Connect with us

تازه خبرونه

د افغانستان د جګړې خصوصي کول یو غوراوی دی

خپور شوی

د

(Last Updated On: لړم ۲, ۱۴۰۱)

د امریکا دفاع وزیر وایي، د افغانستان د جګړې خصوصي کول یو غوراوی دی؛ خو تر څنګ یې د ځواکونو پر ډېروالي او ویستلو هم بحث روان دی.

نږدې اته میاشتې کیږي، چې دونالد ترمپ د امریکا د ولسمشر په توګه دنده پیل کړې؛ خو اوس هم نوموړي د افغانستان په اړه خپله تګلاره نه ده اعلان کړې.

د امریکا دفاع وزیر جیمس متیس په ډاګه کړې، چې د افغانستان په اړه ستراتیژیکه پرېکړه اوس هم تر بحث لاندې ده.

د نوموړي په وینا؛ د امریکا ولسمشر زما، د بهرنینو چارو د وزیر او د سي آی ای د مشر اندونه اوري.

تېره اوونۍ د بلک واتر امنیتي شرکت بنسټ ایښودونکي اریک پرنس ویلي وه؛ ولسمشر ترمپ ته یې وړاندیز کړی، چې په افغانستان کې د سرتېرو د زیاتولو پر ځای دې په دې په افغانستان کې ماموریت خصوصي کړي.

د امریکا دفاع وزیر وایي، دغه غوراوی هم تر غور لاندې دی.

افغان حکومت  تر اوسه په دې اړه رسمي نظر نه دی ورکړی؛ خو د امریکا دفاع وزارت یو جګپوړی چارواکی وایي، چې دغه پروګرام قانوني ستونزې لري او د کابل- واشنګتن تر منځ د امنیتي هوکړه لیک په اړه به پوښتنې مطرح کړي.

پخواني ولسمشر حامد کرزي بیا له دې پلان سره کلک مخالفت کړی او ویلي یي دي، چې دا  خبره د افغانستان د جګړې د اوږیدو معنا لري.

دا په داسې حال کې ده، چې د د روسیې د ولسمشر ځانګړي استازي ضمیر کابلوف د افغانستان د جګړې خصوصي کول غوراوی یو احمقانه کار ګڼلی او له افغانستان څخه یې د بهرنیو ځواکونو پر وتو ټینګار کړی دی.

تازه خبرونه

ولس دې د اسلامي نظام د شرعي احکامو د پلي کولو لپاره همکاري وکړي – محمد خالد حنفي

Published

on

(Last Updated On: غویی ۱۲, ۱۴۰۳)

د امربالمعروف، نهې عن المنکر او شکایتونو اورېدلو وزارت چارسمبالي نن چارشنبه په کابل کې د اسلامي نظام د ټینګښت لپاره د ملت د یووالي تر سرلیک لاندې غونډې ته په وینا کې ویلي: اوس د دې وخت رارسېدلی، چې د خلکو د ستونزو د حل او د اسلامي نظام د شرعي احکامو د پلي کولو لپاره خدمت او همکاري وکړو.

د یاد وزارت په خپره شوې خبرپاڼه کې راغلي؛ دغه غونډه د اسلامي امارت د یو شمېر مسوولینو په حضور کې ترسره شوې ده.

محمد خالد حنفي په دې ناسته کې زیاته کړې: د جهاد موخه د اشغال خاتمه، خپلواکي ترلاسه کول او په هېواد کې د اسلامي نظام ټینګول ول.

نوموړی وایي: دا د ډېرې خوښۍ ځای دی، چې مونږ افغان ولس د پخوا په څېر خپلمنځي اختلافات نلرو، د یو رهبر تر امر او د اسلامي نظام د بیرغ ترسیوري لاندې ژوند کوو.

هغه ویلي: دا اسلامي نظام د خلکو نظام دی. خلک له دې نظام څخه جلا نه ګڼل کیږي او د نظام او خلکو ترمنځ هیڅ واټن نشته؛ نو له اسلامي نظام سره همکاري د ټولو خلکو شرعي دنده ده.

ویل کیږي، چې د ښځو د شرعي حقونو د خوندیتوب او ساتنې تر څنګ زرګونه شکایتونه دې وزارت حل کړي دي.

Continue Reading

تازه خبرونه

له اسلامي امارت سره په تعامل کې مو ملي ګټې رانغښتي- امریکا

Published

on

(Last Updated On: غویی ۱۲, ۱۴۰۳)

د امریکا بهرنیو چارو وزارت مرستیال ويلي؛ هېوادنۍ ګټې واشنګټن اړ کوي، چې له اسلامي امارت سره له خبرو او تعامل ډډه ونکړي.

د امریکا بهرنیو چارو وزارت ویاند د سې شنبې پر ورځ ( د غویی یوولسمه) یوه خبري کنفرانس ته ویلي، چې له اسلامي امارت سره تعامل مستقیمو خبرو ته زمینه برابروي.

