تازه خبرونه
د بهرنيو چارو وزارت: د کوچي خبرې بې بنسټه دي
د بهرنیو چارو وزارت وايي چې په مسکو کې د افغانستان د سفیر او د ولسمشر د کاکا وروستۍ څرګندونې له واقعیت څخه لرې او د هغه شخصي نظر ګڼي. د بهرنیو چارو وزارت وايي چې د قیوم کوچي وروستۍ څرګندونې د افغانستان د بهرني سیاست ښکارندويي نه کوي.
قیوم کوچي ویلي چې د افغانستان زیاتره نشه يي توکي د تاجکي مافیا لخوا قاچاق کېږي. دا په داسې حال کې ده چې د ولسي جرګې د نړیوالو اړیکو د کمیسیون مسولین وايي چې اتیا په سلو کې سفیران د روابطو له مخې ټاکل شوې او له عیاشیو پرته نور په دیپلوماسۍ نه پوهېږي.
د نشه يي توکو د قاچاق په هکله په مسکو کې د افغانستان د سفیر قیوم کوچې څرګندونو د کابل او تاجکستان اړیکو ته ټکان ورکړی دی. قیوم کوچي ویلي چې د افغانستان زیاتره نشه يي توکو د تاجکستاني مافیا او قاچاق وړونکو له خوا روسیې ته لېږدول کېږي.
په مسکو کې د افغانستان سفیر قیوم کوچی وايي: “نشه يي توکي په افغانستان کې کرل کېږي، خو تر شا يې د تاجکستان مافيآ لاس لري، له بېلابېلو سرچينو خبر يم، تاجکستان يو وړوکی هېواد دی، پنځه ميليونه نفوس لري، په دې ۵ميليونه نفوس کې يې هم يو ميليون روسان دي چې فرهنګ يې هم روسي فرهنګ دی او رسمي ژبه يې هم روسي ده، دوی حق نه لري چې په خپله ژبه ليکل وکړي. ان د دري او عربي الفبا نه لري او بله دا چې هلته مافيا هم ډېره فعال ده.”
د بهرنیو چارو وزارت بیا وايي چې قیوم کوچي له واقعیت څخه لرې خبرې کړې دي. د بهرنیو چارو وزارت وايي چې دا د قیوم کوچي شخصي نظر دی.
د بهرنيو چارو وزارت وياند خیرالله آزاد وايي: “د کوچي ليدلوری د هغه خپل شخصي نظر دی او د افغانستان د بهرنيو اړيکو بيانوونکی نه دی.”
ویل کېږي چې د ملي یووالي د حکومت په ترکیب کې یوویشت سفیران د ولسمشر له خوا مقرر شوي او پاتې نور د ملي یووالي د حکومت د نورو لوړ پوړو چارواکو له خوا مقرر شوي دي.
د ولسي جرګې د نړیوالو اړیکو د کمیسیون غړی عبدالقادر ځاځی وطندوست وايي:”زموږ اتیا په سلو کې سفيران د اړيکو له مخې ټاکل شوي دي چې هېڅ په ديپلوماتيکو اړيکو نه پوهېږي او هغوی له ميلو چړچو او د تورو هندارو لرونکو موټرو پرته بل کار نه لري.”
د نړیوالو اړیکو کارپوه احمد شکېب منتظري وايي: “ډېری ستونزې چې موږ ورسره لاس او ګرېوان يو، له نورې نړۍ سره له نافکره او ناسنجيده خبرو څخه دي.”
د قیوم کوچي له څرګندونو وروسته تاجکستان په دوشنبه کې د افغانستان سفیر احضار کړ او له هغه یې د قیوم کوچي د څرګندونو په هکله د توضیحاتو غوښتنه وکړه.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه3 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ3 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
نړۍ1 day ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی4 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه3 days ago
راشد خان د افغان بیسیم سوداګریز سفیر شو
-
لوبی1 day ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
لوبی3 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه4 days ago
د ایران ولسمشر پر درې ورځني سفر پاکستان ته ولاړ