تازه خبرونه
د ماین په چاودنه کي د هلمند د سرحدې ځواکونو قومندان ووژل شو
د هلمند ولایت سیمه ییزو چارواکو ویلي، چې د ماین په چاودنه کي د دې ولایت د سرحدې ځواکونو قومندان برید جنرال ظاهرګل مقبل ووژل شو او د یوه خبریال په ګډون درې نور سرتېري ټپیان دي.
له تېرو لس ورځو راپدیخوا د هلمند په مارجه ولسوالۍ کې عملیات روان ول او امنیتي ځواکونو د شنبې پر ورځ له خبریالانو سره یو ځای مارجې ته سفر درلود، چې هلته د خپلو عملیاتو پرمختګونه او تصفیه شوي سیمي خبریالانو ته وښيي. کله، چي د امنیتي ځواکونو قطار له ناوې ولسوالۍ تېر شو او د مارجې ساحې ته وردننه شو؛ نو هغه موتر، چي سرحدي لواء قومندان برید جنرال ظاهرګل مقبل او د شمشاد تلویزیون خبریال سردار محمد سرورې په کې ول، د ماين چاودنه پرې رامنځته شوه.
د هلمند والي وياند عمر ځواک ويلي، چي په چاودنه کې برید جنرال قومندان مقبل ځای پر ځای ژوند له لاسه ورکړ؛ خو په پېښه کې د شمشاد تلویزیون خبریال سردار محمد سروري او درې سرتېري ټپیان شول.
د نوموړي د څرګندونو له مخې؛ ټپیان روغتون ته لیږدول شوي او روغتیایي حالت یې د اندېښنې وړ ندی.
ویل کیږي، چې د موترو په دې کاروان کې د هلمند نور خبریالان هم ول، چې هغوی په نورو موټرو کي له سیمې ايستل شوي دي.
خبريالان هر یو الیاس داعي او زین الله ستانکزی، چي د چاودنې په ځاى کې ول وايي، سيمه نه وه پاکه شوې او دوى ورغوښتل شوي وه؛ ځکه دغه پېښه رامنځته شوه.
طالبانو د دغه برید پړه ومنلې ده.
د افغانستان دفاع وزارت هم د برید جنرال ظاهرګل مقبل د وژل کیدو پخلی کړی او دغه پېښه یې په یوه خبرپاڼه کې غندلې ده.
دفاع وزارت په ډاګه کړې، چې مارجه له وسلوالو طالبانو پاکه شوې او د طالب قومندان ملاعبدالباري په ګډون ۳۷ طالبان وژل شوي، ۱۰۳ کړۍ ماینونه خنثی شول، د چاودیدونکیو توکو دوه زیرمې او ۶ اداري مرکزونه یې هم ویجاړ شوي دي.
خبریال: بریالی رحیمي
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه2 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ4 days ago
د جاپان دوه پوځي چورلکې بحر ته وغورځېدې
-
نړۍ2 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه4 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی3 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه2 days ago
راشد خان د افغان بیسیم سوداګریز سفیر شو
-
لوبی2 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه3 days ago
د ایران ولسمشر پر درې ورځني سفر پاکستان ته ولاړ