د سالنګ د دوه یم دهلیز د فني مطالعاتو هوکړه لیک لاسلیک شو

(Last Updated On: July 08, 2017 6:10 pm)

د فواید عامې وزارت او یوه استرالیايي شرکت تر منځ د سالنګ د دوه یم دهلیز د فني مطالعاتو هوکړه لیک لاسلیک شو.

د فواید عامې وزیر محمود بلیغ زیاتوي، د سالنګ لارې دوه یم دهلیز، چې نهه شمال او شمال ختیځ ولایتونه له مرکز سره نښلوي او په  ۲۶ میاشتو کې بشپړیږي.

د هغه په وینا؛  نوی تونل به په سالنګ ګې شاوخوا ۲۶۰۰ متره وي، چې د خنجان – جبل السراج سړک دوه یم لاین هم په کې راځي.

هغه زیاته کړې، چې د دې پروژې لګښت شاوخوا نولس میلیون دالره کیږي او د آسیایي بانک لخوا  تمویلږي.

په کابل کې د جاپان سفیر وایي، دا سړک د افغانستان خلکو ته مهم دی او کولی شي په اقتصادي وده کې ډېره مرسته وکړي.

د ملي وحدت حکومت اجرائیه رییس عبدالله عبدالله وایي؛ دغه پروژه ‌ډېره مهمه ده، چې کیفیت ته یې باید ډېره پاملرنه وشي.

د سالنګ  اوسنی تونل دوه اعشاریه اووه کیلومتره دی، چې د پخواني شوروي لخوا په شپېتمه لسیزه کې جوړشوی، چې په تېرو ۱۶ کلونو کې د بیا رغاونې بهیر په دې مسیر کې تل له نیوکو سره مخ و.

About Ariana News

Check Also

امریکا د افغانستان په اړه له روسیې سره د همکاریو غوښتنه لري

(Last Updated On: September 21, 2017 5:35 pm) د افغانستان لپاره د روسیې ځانګړي استازي …