Connect with us

پرمختګ او بشپړتیا

لوړو زدکړو وزارت د هېواد د پوهنتونونو د سیټونو د سهمیه بندۍ طرحه رد کړه

خپور شوی

د

(Last Updated On: لړم ۲, ۱۴۰۱)

دغه وزارت وایي، پېنځه اویا سلنه سیټونه د عمومي کانکور آزموینې او یوازې پېنځه ویشت سلنه سیټونه د سیمه ییزو آزموینو له لارې سیالیو ته کېښودل کیږي او کومو کسانو، چې لوړې نمرې وړي وي پېنځه کلیدي پوهنځیو ته لار موندلی شي.

د لوړو زدکړو وزارت نوې طرحه، چې پوهنتونونو ته د لارموندلو څرنګوالی ټاکي، ډېره جنجالي شوې؛ خو د دې طرحې اصل متن څه دی؟

د لوړو زدکړو وزارت ویاند وایي، د افغانستان د پوهنتونونو په سیټونو کې د سهمیه بندۍ لپاره هیڅ راز پرېکړه نده شوې؛ خو پوهنتونونو ته  د لار موندنې آزموینې دوه لارې پیدا کړي دي: یعنې د کانکور پېنځه اویا سلنه سیټونه عمومي سیالیو ته وړاندې کیږي؛ خو پېنځه ویشت سلنه نور سیټونه بیا په څلور دېرش ولایتونو کې هغو سیمو ته ځانګړي کیږي، چې بېرته پاتې دي او لږ وده په کې شوې ده. په دې کې کابل هم له  خپلې ونډې برخمن دی.

د لوړو زدکړو وزارت په وینا؛ نوې طرحه وروستۍ شوې؛ خو ټول ولایتونه به د بېرته پاتې سیمو د پېنځه ویشت سلنه سیټونو په آزموینې کې برخه اخلي، چې یو ولایت هم ترې بې برخې نه پاتې کیږي؛ ځکه د دې طرحې موخه د سیمه ییزو کدرونو وده ده.

د لوړو زدکړو وزارت ویاند فیصل امین زیاتوي: د سږکال په کانکور آزموینه کې د پوهنتونونو پېنځه ویشت سلنه سیټونه خالي پاتې کیږي او داوطلبان یې د ځانګړې آزموینې له مخې؛ خو په لږ څه ټیټه سطحه کې سیالي کوي او په پایله کې له هغو کسانو سره، چې جګې نمرې یې وړي وي، لوړو دولتي پوهنځیو لکه طب، انجینري، حقوق، اقتصاد او کرنې ته لار مومي.

د افغان حکومت منطق دا دی، چې د دغې لارې له مخې به په بېرته پاتې سیمو کې لوړ استعدادونه پیدا او تحصیلي نظام ته وردننه شي او  د ټولو ولایتونو سیمه ییز کدرونه به وده وکړي.

د پوهنې وزارت ویانده نوریه نزهت وایي: موخه داده، چې په ټول هېواد کې ځوانانو ته د ودې یو راز خدمات وړاندې شي او هیڅوک ترې بې برخې پاتې نشي.

په ولسي جرګه کې دغه  استدلال خپل– خپل مخالفین او ملاتړي لري.

د ولسي جرګې غړی اسدالله سعادتي وایي: تاسې نشئ کولی په دې توګه د زدکوونکیو تر منځ سیالۍ تر سره کړئ؛ خو کولی شئ، چې د برابرو شېبو او فرصتونو له اصله یې بې برخې کړئ.           

د ولسي جرګې غړی عبیدالله بارکزی څرګنده کړې؛ لکه څنګه، چې ولایتونه په پراختیایي پروژو کې برخه لري دغه راز باید په روزنه او زدکړو کې هم خپل حق ولري.            

عمومي نیوکه دا ده؛ څرنګه امکان لري، چې یو زدکوونکی د ټیټو نمرو په لرلو لوړ پوهنځۍ ته لار ومومي او یو تکړه زدکوونکی لدې زدکوونکي سره په یو پوهنځي کې کیني؛ خو د لوړو زدکړو وزارت وایي، د سیمه ییزو کدرونو د وړتیاوو لوړولو لپاره د عامه پوهاوي پروګرامونه هم لري.

دا په داسې حال کې ده، چې ولسمشر اشرف غني نن له غرمې مخکې د کابل پوهنتون د علمي شورا له غړیو او د دې پوهنتون د محصلینو له اتحادیې سره په کتنه کې ویلي، چې پوهنتونونه باید داسې کادرونه تولید کړي، چې د دولت جوړولو پروسه بریالۍ کړي.

