تازه خبرونه
امریکا پر افغان ځواکونو څه باندې ۷۶ میلیارد دالر لګولي
د امریکا د دولت د محاسبې دفتر په تازه رپوت کې ویل شوي، چې د امریکا دفاع وزارت په تېرو ۱۶ کلونو کې د افغان ځواکونو پر وسلو او تجهیزاتو څه باندې شپږ اویا میلیارد دالر لګولي دي.
د امریکا دفاع او بهرنیو چارو وزارتونو رپوټ ورکړی، د افغانستان ثبات او امنیت اوس هم د طالبانو، جنایت کارو شبکو، د داعش په ګډون د ترهګرو سازمانونو لخوا له ګواښ سره مخ دی.
د امریکا د دولت د محاسبې دفتر په رپوت کې، چې د امریکا د استازیو جرګې د پوځي خدمتونو کمیتې ته لیږل شوی، سلګونه زره وسلې او تجهیزات یې نوملړ کړي، چې په تېرو شپاړس کلونو کې د افغان ځواکونو او پولیسو په واک کې ورکړشوي دي.
د امریکا د محاسبې دفتر په ډاګه کړې، چې افغان ځواکونو ته د ورکړشویو وسلو او تجهیزاتو په نوملړ کې ۹۸ الوتکې، ۱۱۰ چورلکې ، ۶۰۰ زره وسلې، ۱۶۳ زره مخابرې، ۷۶ زره نقلیه وسایط، ۳۰ زره د چاودیدونکو توکو د شنډولو تجهیزات لکه د بمونو د شنډولو رباتونه، 10 زره استخباراتي ، نظارتي او د پیژندنې وسایل لکه د بې پیلوته الوتکې راغلي دي.
دغه راز څه باندې درې سوه زره غیر رهبري شوي راکتونه، اته زره اووه سوه بمونه او د چورلکو څه باندې یو میلیون او اته سوه زره ګولۍ، چې د پنتاګون لخوا ورکړشوي دي.
دغه رپوت په داسې مهال کې خپریږي، چې په واشنګتن کې د افغانستان په تړاو د نوې تګلارې په اړه خبرې اترې دوام لري.
د امریکا د بهرنیو چارو وزارت ویانده هدر ناوئرت وایي، د افغانستان په تړاو د امریکا د پالیسي څېړنه، چې زیات خلک یې په فکر کې دي، روانه ده. د ولسمشر د ملي امنیت له ډلې او بهرنیو چارو وزیر سره ډېر بحثونه شوي دي. مونږ افغانستان ته د حل لارې موندلو تر څنګ پر هر اړخیزې پالیسۍ کار کوو، چې هند او پاکستان هم را نغاړي او دغه راز د یوې سیمه ییزې حل لارې په لټه کې یو.
د امریکا د سنا د پوځي خدمتونو کمیتې، چې د امریکا پر نوې ادارې یې د افغانستان په تړاو د تګلارې د نه اعلام په وجه تل نیوکې کړي، خپله تګلاره اعلام کړه، چې افغانستان ته د نورو ځواکونو د استولو وړاندیز کوي. دغه راز پر ترهګرو په بریدونو کې امریکایی ځواکونو ته ډېر واک ورکوي او پر پاکستان د فشار وړاندیز کوي، چې ترهګرو، حقاني شبکې او طالبانو ته د پناه ځایونو له ورکولو لاس واخلي.
خبریال: فهیم نوري
تازه خبرونه
امیرخان متقي په کابل کې د ملګرو ملتونو له ۲۱ کسیز پلاوي سره وکتل
د بهرنیو چارو وزارت چارسمبالي امیرخان متقي د ملګرو ملتونو مالي او اداري مشورتي کمیټې له ۲۱ کسیز پلاوی سره، چې کابل ته د لومړیتوبونو د څېړلو لپاره راغلی؛ په کتنه کې ویلي: اسلامي امارت نهغواړي، چې افغانستان د ډېر وخت لپاره پر بشردوستانه مرستو تکیه وکړي او دا مرستې باید اوس پر کار، کورنیو تولیداتو او صنایعو ولګول شي.
د دغې کمیټې مشر بچار بونګ عبدالله له امیر خان متقي سره په خبرو کې ویلي، چې کابل ته د دوی د سفر موخه په افغانستان کې د یوناما د چارو ارزونه ده او دوی غواړي، چې د افغان لوري لومړیتوبونه وڅېړي او د ملګرو ملتونو عمومي ناستې ته یې وړاندې کړي.
امیرخان متقي د منځنۍ سوداګرۍ وده، پراختیایي پروژو ته پاملرنه، د کروندګرو لپاره د بدیل کښت برابرولو او په بشري مرستو پورې محدود نهپاتې کیدل مهم لومړیتوبونه وګڼل او څرګندوي، چې له څو کلنو جګړو او بې ثباتیو وروسته د ټاپي پروژې، کاسا -۱۰۰۰، افغان ټرانس اورګاډي پټلۍ سترو پرژو عملي کېدو ته زمینه برابره ده.
