر اوسه ترې استفاده نه ده شوې خو وايي چې د تطبیق له پاره يي مرستو ته اړتیا ده.
د کرنې او مالدارۍ وزارت مرستیال میرامان الدین حیدري وايي: “مونږ د هېواد طبیعي سرچینو د مدیریت له پاره لکه ځنګلونه، څړځایونه، اوبه او د ظرفیتونو لوړول دي خو د نړیوالو مرستو ته اړتیا ده.”
د کرنې او مالدارۍ وزارت مسولین وايي چې د دغې پروژې د پلي کولو له پاره څلورو کلونو ته اړتیا ده او تر څنګ يې باید نړیوال ۳۲۴میلیون ډالر مرسته وکړي ځکه حکومت په یواځې سر نه شي کولی دغه ستراتیژي تطبیق کړي.
کلیپ: محمد رفیع قاضی زاده د کرنې او مالدارۍ وزارت د طبیعي سرچینو رییس وايي: “په سترا تیژي کې مو له طبیعي منابعو څخه د استفادې او ودې له پاره ټول پروګرامونه تر لاس لاندې دي خود پلي کولو له پاره یې ۳۲۴ میلو ن ډالرو ته اړتیاده”
دغه وزارت وايي په تېرو دوو کلونو کې د طبیعي سرچینو اوځنګلونو په برخه کي کار شوی. په ټول هیواد کې يو اعشاريه ۷میلیون خالص اقتصاد صفر اعشاریه دري شپیته سلنه برخه جوړوي، اووه نوي سلنه کلیوالي خلک له ځنګلونو او طبیعي سرچینو ګټه اخلي.
خبريال:اسلم حجاب
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه3 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ1 day ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ3 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی4 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه3 days ago
راشد خان د افغان بیسیم سوداګریز سفیر شو
-
لوبی3 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
لوبی1 day ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه4 days ago
د ایران ولسمشر پر درې ورځني سفر پاکستان ته ولاړ