تازه خبرونه
ولسي جرګې شپاړس نوماند وزیرانو ته باور رایه ورکړه
ولسي جرګې د حکومت شپاړسو کاندید وزیرانو ته د تایید رایې ورکړې، خو د ملي دفاع وزارت اوس هم د سرپرست له خوا اداره کیږي.
دولسي جرګې رییس وایی چې د ملي دفاع له وزیر پرته د حکومت کابينه د ولسي جرګې د تایید رايې ترلاسه کړې او بشپړه شوه.
د ولسي جرګې بشپړ نصاب ۲۳۹ وو، او هر نوماند ته په کار وه چې یوسلو شل مثبتې رایې واخلي.
د رایو شمېرنې پروسه بشپړه شوه او په دې توګه ټول کاندید وزیران تایید شول.
۱- همایون رسا د سوداګرۍ او صنایعو وزارت ته نوماند؛ ۱۷۰ تایید، ۳۹ رد، ۲۴ سپیني او ۵ باطلې.
۲- اسد الله ضمیر د کرني او اوبولګولو وزارت ته نوماند؛ ۱۹۲ تایید، ۲۸ رد، ۱۵ سپینې او ۴ باطلې.
۳- محمد ګلاب منګل د سرحدونو او قبایلو چارو وزارت ته نوماند؛ ۱۸۸ تایید ۲۸ رد، ۱۳ سپینې او ۸ باطلې.
۴- محمود بلیغ د فواید عامې وزارت ته نوماند؛ ۱۶۸ تایید، ۳۸ رد، ۲۳ سپینې او ۸ باطلې.
۵- عبدالستار مراد د اقتصاد وزارت ته نوماند ؛ ۱۵۲ تایید، ۵۱ رد، ۲۹ سپینې او ۶ باطلې.
۶- محمد الله بتاش د ترانسپورت وزارت ته نوماند؛ ۱۷۶ تایید، ۳۲ رد، ۲۵ سپینی او ۶ باطلې.
۷- عبدالباري جهاني د اطلاعاتو فرهنګ وزارت ته نوماند؛ ۱۲۰ تایید، ۶۶ رد، ۳۵ سپینې او ۶ باطلې.
۸-اسد الله حنیف بلخي د پوهنی وزارت ته نوماند؛ ۱۶۱ تایید، ۲۷ رد، ۲۵ سپینې او ۲۴ باطلې.
۹- سید سعادت منصور نادري د ښاري پراختیا وزارت ته نوماند؛ ۲۰۲ تایید، ۱۸ رد، ۱۰ سپینی او ۴ باطلې.
۱۰- عبدالبصیر انور د عدليې وزارت ته نوماند؛ ۱۳۸ تایید، ۶۵ رد، ۳۰ سپینی او ۵ باطلې.
۱۱-عبدالرزاق وحیدي د مخابراتو او تکنالوژۍ وزات ته نوماند؛ ۱۵۲ تایید، ۵۳ رد، ۲۸ سپینې او ۵ باطلې.
۱۲- دلبر نظري د ښځو چارو وزارت ته نومانده؛ ۱۳۱ تایید ۷۰ رد، ۲۸، سپینی او ۹ باطلې،
۱۳-سلامت عظیمی د نشه یي توکو سره د مبارزې وزارت ته نومانده؛ ۱۵۵ تایید، ۶۰ رد او ۲۳ سپینې.
۱۴- فریده مهمند د لوړو زدکړو وزارت ته نومانده؛ ۱۸۴ تایید، ۳۱ رد، ۱۸سپینې او ۵ باطلې.
۱۵- نسرین اوریا خیل د کار او ټولنیزو چارو وزارت ته نومانده؛ ۱۶۹ تایید، ۴۲ رد، ۲۱ سپینې او ۵ باطلې.
۱۶- علي احمد عثماني د اوبو او انرژۍ وزارت ته نوماند؛ ۱۶۸ تایید، ۳۶ رد، ۲۹ سپینې او ۵ باطلې.