Advertisement

پرمختګ او بشپړتیا

افغانستان او ترکمنستان د ټاپي پروژې پر عملي پیل خبرې وکړې

Published

on

(Last Updated On: لړم ۶, ۱۴۰۰)

د کانونو او پټرولیم وزارت مسوولینو په دې روستیو کې د ترکمنستان هېواد له مسوولینو سره په افغانستان کې د ټاپي پروژې د پیل پر عملي بهیر خبرې کړې دي.

د کانونو او پټرولیم وزارت چارسمبالي د ټاپي اړینې پروژې د چارو د پیل په اړه د ترکمنستان له سفیر سره خبرې وکړې. په دې  کتنه  کې  دواړه لوریو ویلي، چې دواړه هېوادونه د ټاپي پروژې د کار بهیر پیلول غواړي.

د اسلامي امارت مسوولینو د دې  پروژې د عملي  کار د پیل لپاره  چمتووالی ښود لی.

د خصوصي سکتور غړي هم  د دې  پروژې د کار د عملي  چارو پیل د افغانستان اقتصاد لپاره مهم بولي او څرګندوي؛ که د پروژې د پلي کولو پر وړاندې مالي ستونزې نه وي؛ نو اوس د دې و خت رارسیدلی،  چې دا پروژه پلې شي.

د سوداګرۍ او پانګونې خونې غړی خان جان الکوزی وایي؛ د ټاپي پروژه، چې د افغانستان لپاره خورا اړین اقتصادي ارزښت لري. که مالي ملاتړي همکاري وکړي؛ نو د دې پروژې د عملي کیدو لپاره ترټولو مناسب وخت رامنځته شوی، چې له اقتصادي پلوه د سیمي په هېوادونو کې ژور بدلونونه رامنځته کولی شي.

دا پروژه، چې  له  ترکمنستان پیل او بیا تر هندوستان پورې غزیږي؛ ۱۸۱۴ کیلومټره اوږد والي لري  چې ۸۱۶ کیلومټره د افغانستان له خاوري تېریږي.

د دې  پروژې د پلي کېدو لګښت ۲۲ اعشاریه ۵ میلیارډ ډالر کیږي.

له دې نللیکي په کلني توګه ۳۳ میلیارډ مټرمکعب ګاز لېږدول کیږي.

په دې پروژه کې به په زرګونه هېوادوالو ته د کار زمینه برابره شي او افغانستان ته به د کال ۴۰۰ میلیون ډالر عواید ترلاسه کیږي.

په دې  پروژه کې افغانستان په لومړیو لس کلونو کې ۵۰۰ میلیون مټره، په دوه یمه لسیزه کې یومیلیارډ او په درېیمه لسیزه کې یو نیم میلیارډ مټرمکعب ګاز ترلاسه کړي.

د اقتصادي  چارو کارپوهانو هم د ټاپي  پروژې عملي کیدل د افغانستان او د دې  پروژې د شریکانو لپاره له اقتصادي پلوه خورا مهمه بولي.

دوی  زیاتوي، چې د ټاپي پروژه کولی شي هېواد له اقتصادي ستونزو وژغوري.

اقتصادي کارپوه تاج محمد تلاش وایي: په عملي کیدو سره به په میلیونونه ډالر د هېواد په عوایدو کې زیات شي او په زرګونه هېوادوال به مو کار پیدا کړې. د هېواد په صنعتي کیدو کې مو هم اړین رول ولري.

د هېواد اوسیدونکي هم له اسلامي امارته غوښتنه کوي، چې په هېواد کې د پروژو د پلي کولو بهیر پراخ کړي، چې خلک له بی کارۍ وژغورل شي.

د کابل ښار اوسیدونکی صنیع الله رامین وایي: مونږ له اسلامي مارته غوښتنه کوو، چې هېوادوالو ته د کار د برابرولو په برخه کې نه ستړې کېدونکې هڅې وکړي، چې د شته اقتصادي ستونزو د پراخېد مخه پرې ونیول شي.

د ټاپي پروژه، چې د کار عملي چاري يي په ۲۰۱۶ زېږدیز کال کې د افغانستان، پاکستان، ترکمنستان او هندوستان د مشرانو له خوا پرانستل شوې او ټا کل شوې وه،  چې په ۲۰۱۹ کال کې ګټی اخستني ته سپارل شوې وه؛ خو د بېلا بېلو ستونزه له کبله دا پروژه په افغانستان کې له خنډ او ځنډ سره مخ وه. اوس، چې اسلامي امارت له واک و ځواک لرخمن شوی؛ وخت به یې د عملي چارو بهیر په ډاګه کړي.

