تازه خبرونه
د کابل د لوی پوځي روغتون په برید کې دوه تنو له روغتونه مهمه ونډه لرله
په سردار محمد داوود خان روغتون کې د تېرې اوونۍ د وحشیانه برید په عواملو کې لږ تر لږه دوه تنو د روغتون له منځه مهمه ونډه لرله.
فرانس پریس خبری آژانس ته د روغتون ګڼو ژغورل شویو کارکوونکیو ویلي، چې د چهارشنبې په ورځ پر روغتون برید هغه مهال پیل شو، چې د دغه روغتون په شاتنۍ دروازه کې انتحاري حمله وشوه؛ دغه برید هغو تروریستانو ته لار اواره کړه، چې د داکترانو په شان یې سپینې چپنې اغوستې وې.
ګڼو نورو ژغورل شویو شاهدانو په ډاګه کړې، چې په روغتون کې دننه ډېر کسان د هغو عناصرو له لوري ووژل شول، چې له مخکې څخه په روغتون کې ځای پر ځای شوي وه او ځینو یې د روغتون له کارکوونکیو سره پېژندل.
دوی وايي، چې په داخلي عناصرو کې دوه تنه، چې عمرونه یې شاوخوا شل کاله ښکاريدل او له میاشتو – میاشتو راهیسي یې په روغتون کې کار کاوه، شامل ول او پر روغتون برید یې ۶ ګړۍ وغزاوه.
یو له دغو دوه تنو څخه خپل چاودیدونکي توکي وچول او بل د امنیتي ځواکونو په ډزو کئژ ووژل شو.
فرانس پریس خبري آژانس ته یوه داکتر، چې د تروریستانو په برید کې سخت ټپي شوی دی، وویل، چې یو برید کوونکي زما شاګرد و ښه مې پېژانده. په دې مې ډېره خوا بده شوه، چې ده له یوې مخې پر ټولو ډزې کولې.
دې خبرې آژانس د یوې امنیتي سرچیې له خبرو دا هم په ډاګه کړې، چې داعش د دغه برید ظرفیت نلري او دا برید د حقاني شبکې تر سره کړی دی.
د دغه روغتون یو کارکوونکي هم څرګنده کړې، چې یو شمېر برید کوونکي د رهبرۍ له غړیو سره په اړیکو کې ملا صاحب هم ویلي دي او ویل یې، چې مونږ ټول بې دینه وژنو.
امنیتي سرچینو هم د دغو دوه تنو لاس لرل په دې برید کې منلي دي.
د دفاع وزارت مرستیال ویاند محمد رادمنش ویلي دي، چې پر روغتون برید له روغتون دننه او بهر څخه تر سره شوی دی.
د نوموړي په وینا؛ له بهره برید د هغو افرادو له مرستې پرته ناشونی و، چې په روغتون کې دننه ول. له همدې کبله یو شمېر کسان تر پوښتنې لاندې دي.
د یادونې وړ ده، چې د اړوند پېښې په اړه تر دې دمه د حکومت له لوري ګومارل شوي پلاوي څه نه دي ویلي.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه4 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ2 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ4 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی5 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه3 days ago
راشد خان د افغان بیسیم سوداګریز سفیر شو
-
لوبی2 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
لوبی4 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه4 days ago
د ایران ولسمشر پر درې ورځني سفر پاکستان ته ولاړ