ویډانټ پټل څرګنده کړې، چې له اسلامي امارت سره تعامل نه یوازې د امریکا د ګټو د خوندیتوب لپاره ښه دی، بلکې د افغانستان له خلکو څخه د ملاتړ لپاره هم غوره لار ده.

د پټل د څرګندونو له مخې؛ دا تعامل پر اسلامي امارت د هغو امریکايي وګړو په ځانګړي توګه، چې په ناحقه نیول شوي له شرط پرته د خوشې کولو لپاره یو فشار هم دی.

هغه زیاته کړې، چې امریکا به د دغو فرصتونو پر کارولو له اسلامي امارت څخه د ترهګرۍ پر وړاندې د مبارزې په اړه د دوی له ژمنو هم ګټه پورته کړي.

هغه ټینګار کړی، چې د بشري حقونو مسله هم د اجنډا په سر کې ده.

Continue Reading

تازه خبرونه

نړیوال بانک له افغانستان سره ۸۴ میلیون ډالر مرسته ومنله

Published

on

(Last Updated On: غویی ۱۲, ۱۴۰۳)

نړیوال بانک ويلي، دې بنسټ له اقتصادي ناورین سره د مبارزې او په هېواد کې د اقتصادي پروژو د پلي کولو لپاره افغانستان ته ۸۴ میلیون ډالر مرسته منلې ده.

نړیوال بانک د سې شنبې پر شپه (د غویی یوولسمه) څرګنده کړې، چې له دې مرستو څخه به ۷۰ میلیون د افغانستان وجهي صندوق (ای‌آر‌ټي ‌اف) او نړیوالې پراختیايي ټولنې (آی‌ډي‌ای ) له لارې په افغانستان کې د هوسا ژوندانه اړوند پروژو پر پلي کولو ولګول شي.

په دې اړه د نړیوال بانک د افغانستان څانګې مشرې ملینډا ګوډ ویلي، چې نړیوالې پراختیایي ټولنې په وروستیو ۱۸ میاشتو کې د افغانستان د ښځو لپاره د کارموندنې په برخو کې د دې پیسو د لګولو لپاره یو ځانګړی او ګټور چوکاټ چمتو کړی دی.

د ګوډ د څرګندونو له مخې؛ پدې مرسته به IDA د افغانستان په ۲۶ ولایتونو کې افغانانو ته خپلو خدمتونه روان وساتي.

هغې زیاته کړې: له دې نوي تمویل سره به دا پروژه په کلیوالو او ښاري سیمو کې خپل فعالیتونه زیات کړي، د ښځو لپاره به د هوساینې ډېر فرصتونه برابر کړي او افغان راستنیدونکیو ته به د کار او خدماتو زمینه برابره کړي.

دغې پروژې په ۲۰۲۲ کال کې د افغانستان کليو او ښاري سيمو ته د نړيوال بانک د ۲۶۵ ميليون ډالرو پر مرسته خپل فعاليت پيل کړ، چې تر اوسه یې څه باندې ۷۷۶ زره افغان کورنیو ته لنډ‌مهاله دندې پیدا کړي، چې له دې لارې شاوخوا ۵ اعشاریه ۴ میلیون کسانو ګټه اخیستې ده.

دغه راز په افغانستان کې ٩٢ زره ٢٠٠ زيانمنو کورنیو، چې ښځو یې چارسمبالې او مشرې وې له دې پروژې نغدي او غيرې نغدي مرستې ترلاسه کړې دي.

د نړیوال بانک د څرګندونو له مخې؛ په دې موده کې شاوخوا ۷ اعشاریه ۴ میلیون افغانانو ټولنیزو خدمتونو لکه سړکونو، روغتیايي مرکزونو او د څښاک پاکو اوبو ته لاسرسی موندلی دی.

دې ادارې یادونه کړې، چې په تېرو دوه کلونو کې د روغتیا او تغذیې، د اقلیمي بدلون د اغېزو او له طبیعي پېښو سره د مبارزې په برخه کې له ۲ اعشاریه ۱ میلیون ډېر کسان روزل شوي دي.

په افغانستان کې د اسلامي امارت له واکمنۍ وروسته په دغه هېواد کې د خلکو د ژوند وضعیت خراب شوی او د نړیوالو ټولنو د څرګندونو له مخې سږ کال شاوخوا ۲۳ میلیون افغانان بشري مرستو ته اړتیا لري.

دا په داسې حال کې ده، چې څو ورځې مخکې نړیوال بانک په افغانستان کې د ښځو او د هغوی پر مشرۍ سوداګریزو هڅو ترسره کولو او کارموندلو لپاره ۱۶ میلیون ډالر مرسته اعلان کړه وه.

Continue Reading

Trending

Copyright © 2022 Ariana News. All rights reserved!