ویل کیږي، چې د دې سترې سیمه ییزې اقتصادي پروژې د عملي پیل لپاره به دروانې میاشتې په اوږ دو کې د ترکمنستان یو پلاوی هم افغانستان ته راشي.

Continue Reading

پرمختګ او بشپړتیا

افغان بیسیم مخابراتي شرکت انټرنټي بیې راټيټې کړې

Published

on

(Last Updated On: وری ۱۷, ۱۳۹۹)

د افغان بیسیم شرکت مسوولینو ویلي، چې د دوشنبې له ورځې به نوې انټرنټي کڅوړې په ټيټه بیه خپلو مشتریانو ته وړاندې کړي.

په افغانستان کې انټرنټ ته د خلکو اړتیا د هرې ورځې په تېریدو مخ په ډېریدو ده؛ ځکه، نو افغان بیسیم مخابراتي شرکت په انټرنټي کڅوړو کې تخفیفونه راوستي دي.

د مخابراتو او معلوماتي تکنالوژې وزارت مسوولینو ويلي، چې د ولسمشر د حکم او د اقتصاد عالي شورا د پرېکړې له مخې له افغان بیسیم شرکت سره هوکړې ته رسیدلي، چې دغه شرکت به د انټرنټ بیې را ټيټوي.

د مخابراتو او معلوماتي تکنالوژۍ وزارت سرپرست فهیم هاشمي وايي، چې د ولسمشر د حکم او د اقتصاد د عالي شورا د پرېکړې له مخې په دې اړه له افغان بیسیم مخابراتي شرکت سره هوکړې ته رسیدلي دي.

د افغان بیسیم مخابراتي شرکت استازی  علي الله سروري وايي، چې پر ټیټ قیمت د انټرنټ نوې کڅوړې به د دوشنبې شپې پر دولس بجو خپلو مشتریانو ته وړاندې کړي.

په افغانستان کې د کورونا ویروس له کبله په ځينو لویو ښارونو کې پر تګ راتګ محدودیتونه لګیدلي او خلک اړ دي، چې په موبایل او انټرنټ له حالاتو ځان خبر وساتي.

خلک د افغان بیسیم د دغه ګام هرکلي کوي.

Continue Reading

پرمختګ او بشپړتیا

د کرنې او مالدارۍ وزارت پر ۳۲۵۰ هکتار ځمکه د انځرو باغونه جوړوي

Published

on

(Last Updated On: وری ۱۸, ۱۳۹۹)

د کرنې او مالدارۍ وزارت وایي، چې تر راتلونکیو ۵ کلونو پورې به په هېواد کې پر۳۲۵۰ هکتار ځمکه د انځرو باغونه جوړ شي.

د دغه وزارت مسوولینو ويلي، چې د انځر د باغونو د پراختیا ملي طرحه د ولسمشر له خوا منظور شوې او تر راتلونکیو ۵ کلونو به د هېواد په کچه د انځرو د باغونو د جوړولو په برخه کې ۶۰ میلیون ډالر پانګونه وشي او لسګونه کسانو ته به کاري زمینه هم برابره شي.

مسوولینو دا هم ویلي، چې له دې سره به په هېواد کې د انځرو د پروسس لسګونه مرکزونه هم جوړ شي.

اکبر رستمي د کرنې او مالدارۍ وزارت ویاند وایي، چې ډېري دغه باغو نه به په هرات، بلخ او کندهار کې جوړ شي. افغانستان د انځرو د تولید په برخه کې لوړ ظرفیت لري؛ نو، څکه مو ورته سوداګریزه طرحه جوړه کړې ده.

د اقتصادي چارو کارپوهان هم د کرنې وزارت له دې هڅې هرکلی کوي او زیاتوي، چې د کرني وزارت باید پر هغو کرنیزو برخو پانګونه وکړي، چې ښه سوداګریز مارکیټونه لري.

د اقتصادي چارو کارپوه حکیم الله صدیقي وایي، د کرنې وزارت باید ټول هغه کرنیز اقلام، چې په سیمه اونړۍ کې ښه مارکیټونه لري؛ پر هغو هم لکه د انځرو، پانګونه وکړي.

د کرنې او مالدارۍ وزارت مسوولین ويلي؛ افغانستان دمګړۍ د کال ۲۵ زره متریک ټن صادرات لري، چې د نويو باغونو له جوړیدو سره به د تولید کچه ۴۰ زره متریک ټن ته لوړه شي.

Continue Reading

Trending

Copyright © 2022 Ariana News. All rights reserved!