وروسته د ولسي جرګې رییس د نوماند وزیرانو په اړه خپله پریکړه اعلام کړه.
د ولسي جرګې رییس عبدالروف ابراهیمي:
“ټولو شپاړس نوماند وزیران له ولسي جرګې د تایید رایه واخسته او حکومت د ملي دفاع وزیر پرته ټول کابینه بشپړ شوه.“
دا په داسې حال کې ده چې د ولسي جرګې د مکررو غوښتنو سره سره د ملي یوالي حکومت تر اوسه پر دې ندی بريالی شوی چې د ملي دفاع وزارت ته نوماند ولسي جرګې ته معرفي کړي.
ملی دفاع وزارت په داسې حال کې د سر پرست لخوا اداره کیږي چې هیواد سختو امنیتی ستونزو سره مخا مخ دی.
خبریال: عبدالعزیز کریمي
تازه خبرونه
د افغانستان په خاوره کې د ټي ټي پي د شتون په اړه شواهد لرو – د پاکستان پوځ
د پاکستان پوځ یو ځل بیا ادعا کړې، چې تحریک طالبان پاکستان د افغانستان خاوره کاروي او په دې اړه کوټلي شواهد شته.
د پاکستان پوځ ویاند احمد شریف چوهدري نن سېشنبه د غویی اتلسمه) په یوه خبري غونډه کې ویلي، چې په پاکستان کې د وروستیو ترهګریزو پېښو ریښه په افغانستان کې ده.
هغه ټینګار کړی، چې پاکستان د ترهګرۍ ضد هڅو ته ژمن دی او د ټي ټي پي د له منځه وړلو لپاره به هره شونې لار وکاروي.
نوموړي زیاته کړې؛ د پاکستان امنیتي ځواکونه به د ترهګرو پر وړاندې تر هغه ځایه، چې شونې وي مخکې ولاړ شي.
چوهدري د عاملینو د محاکمې تر څنګ ویلي: د ستر درستیز د څر\ندونو له مخې ترهګر په پاکستان کې ځای نلري.
د پاکستان د پوځ ویاند د افغان کډوالو د مسئلې په اړه ویلي: په میلیونونو افغانان اوس هم په پاکستان کې اوسیږي. په داسې حال کې، چې له ترهګرۍ سره مبارزه کوي. پاکستان له افغان کډوالو سره مرسته کړې او نړۍ هم پرې پوهېږي.
هغه زياته کړې؛ په پاکستان کې د افغان وګړو د شتون له کبله د قانون او نظم وضعيت خراب شوى او تر اوسه له ٥٦٣ زره ډېر افغانان خپل هېواد ته ستانه شوي دي.
دا څرګندونې په داسې حال کې کېږي، چې له دې مخکې اسلامي امارت په افغانستان کې د تحریک طالبان پاکستان شتون رد کړی او څرګندوي، چې د پاکستان امنیتي ستونزه له افغانستان سره هیڅ تړاو نلري.
تازه خبرونه
د وزیرانو له اطاعت خوښ یم – د اسلامي امارت رهبر
د افغانستان اسلامي امارت رهبر د دوشنبې پر ورځ د غویی اووه لسمه د کندهار د دیني علومو او جامعاتو چارو د انسجام او تنظیم په درې ورځني سیمینار کې ویلي، چې د اسلامي امارت له رامنځته کېدو راپدیخوا ټول مخالفان بښل شوي او یو له بل سره د وروڼو په څېر ژوند کوي.
شیخ هبة الله اخوندزاده زیاته کړې، چې د چارسمبالو وزیرانو له کړنو راضي دی؛ ځکه، چې تل ترې اطاعت کوي.
هغه ویلي: زه له خپلو وزیرانو خوښ یم او دوی ښه خلک دي او تل زما اطاعت کوي. د هغوی اطاعت، درناوی او احترام وکړئ؛ ځکه، چې عزت او اطاعت یوازې د امیر لپاره ځانګړی ندی، بلکې ټول قومندانان ترې برخمن دي.
