تازه خبرونه
د ننګرهار پچیراګام له داعش پاک شو؛ خو۵۰ ملکي وګړي ووژل شول
له یوې نیمې میاشتې خونړیو نښتو وروسته افغان ګډو ځواکونو داعش په پچیراګام کې بېرته مات کړی دی.
د ننګرهاروالي محمد ګلاب منګل وايي، له داعش سره په نښتو کې سلګونه داعش وسلوال وژل شوي او هغوی، چې ژوندي پاتې شوي؛ بېرته د هسکې مېنې ولسوالۍ مرکزونو ته تښتېدلي دي.
د نوموړي په وینا؛ په دې نښتو کې پېنځه سرتېري او شاوخوا پنځوس ملکي وګړي هم وژل شوي .
د پچیر اګام قومي مشرتور محمد وایي، داعش په پاس پچیر کې د ځايي اوسیدونکیو سلګونه کورنه، هټۍ او موترې سوځولي او د هغوی شته یې له ځان سره هسکې مینې ته وړي دي.
د سیمې یو بل قومي مشر کریم خان وایي، خلک له حکومت څخه د پاکو شویو سیمو ساتنه، بیارغونه او د یرغمل شویو ۶۹ ځایي اوسیدونکیو ژغورنه غواړي.
په سیمه کې د افغان ځواکونو د جګړې قومندان هم تائیدوي، چې داعش په سیمه کې هرڅه له خاورو سره خاورې کړي دي.
امنیتی چارواکي وايي، په پاکو شویو سیمو کې پوستې جوړوي.
د ملي اردو د څلورمې لیوا ریس ارکان محمد جان وايي که لوړ پوړي چارواکي اجازه ورکړي، چمتو دی، چې په هسکه مینه کې هم داعش وځپي.
شاوخوا یوه نیمه میاشت وړاندې د داعش جنګیالو د هسکې مېنې له لوري پر پاس پچیر برید وکړ او له ځايي پاڅونوالو سره له دوه ورځنیو خونړیو نښتو وروسته یې ونیوه. پر همدې لامل له پچیراګام څه نا څه پېنځه زره کورنۍ بې ځایه شوې او د سلګونه کورنیو هر څه داعش لوټ کړل.
دوه ورځې کیږي، چې پچیراګام له داعش پاک شوی؛ خو حالات عادي کیدل به په کې میاشتې ونیسي؛ ځکه اوس هم ګڼې کورنۍ له پچیره په تېښته کې دي او داعش وسلوالو د شاته تګ پرمهال نهه شيته ملکي وګړي له ځان سره هسکې مینې ولسوالۍ ته یرغمل بیولي دي.
خبریال: رحمت الله زیارمل
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه4 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ1 day ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ3 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی4 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه3 days ago
راشد خان د افغان بیسیم سوداګریز سفیر شو
-
لوبی1 day ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
لوبی3 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه4 days ago
د ایران ولسمشر پر درې ورځني سفر پاکستان ته ولاړ