په دې اړه د بهرنیو چارو وزارت په خبرپاڼه کې رغلي: مرستې بايد په داسې ډول ولګول شي، چې خلکو ته کار پيدا شي، کورني توليدات او صنعت وده وکړي او افغانستان له خپلو بازارونو څخه خپلې اړتياوې پوره کړي او د افغانستان د خصوصي سکټور ملاتړ رامنځته شي. دغه راز د کروندګرو لپاره بدیل کښت برابر او د وړو کسبونو ملاتړ وشي.
د بهرنیو چارو وزارت چارسمبالي زیاته کړې؛ اسلامي امارت نه غواړي، چې په اوږدمهاله بشري مرستو تکیه وکړي، بلکې غواړي د افغانستان ملي اقتصاد پخپلو پښو ودریږي.
د دغې کمیټې غړیو په بېلا بېلو برخو کې د اسلامي امارت لاسته راوړنې وستایلې او څرګندوي، چې په پام کې لري د وضعیت د ارزونې لپاره د افغانستان یو شمېر ولایتونو ته هم سفر وکړي.
افغانستان ته د ملګرو ملتونو د دغه پلاوي سفر په داسې حال کې ترسره کېږي، چې په تېرو درې کلونو کې نړيوالو مرستندويه سازمانونو په افغانستان کې د بېوزلۍ د کچې د زياتوالي او پراخېدو او د مرستو لپاره د بودجې کموالي په اړه څو ځلې خبردارى ورکړى دی.
تازه خبرونه
په بدخشان ولایت کې ماین چاودنې ۸ کسانو ته مرګ او ژوبله اړولې
کورنیو چارو وزارت تائید کړې، چې په بدخشان ولایت کې د یوه نښلېدونکي ماین په چاودنه کې ۳ امنیتي سرتېري وژل شوي او ۵ نور ټپیان دي.
د کورنیو چارو وزارت ویاند عبدالمتین قانع وايي: له بده مرغه نن له غرمې مخکې شاوخوا ۱۱ بجې د بدخشان ولایت د فیضآباد ښار د جوزون په اړوند سیمه کې پر موټرسایکل نښلول شوي ماین چاودنه کړې ده.
د عبدالمتین قانع زیاته کړې؛ دغه ماين هغه مهال چاودنه وکړه، چې د پوليسو د موټرو یو کاروان له ياد سړک څخه د کوکنارو د کښت د له منځه وړلو لپاره له سیمې څخه د تېرېدو په حال کې و.
ده زياته کړې، چې دغه پېښه د پوليسو تر څېړنې لاندې ده.
تر اوسه کومې ډلې یا شخص د دې پېښې مسوولیت پر غاړه ندی اخیستی.
تازه خبرونه
د سې شنبې پر ورځ خراسان او سرخ پوشان لوبډلو لوبه وګټله
د سې شنبې پر ورځ ( د غویي اتلسمه) د افغانستان فوټبال اتلانو لیګ د سیالیو په پېنځه دېرشمه لوبه کې د خراسان فاریاب لوبډلې کابل استقلال لوبډلې ته ۱ د صفر پر توپیر ماتې ورکړه.
د خراسان فارياب لوبډلې لوبغاړي فريد احمد يو ګول وواهه او د ميدان غوره لوبغاړی ونومول شو.
دغه راز په شپږدېرشمه لوبه کې سرخ پوشان خوافې لوبغاړو سرسبز یاشلر لوبډلې ته ۴ پر۱ ماتې ورکړه.
حبيب الله هوتک او اميد رجبي د سرخپوشانو لوبغاړو ګولونه وکړل او حبيب الله هوتک هم وتوانېد، چې د ډګر د غوره لوبغاړي نوم خپل کړي.
د نن چارشنبه د ثور نولسمه د غرمې ۱:۳۰ ابو مسلم فراه او عدالت فراه او له غرمې وروسته ۳:۳۰ بجې میوند او جوانان واحدي لوبډلې سره مخ کېږي.
د يادونې ده، چې دغه سيالۍ له آريانا ټلويزيون څخه پر ژوندۍ بڼه خپرېږي.
-
تازه خبرونه3 days ago
په غور کې د سېلابونو له کبله سلګونه خلک بې ځایه شول
-
تازه خبرونه4 days ago
اسلامي امارت په بدخشان کې د اعتراضي لاريون د څېړلو لپاره یو پلاوي وټاکه
-
تازه خبرونه3 days ago
په افغانستان کې پر کوکنارو د بندیز له کبله کروندګرو خپل عاید له لاسه ورکړی – نړیوال بانک
-
تازه خبرونه3 days ago
د اسلامي همکاریو ټولنې سرمشریزې په افغانستان کې د نجونو پر زدهکړو ټینګار څرګند کړ
-
نړۍ3 days ago
اسرائیلي ځواکونو بیت المقدس ته نږدې د الجزیرې پر رسنیز دفتر چاپه ووهله
-
سوداگري3 days ago
د ترکمنستان د سوداګرو او صنایعو اتحادیې مشر هرات ته سفر وګړ
-
لوبی3 days ago
ابو مسلم فراه افسي میوند فوټبال لوبډلې ته ۹ پر ۱ ماتې ورکړه
-
نړۍ2 days ago
د غزې په جګړه کې مو د مصر او قطر د اوربند وړاندیز منلی – حماس