د اسلامي امارت رهبر دا هم ویلي: کفري نړۍ غواړي، چې سیاست له دین څخه بېل کړي؛ نو په اسلامي هېوادونو کې هم باید علما په سیاست کې رول ونلري، خو په افغانستان کې باید علما سیاست ته لاسرسی ولري.
نوموړي له عالمانو وغوښتل، چې د اسلامي امارت د احکامو په پلي کولو او اطاعت کې دې ولس وهڅوي.
د لوړو زدهکړو وزارت ویاند ضیاء الله هاشمي وايي، دغه درې ورځنی سیمنار د شنبې پر ورځ د غویی پر پېنځلسمه د لوړو زدهکړو وزارت د چارسمبالي ندا محمد ندیم پر وینا پیل او د دوشنبې پر ورځ د غوایی اووهلسمه پای ته ورسېد.
تازه خبرونه
په افغانستان کې د قزاقستان د سوداګرۍ خونه پرانیستل شوه
د افغانستان صنایعو او سوداګرۍ وزارت څرګنده کړې، چې د افغانستان په هرات ولایت کې د قزاقستان د سوداګرۍ خونه پرانیستل شوه.
د دغه وزارت په خبرپاڼه کې، چې نن سې شنبه د غویی اتلسمه خپره شوې راغلي، چې د صنایعو او سوداګرۍ وزارت چارسمبالي نورالدین عزیزي په افغانستان کې د قزاقستان د سوداګرۍ خونې پرانیستل د دواړو هېوادونو ترمنځ د سوداګریزو اړیکو د پیاوړتیا او پراختیا په برخه کې یو مثبت او اغېزمن ګام وباله.
یادې خونې د پرانیستې پر مهال نورالدین عزیزي څرګنده کړې، چې د افغانستان د رسمي پلاوي او خصوصي سکټور د سوداګریزو اړیکو کنفرانس، دوه اړخیزو سوداګریزو غونډو او پر ۱۴۰۲ کال د قزاقستان په استانه ښار کې د افغانستان د محصولاتو او تولیداتو له نندارتون وروسته قزاقستان ته د افغانستان صادرات زیات شوي دي.
د قزاقستان د سوداګرۍ خونې مشر ارمان یوسینتایوف ټینګار کړی، چې د دې خونو له پرانیستلو څخه هدف د دواړو هېوادونو ترمنځ د سوداګرۍ د حجم او ارزښت لوړول دي؛ ځکه، چې قزاقستان له اسلامي امارت سره د اړیکو او سوداګرۍ پراختیا ته لیوالتیا لري.
-
تازه خبرونه3 days ago
په غور کې د سېلابونو له کبله سلګونه خلک بې ځایه شول
-
تازه خبرونه3 days ago
اسلامي امارت په بدخشان کې د اعتراضي لاريون د څېړلو لپاره یو پلاوي وټاکه
-
تازه خبرونه3 days ago
په افغانستان کې پر کوکنارو د بندیز له کبله کروندګرو خپل عاید له لاسه ورکړی – نړیوال بانک
-
نړۍ2 days ago
اسرائیلي ځواکونو بیت المقدس ته نږدې د الجزیرې پر رسنیز دفتر چاپه ووهله
-
تازه خبرونه2 days ago
د اسلامي همکاریو ټولنې سرمشریزې په افغانستان کې د نجونو پر زدهکړو ټینګار څرګند کړ
-
سوداگري3 days ago
د ترکمنستان د سوداګرو او صنایعو اتحادیې مشر هرات ته سفر وګړ
-
لوبی2 days ago
ابو مسلم فراه افسي میوند فوټبال لوبډلې ته ۹ پر ۱ ماتې ورکړه
-
نړۍ1 day ago
د غزې په جګړه کې مو د مصر او قطر د اوربند وړاندیز منلی – حماس